SUOBEL 02
A Biblia Meskid Omelatk
A rokui el chad a di ngar ngii a mondai el lechebangel el luchul me te chuarm er a klengiterreng, sebekreng, me a ringel. Ngmla ta el bo mchelebangel er a blekeradel el rirellau el mo omelechesiu aika el tekoi? Ke locha chelebangel a ringel le ngngar ngii a secherem me a lechub e le kau el mla oridii a betik er a rengum. Me ke locha mo oker el kmo, ‘Ngngar ngii a mo ulebengelel aika el tekoi?’ A nger er a Biblia kmal mo mengelaod er kau.
1. Ngoeak a ngera rolel e a Biblia meskid a omelatk?
A Biblia diak di lesodii a uchul me ngbetok a mondai er a beluulechad, ngdirrek el meskid a ungil chais el kmo ngdi kmedung a Dios a mo okngemed aika el mondai. A Biblia tibir el kmo, ngmo ‘meskid omelatk me a ungil klengar er a ngar medad.’ (Monguiu er a Jeremia 29:11, 12, NW.) Aika el telbiil a ngosukid el mo outekangel a mondai er kid er chelecha el taem, e mo blechoel el oba ungil uldasu, e mo er ngii a mera el deurreng er a klengar er kid. E tia el deurreng a sebechel melemolem el diak a ulebengelel.
2. Ngua ngera el klengar er a ngar medad a losaod er ngii a Biblia?
A Biblia mesaod er a klengar er a ngar medad el kmo, “Ng dikea lluut el mor ngii a kodall, e mo diak a klengiterreng, ma langel, ma ringel.” (Monguiu er a Ocholt 21:4.) Aike el mondai er chelechang el rullid el mo mechitechut a rengud el ua chelebuul, chelebirukel, secher, me a kodall a mo diak. A Biblia tibir el kmo a rechad a mo kiei el mo cherechar er a Baradis er tia el chutem.
3. Ngmekera sebechel mo ulterekokl a rengum el kmo a omelatk er a Biblia a mera el mo tmaut?
A rebetok a meruul a tekoi el melatk a ungil, engdi ngdiak lulterekokl a rengrir el kmo ngmera el mo uaisei. Engdi a telbiil er a Biblia a ulterekokl. Ngsebeched el mekurulii a klaumerang er kid er a Biblia sel ‘dorriter a chedaol Llechukl.’ (Rellir 17:11, BT) Sel mosuub er a Biblia e ngmo sebechem el melilt el kmo, koumerang aike el lolekoi el kirel a ngar medad el taem me a lechub e ngdiak.
BOM DMOLECH EL MERRITER
Morriter a bebil er a telbilel a Biblia el kirel a ngar medad. Mesa rolel e a omelatk er a Biblia olengeseu er a rechad er chelecha el taem.
4. A Biblia meskid omelatk er a diak a ulebengelel klengar er a chelsel a beluulechad el diak a ringel er ngii
Ka momes er iou a telbiil el debetik er a Biblia. Ngera er ngii a kmal soam? E ngera uchul?
Monguiu aike el bades el ngar bita er aika el telbiil e mosaod aika el ker:
-
Omomdasu e aika el bades ngmeskau omelatk? Omomdasu e ngdirrek el mo uchul a klungiolel a telungalek er kau me a resechelim a bo lodengei aika el bades?
Ka molatk er a beluulechad el
|
DIAK A CHAD EL . . . |
ROKUI EL CHAD A MO . . . |
|---|---|
|
|
|
|
|
|
|
|
|
|
5. A omelatk er a Biblia a ngar ngii a lerellii el kired er chelechang
Rebetok el chad a mekngit a rengrir me a lechub e ngkesib a rengrir er a mondai el iliuekl er tir. A rebebil a meringel loureor el melodech aika el tekoi. Mesa el kmo ngmekera telbilel a Biblia el mo meruul a rokui el tekoi el mo ungil a olengeseu er a rechad er chelechang. Momes er a VIDEO e mosaod aika el ker.
-
Ngera el chebirukel el omeruul a kmal milengesang er a Rafika?
-
Me alta ngdimlak el bo lak aika el chebirukel el omeruul, engdi ngmilekera Biblia e ngosuir?
A omelatk el lebeskid a Biblia el kirel a ngar medad a sebechel smisichii a rengud e ngosukid el outekangel a mondai er kid. Monguiu er a Osisechakl 17:22 me a Rom 12:12 e mosaod aika el ker:
-
Omomdasu e a omelatk el ngar er a Biblia ngsebechel ngar ngii a lerellii er a klengar er kau er chelechang? E ngera uchul me ke melekoi el uaisei?
A REBEBIL A KMO: “Ngmeringel er kid oumera telbilel a Biblia el kirel a ngar medad.”
-
Ngera uchul me ngklou a ultutelel omorriter a tekoi el ngar er a Biblia?
SUMMARY
Ngbetok a telbiil er a Biblia el kirel a ungil klengar er a ngar medad. Tia meskid a omelatk e rullii a klengar er kid el mo ungil er chelechang.
Review
-
Ngera uchul me a rechad a ousbech omelatk?
-
Ngera ngmelekoi a Biblia el kirel a ngar medad el taem?
-
Ngmekera omeltkem el kirel a ngar medad e ngosukau er chelechang?
A LSEBECHEM E MOMES
Msuubii a rolel e a omelatk a sebechel ngosukau sel bo mchebangel a ringel.
Mesa rolel e a omelatk el kirel a ngar medad a sebechel ngosuterir tirke el ngar ngii a meringel el rektir.
“Living With Chronic Illness—Can the Bible Help?” (Suobel el ngar er a Internet)
Sel momes er tia el music video e molatk er kau me a telungalek er kau el kiei er a Baradis el letibir a Biblia.
Monguiu er a rolel e a ta el social activist a milengodech a klengar er ngii er a lesubii a omelatk el kirel a ngar medad er a Biblia.
“I No Longer Feel That I Have to Change the World” (The Watchtower, July 1, 2013)
