Kiko Bo Ta Pensa di Futuro?

TOKA NA

Nos mundu lo . . .

keda meskos?
bira pió?
bira mihó?

LOKE BEIBEL TA BISA

“Dios lo . . . seka tur lágrima for di nan wowo, i lo no tin morto mas; ni tristesa ni sklamashon ni doló lo no tin mas. E kosnan ku tabata pasa ántes no t’ei mas.”—Revelashon 21:3, 4, Tradukshon di Mundu Nobo.

KIKO ESAKI POR NIFIKÁ PA NOS?

Trabou agradabel ku ta duna satisfakshon.—Isaías 65:21-23.

Lo no tin ningun tipo di malesa ni sufrimentu mas.—Isaías 25:8; 33:24.

Nos lo biba pa semper den felisidat huntu ku nos famia i amigunan. —Salmo 37:11, 29.

DI BÈRDAT NOS POR KERE LOKE BEIBEL TA BISA?

Sí, i nos tin por lo ménos dos motibu pa esei:

Dios tin poder pa kumpli ku e promesa ei. Ta Yehova Dios so Beibel ta yama “e Todopoderoso,” pasobra e tin poder sin límite. (Revelashon 15:3) Pues, e tin tur poder pa kumpli ku su promesa pa kambia mundu i hasié un mihó lugá di biba. Manera Beibel ta bisa: “Pa Dios tur kos ta posibel.”—Mateo 19:26.
Dios tin e deseo di kumpli ku su promesa. Por ehèmpel, Yehova ta “anhelá” pa lanta hende for di morto.—Yòb 14:14, 15, Beibel Santu.

Beibel ta bisa tambe ku e Yu di Dios, Hesus, a kura hende enfermo. Pakiko el a kura hende? Pasobra e tabata ke hasi esei. (Marko 1:40, 41) Sí, meskos ku su Tata, Hesus tin e deseo di yuda hende den nesesidat.—Huan 14:9.

Pues, nos por tin sigur ku tantu Yehova komo Hesus ke yuda nos pa nos por tin un futuro felis.—Salmo 72:12-14; 145:16; 2 Pedro 3:9.

ALGU PA PENSA ARIBA

Kon Dios lo kambia nos mundu i hasié un mihó lugá di biba?

Beibel ta kontestá e pregunta ei na MATEO 6:9, 10 i DANIEL 2:44.

Otro Artíkulo Interesante

E TOREN DI VIGILANSIA

E Bèrdat Tokante Futuro

Fortalesé bo fe den loke Dios ta primintí tokante futuro di planeta Tera i e hendenan ku lo biba riba dje.

MAS TÓPIKO

Berdadero Speransa pa un Mihó Futuro

Dikon e promesanan ku tin den Beibel ta diferente for di e promesanan ku hende ta hasi i for di loke hende ta bisa lo sosodé den futuro?

SIÑANSA DI BEIBEL

Kiko e Reino di Dios Ta?

Tempu Hesus tabata riba tera, el a papia mas tantu tokante e Reino di Dios ku kualke otro kos. Pa hopi siglo su siguidónan a pidi den orashon pa e Reino ei bini.

E TOREN DI VIGILANSIA

Kiko e Reino di Dios Lo Logra?

Hesus tabata sa ku e Reino di Dios ta e úniko gobièrnu ku por resolvé e problemanan ku tin riba tera. Kiko e Reino a hasi kaba ku ta duna nos e konfiansa ei?