Hesus ta compronde loke hende ta sinti ora nan ta sufri pa motibo di crimen of inhusticia. Hesus a ser acusa falsamente, bati sin motibo, husga y condena inhustamente y ehecuta na un manera cruel. Aunke Hesus tabata inocente, e tabata dispuesto pa sacrifica “su bida como rescate pa por libra hopi hende.” (Mateo 20:28; Juan 15:13) Awor, como Rey di e Reino di Dios, pronto lo e trece husticia pa henter Tera. Lo e caba cu crimen pa semper.—Isaias 42:3.

 Bijbel ta describi con mundo lo ta despues cu Hesus caba cu crimen y inhusticia:

•   “Lo no tin hende malbado mas. Lo bo bay wak caminda nan tabata, ma nan lo no t’ey. Pero hende manso lo hereda Tera, y nan lo disfruta di paz na abundancia.”—Salmo 37:10, 11.

 Con nos por mustra cu nos ta agradecido pa tur loke Hesus a haci y lo bay haci pa nos? Na Lucas 22:19, nos ta lesa cu Hesus a bisa su siguidornan pa recorda su morto. Pa e motibo ey, tur aña, riba e fecha cu el a muri, testigonan di Jehova ta reuni hunto. Nos ta invita bo pa join nos pa e Conmemoracion di e Morto di Hesus cu lo tuma luga diadomingo 24 di maart 2024.

Busca un luga caminda lo tene e conmemoracion