Dakel so karga na sayan website ya na-access anggano agka man-register ya user tan agka mangiter na anggan anton impormasyon ed sikami. Balet, wala ray function ya na-access labat na saray nan-register ya user, na saray user ya nan-submit na request odino application, tan na saray user ya say personal ya data da et impasa na sakey a kongregasyon na Saray Tasi nen Jehova panamegley na jw.org. Ipro-proseso mi so inter mon personal ya impormasyon base ed pangiyaabuloy mo. Wala ray kaso ya no bilang et babawien moy pangiyaabuloy mo, nayarin wala ni legal ya basiyan mi pian ituloy min iproseso so inter mon data, basta natumbok mi iray legal ya kakaukolanen.

Say personal ya data odino impormasyon ya in-submit mo ed sayan website et usaren labat parad gagala ya impaamta ed sika diad panaon na impangi-submit mo. Nia ray kaibad sarayan gagala:

Account. Say e-mail address ya iter mo no manggawa kay account ed sayan website et nayarin usaren pian kontaken ka nipaakar ed account mo. Singa bilang, no alingwanan moy username odino password mo tan patulongan kan manlog-in, ipawit mid e-mail address ya walad user profile mo no antoy gawaen mo.

Application. Sarag mon usaren iyan website pian mangi-submit na application, odino nayarin usaren na kongregasyon mo iyan website pian i-submit so application mo. No ontan, say in-submit ya data et usaren labat parad pangi-proseso tan pangonsidera ed application mo tan parad mikonektaan iran gagala na organisasyon. No kaukolan ya iproseso so application mo, say data ya walad application et nayarin ipasa ed arum ya branch odino ed saray mitutulongan ya organisasyon ya uusaren na Saray Tasi nen Jehova diad nanduruman bansa.

Donasyon. No mandonasyon ka online, laen mi so ngaran tan contact information mo. Pian naawat mi donasyon mo panamegley na credit card, manguusar kami na accredited online payment processing services ya walaan na world-class ya seguridad tan totontonen ed privacy na data. Nayarin makaawat kami na impormasyon ya singa say credit card number odino saray financial account number ya kaukolan pian niproseso so donasyon mo, tan isi-send mi iray kaukolan ya impormasyon ed saramay pangaalaan mi serbisyo parad panagproseso. Seseguroen min naprotektaan so data no ipro-proseso mi iray donasyon mo diad panguusar mi na saray paraan ya mipaknad Payment Card Industry Data Security Standard (“PCI DSS”). Say mangaawat ed donasyon et pansiasiansiaen to so rekord na saray transaksion diad loob na samploran taon odino onsulok ni. Kaibad satan so rekord na petsa na impandonasyon, no pigaray indonasyon, tan paraan na impandonasyon. Makatulong iratan ed sikami pian natumbok iray accounting standard tan naebatan mi so antokaman ya tepet mo legan na satan ya panaon. Agmi ka kontaken pian onkerew na kaaruman ya donasyon.

Request Parad Kaaruman ya Impormasyon Odino Parad Panagaral na Biblia. Sarag mo met so man-request diad website mi na kaaruman ya impormasyon odino libren panagaral na Biblia. Usaren mi labat so personal ya data ya in-submit mo nen nan-request ka parad samay espisipikon request mo. Say inter mon data et nayarin ipasa ed arum ya branch odino ed saray mitutulongan ya organisasyon ya uusaren na Saray Tasi nen Jehova pian nagawaan so request mo.

Arum Nin Gagala. Sarag mon i-submit so personal ya data (singa say ngaran mo, postal address, tan numero na teleponom) parad arum ya gagala aliwa labat ya diad panggawa na account, pangi-submit na application, odino pandonasyon. No gawaen mo itan, malinew ya ipaamta ed sika so gagala no akin ya kekerewen mi so impormasyon. Agmi usaren so impormasyon ya inter mo parad saray gagala ya agmalinew ya impaamtad sika nen inter mo so data.

Kokolektaen, isi-save, tan uusaren mi iyan impormasyon para labat ed gagala na impangiter mo tan anggad no kaukolan labat odino parad arum nin gagala ya talagan kaukolan. Diad sarayan situasyon, no agmo iter so kaukolan ya personal ya data ya kekerewen mi, nayarin agmo na-access iray arum ya parte na website mi odino agmi nagawaan so request mo.

Say data ya inter mo parad request mo odino application mo et na-access na saray data processor ya ontutulong pian nagawaan so gagala na pangiproseso na data tan/odino parad saray manggagawa na technical support ya mikonektaan ed pan-operate tan pan-maintain na technical system. Agmi iiter ed arum so personal ya impormasyon mo puera labat no (1) kaukolan itan pian nagawaan so in-request mon serbisyo tan nipaamta la itan ed sika; (2) manisia kamin say pangiter ed satan ya impormasyon et kaukolan pian natumbok iray ley o totontonen; (3) no kekerewen itan na saray walad autoridad ya mangipapaakseb na ley; odino (4) pian naamtaan tan napaliisan so panagsaol tan saray problema ed seguridad o teknikal. Diad panguusar mo ed sayan website, onaabuloy kan ipaamta mi so inter mon personal ya data ed saray third party ya website parad sarayan gagala labat. Antokaman ya personal ya data ya i-submit mo et agmin balot ilako, usaren ed negosyo, odino iparenta.

Say relihyoson organisasyon mi et manguusar na nanduruman lokal ya ahensia diad interon mundo. Say arum ya server na sayan website et walad United States of America. Nayarin i-transfer mi so inter mon data ed sananey ya bansa, posiblin pati diad saray bansa ya say ley da nipaakar ed proteksion na data et walaan na nanduruman level tan aliwan naynay ya pareho so level na proteksion na data ed bansa ya panaayaman mo natan. No ipro-proseso tan itra-transfer mi so personal ya data ya inter mo, gagawaen mi ray paraan pian naprotektaan so data. Iilaloan mi ya tumboken na amin ya organisasyon ya uusaren tan onsusuportad kimey na Saray Tasi nen Jehova so totontonen mi parad proteksion na data tan saray onaplikan ley tan totontonen ed personal ya data.

Diad imbisitam ed sayan website tan komunikasyon mo ed sikami ed elektronikon paraan, onaabuloy ka ed sayan pangi-transfer na data ed sananey a bansa.

Kada no ipro-proseso mi iray personal ya data, manggagawa kami ray makatunongan a paraan pian naseguro ya susto tan updated so iiter mon personal ya data parad saray gagala ya angiteran mo. Depende ed bansan panaayaman mo tan ed saray onaplikan ley parad proteksion na data ed lugar yo, nia ray nayarin kanepegan mo nipaakar ed personal ya data ya in-submit mod sikami:

• Sarag moy man-request na impormasyon base ed onaplikan ley ed lugar yo nipaakar ed panagkolekta tan panangusar ed inter mon personal ya impormasyon;

• Sarag mon i-request ya na-access, i-correct, i-delete, odino i-block so personal ya impormasyon mo no aliwan kompleto odino aliwan susto;

• No walay makatunongan a rason, sarag moy ag-onabuloy ya i-proseso so personal ya impormasyon mo tan i-request ed sikami ya agla ituloy so pan-proseso na inter mon data.

No diad bansan panaayaman mo et wala ray onaplikan ley parad proteksion na data tan no labay mon na-access, i-correct, odino i-delete so inter mon personal ya data, sarag mon anapen so contact information ed page ya Saray Contact Parad Data Protection.

No naawat la so insulat mon request, tan kayarim ya inter so magenap ya prueba ya talagan sika so manre-request tan magenap so impormasyon pian naromog mid rekord mi so inter mon personal ya data, ikonsidera na data controller no kasin iter to so request mo ya na-access, i-correct, odino i-delete so data, diad panbalanse to ed pankaabigan mo tan na organisasyon, tan ikonsidera to met no kasin napeligro so kanepegan na organisasyon parad kawayangan na relihyon no iter to so request mo. Ipaamta mi met ed saray third party ya website iray nakaukolan ya pananguman.

Imanoen ya say inter mon data et nayarin agmi i-delete no kakaukolanen na ley ya iproseso itan odino no kaukolan ya pansiansiaen so data lapud arum nin legal ya basiyan. Singa bilang, interesado so relihyoson organisasyon mi ya permanentin pansiansiaen so data nipaakar ed status na sakey ya Tasi nen Jehova. Say pangi-delete ed ontan ya impormasyon et kontra ed papanisiaan tan gagawaen na relihyoson organisasyon mi. Saray request ya i-delete so personal ya data et depende ed antokaman ya onaplikan ley parad panagreport odino saray kakaukolanen parad pan-retain na dokumento ya kekerewen dan tumboken mi. Sarag mo met so mangisegep na reklamo, ya asikasoen na saray autoridad ya mangiiter na proteksion na data diad lugar yo, nipaakar ed pangipro-proseso ed data ya inter mo ed sayan website.