SPLIKASHON DI TEKSTO DI BEIBEL
Marko 1:15—“E Reino di Dios Ta Serka”
“Awor ta e tempu, i e Reino di Dios a yega serka. Arepentí i pone fe den e bon notisia.”—Marko 1:15, Tradukshon di Mundu Nobo.
“E tempu ta kumplí, i e Reino di Dios ta serka. Arepentí i kere e evangelio.”—Marko 1:15, Beibel Santu.
Splikashon di Marko 1:15
Hesukristu a bisa ku e Reino di Dios a tabata “serka,” òf tabata “yega serka,” debí ku e tabata presente komo Rei nombrá di e Reino ei.
Hesus no tabata ke men ku e Reino lo a kuminsá goberná kaba. De echo, mas despues, el a bisa su disipelnan ku e Reino lo a bini den futuro. (Echonan 1:6, 7) Sinembargo, Hesus a aparesé na e tempu stipulá, presis e aña ku Beibel a bisa ku lo el a presentá komo e futuro Rei. b P’esei, Hesus por a bisa: “Awor ta e tempu”—e tempu pa e kuminsá prediká e evangelio, òf bon notisia, tokante e Reino.—Lukas 4:16-21, 43.
Pa hende por benefisiá di e bon notisia di Reino, nan mester arepentí, esta, haña duele di nan pikánan di pasado i biba segun e normanan di Dios. Hende ku a arepentí a mustra ku nan tabatin fe den e bon notisia tokante e futuro Reino.
Konteksto di Marko 1:15
Hesus a bisa e palabranan na Marko 1:15 na komienso di su sirbishi na Galilea. E relato paralelo na Mateo 4:17 ta bisa: “For di e tempu ei padilanti,” Hesus a prediká tokante e Reino di Dios. E Reino tabata e tópiko prinsipal di Hesus su sirbishi. De echo, e kuater Evangelionan c ta menshoná e Reino mas ku shen biaha, i mayoria di bes ta ora Hesus tabata papia. Den Beibel, Hesus a papia mas tantu biaha tokante e Reino ku kualke otro tópiko.
Lesa Marko kapítulo 1 huntu ku nota di aklarashon.
a E Reino di Dios ta e gobièrnu ku Dios a establesé den shelu pa kumpli ku su boluntat riba tera. (Daniel 2:44; Mateo 6:10) Pa mas informashon, wak e artíkulo “Kiko e Reino di Dios Ta?”
b Hesus mester a bira Rei pa e por a kumpli ku un di su papelnan komo Mesías, e representante spesial di Dios. Pa mas informashon tokante profesia di Beibel ku ta referí na Hesus su papel komo Mesías, wak e artíkulo na spañó “Prueban las profecías de la Biblia que Jesús fue el Mesías?”
c E Evangelionan ta e promé kuater bukinan di e Skritura Griego Kristian, mihó konosí komo e Tèstamènt Nobo, ku ta relatá Hesus su bida i sirbishi.
Otro Artíkulo Interesante
PREGUNTA KU BEIBEL TA KONTESTÁ
Kiko e Reino di Dios Lo Hasi?
Haña sa ki bendishon bo por ferwagt ora e Reino di Dios ta goberná e tera.
PREGUNTA KU BEIBEL TA KONTESTÁ
E Profesianan Tokante e Mesías Ta Duna Prueba Ku Hesus Tabata e Mesías?
Por tin mas ku un Mesías?
SIÑANSA DI BEIBEL
Kiko e Reino di Dios Ta?
Tempu Hesus tabata riba tera, el a papia mas tantu tokante e Reino di Dios ku kualke otro kos. Pa hopi siglo su siguidónan a pidi den orashon pa e Reino ei bini.
SIÑANSA DI BEIBEL
Material pa Studia Beibel
Skohe material pa studia Beibel ku lo yuda bo disfrutá di bo estudio di Beibel.
SIÑANSA DI BEIBEL
Nos Ta Animá Bo pa Sigui un Kurso di Beibel ku Nos
Sigui un kurso di Beibel interaktivo grátis ku un maestro.
