Cuanto Nomber Dios Tin?
E contesta cu Bijbel ta duna
Dios tin solamente un nomber personal. Na Hebreo ta skirbie יהוה y na Papiamento nos ta pronunci’e “Jehova.” a Mediante su profeta Isaias, Dios a bisa: “Ami ta Jehova. Esey ta mi nomber.” (Isaias 42:8, NW) E nomber aki ta aparece rond di 7.000 biaha den manuscritonan antiguo di Bijbel—hopi mas biaha cu cualkier otro termino cu a ser uza pa referi na Dios y hopi mas biaha cu cualkier otro nomber personal. b
Dios tin mas nomber?
Aunke Bijbel ta uza solamente un nomber personal pa Dios, tin hopi otro titulo y descripcion cu Bijbel ta uza pa referi na dje. E siguiente lista ta menciona algun titulo y descripcion di Dios y e ta mustra con cada un di nan ta revela un aspecto di Jehova su personalidad.
Titulo |
Caminda e ta aparece den Bijbel |
Nificacion |
|---|---|---|
Allah |
(Ningun caminda) |
E palabra “Allah” ta bin di e idioma Arabier. E no ta un nomber personal sino un titulo cu ta nifica “Dios.” Traduccionnan di Bijbel na Arabier y otro idiomanan ta uza “Allah” na luga di “Dios.” |
E Alfa y e Omega |
“E principio y e fin” ta nifica cu nunca no tabatin un Dios Todopoderoso prome cu Jehova y cu nunca lo no tin un despues di dje tampoco. (Isaias 43:10) Alfa y omega ta e prome y ultimo letternan di e alfabet Griego. |
|
Alfarero |
E tin autoridad riba hende individual y nacionnan completo, mescos cu un alfarero tin autoridad riba klei.—Romanonan 9:20, 21. |
|
Ami Ta Esun Cu Mi Ta |
Hende a yega di traduci e frase aki na diferente manera. Por ehempel, e traduccion di Rotherham ta bis’e asin’aki: “Lo mi bira loke sea mi kier.” Y E Traduccion di Mundo Nobo di e Santo Scritura a traducie como: “Lo mi resulta di ta loke lo mi resulta di ta.” E descripcionnan ey ta yuda nos compronde e nificacion di Dios su nomber personal cu ta aparece den e siguiente versiculo.—Exodo 3:15 |
|
Anciano di Dianan |
Dios no tabatin principio; semper e tabat’ey, hasta prome cu hende of cualkier otro cos a existi.—Salmo 90:2. |
|
Baranca |
E ta un refugio sigur y un fuente di salbacion. |
|
Dios |
Algo of un persona cu ta ser adora; un persona fuerte. E palabra Hebreo ʼElohimʹ ta plural, indicando Jehova su mahestad, dignidad y excelencia. |
|
E Dios di diosnan |
Deuteronomio 10:17 |
E Dios supremo, cu ta diferente for di e “dios[nan] cu no bal nada” cu algun hende ta adora.—Isaias 2:8, NW. |
Dios feliz |
Goso y felicidad ta caracteristicanan di Dios.—Salmo 104:31. |
|
Esun cu ta scucha oracion |
Dios mes ta scucha tur oracion di hende cu acerc’e cu fe. |
|
Esun Santo |
Mas santo (moralmente limpi y puro) cu cualkier otro ser. |
|
Haltisimo |
E tin e posicion di mas halto cu ta existi. |
|
Creador |
El a crea tur cos. |
|
Gran Trahador |
Salmo 149:2, NW |
El a crea tur cos.—Revelacion 4:11. |
Redentor |
Recupera of cumpra humanidad bek for di pica y morto mediante e sacrificio di rescate di Hesucristo.—Juan 3:16. |
|
Rey di eternidad |
Su gobernacion no tabatin principio y lo no tin fin. |
|
Salbador |
E ta libra hende di peliger y destruccion. |
|
Señor |
Doño; na Hebreo ʼAdhohnʹ y ʼAdhonimʹ. |
|
Señor Soberano |
Isaias 1:9, Beibel na papiamentu koriente |
E tin autoridad supremo; na Hebreo ʼAdhonaiʹ. |
Siñador |
E ta ofrece siñansa y guia cu ta beneficia hende.—Isaias 48:17, 18. |
|
Tata |
Esun cu ta duna bida. |
|
Todopoderoso |
Su poder ta sin limite. E expresion Hebreo ʼEl Shaddaiʹ, cu ta nifica “Dios Todopoderoso”, ta aparece shete bes den Bijbel. |
|
Wardador |
E ta cuida hende cu ta ador’e. |
|
Jaloers |
E no kier pa su adoradornan adora niun otro dios. Algun traduccion di Bijbel a yega di traduci esaki como “e no ta tolera rivalidad” y “e ta exigi devocion exclusivo.”—E Palabra di Dios; Traduccion di Mundo Nobo. |
Nomber di luganan den e Scritura Hebreo
Bijbel ta menciona nomber di algun luga cu ta inclui Dios su nomber personal, pero e nombernan ey no ta un substituto pa Dios su nomber personal.
Nomber di luga |
Caminda e ta aparece den Bijbel |
Nificacion |
|---|---|---|
Jehova-jireh |
“Jehova Lo Provee.” |
|
Jehova-nissi |
Exodo 17:15, NW |
“Jehova Ta Mi Refugio.” (Traduccion di Mundo Nobo di e Santo Scritura) Jehova ta un Dios cu ta percura pa su pueblo por haya proteccion y yudansa cerca dje.—Exodo 17:13-16. |
Jehova-shalom |
“Jehova Ta Paz.” |
|
Jehova-shammah |
Ezekiel 48:35, NW |
“Jehova Ta Eynan.” |
Motibonan pa conoce y uza e nomber di Dios
Dios su nomber personal mester ta importante p’e, pasobra el a laga skirbie miles di biaha den Bijbel.—Malakias 1:11.
Hesus, e yiu di Dios, bes tras bes a mustra con importante ta pa uza e nomber di Dios. Por ehempel, el a resa na Jehova bisando: “Bo nomber sea santifica.”—Mateo 6:9; Juan 17:6.
Esnan cu siña conoce e nomber di Dios y uz’e ta cuminsa cultiva un amistad cu Jehova. (Salmo 9:10; Malakias 3:16) Un amistad asina ta yuda nan beneficia di e promesa cu Dios a haci: “Pasobra el a stima mi, pesey lo mi libr’e; lo mi proteh’e, pasobra e conoce mi nomber.”—Salmo 91:14.
Bijbel mes ta bisa: “Tin esnan cu ta ser yama ‘dios’—sea den cielo of riba Tera, mescos cu tin hopi ‘dios’ y hopi ‘señor.’” (1 Corintionan 8:5, 6) Pero Bijbel ta identifica e unico Dios berdadero claramente na su nomber, esta, Jehova.—Salmo 83:18, NW.
a Algun experto di e idioma Hebreo ta prefera e traduccion “Yahweh” pa e nomber di Dios.
b E forma abrevia di e nomber divino “Yah” (of, “Jah”), ta aparece rond di 50 biaha den Bijbel. Esey ta inclui den e palabra “Aleluya” (of, “Haleluya”) cu ta nifica “Alaba Yah.”—Revelacion 19:1.
You May Also Like
PREGUNTA CU BIJBEL TA CONTESTA
Ken Ta Jehova?
E ta Dios di un grupo di hende so, manera e Israelitanan?
PREGUNTA CU BIJBEL TA CONTESTA
E Nomber di Dios Ta Hesus?
Hesus no a bisa nunca cu e ta Dios Todopoderoso. Dicon no?
TOCANTE NOS
Pidi un Bishita
Papia tocante un topico di Bijbel of haya sa mas tocante testigonan di Jehova.