Rerespetoen na organisasyon na Saray Tasi nen Jehova iray kanepegan na totoo ed privacy. Pian nanengneng mo so impormasyon nipaakar ed interon mundo ya Totontonen ed Proteksion na Data na organisasyon na Saray Tasi nen Jehova, ipangasin i-click iya.

Nabasa ed Totontonen ed Proteksion na Data no panon ya aasikasoen na organisasyon na Saray Tasi nen Jehova so personal ya data. Ontan met, wala ray espisipikon totontonen ya onaplika ed sayan website ya inusar tan impaliwawa ed leksab.

Sayan website et kayarian na Watchtower Bible and Tract Society of New York, Inc. (“Watchtower”), sakey a korporasyon ed New York ya aliwan parad negosyo tan onsusuporta ed saray aktibidad na Saray Tasi nen Jehova tan ed panagbangat na Biblia. Arum ed saray server ya manho-host ed sayan website et walad United States of America.

Say personal ya data odino impormasyon ya in-submit mo ed sayan website et usaren labat parad gagala ya impaamta ed sika diad panaon na impangi-submit mo.

Agmi iiter ed anggan siopa so personal ya impormasyon mo puera labat no kaukolan itan pian nagawaan so in-request mon serbisyo, no nipaamta la itan ed sika, odino no manisia kamin say pangiter ed satan ya impormasyon et kaukolan pian natumbok so ley o saray totontonen odino no kekerewen na saray walad autoridad odino pian naamtaan tan napaliisan so panagsaol tan saray problema ed seguridad o teknikal. No usaren mo iyan website, onaabuloy kan ipaamta mi so personal ya impormasyon mo ed saray third party parad sarayan gagala labat. Antokaman ya impormasyon ya i-submit mo et agmin balot ilako, usaren ed negosyo, odino ipa-renta.

Saray Third-Party ya Website. No maminsan, sayan website et walaan na saray link ya onlad third-party ya website ya mangiiter na serbisyo parad sikami (singa bilang, say panfill-up ed saray online form). Naamtaan mo ya wala kad third-party ya website lapud duma so itsura na satan tan nasalatan so walad address bar na browser mo. No manpipili kami na saray third-party ya website, itse-tsek mi iray totontonen da ed privacy tan saray totontonen da ed proteksion na data pian naseguro ya mipara so estandarte ra ed saray uusaren min totontonen, tan regular min gagawaen iya. No wala ray tepet mo nipaakar ed saray totontonen na third-party ya website, nengnengen so totontonen ya walad website da.

Aasikasoen min maong so seguridad na personal ya impormasyon ya inter mo. Legan mon ise-send so personal ya impormasyon mo, proprotektaan mi itan diad panguusar mi na encryption a singa say Transport Layer Security (TLS). Manguusar kami na saray computer system ya limitado labat so maka-access tan walad saray lugar ya uusaran na pisikal tan elektronikon paraan ed seguridad, tan wala ray procedure ya tutumboken pian naprotektaan so impormasyon ya ise-send ed sikami.

Say e-mail address ya iter mo no manggawa kay account ed sayan website so usaren pian nakontak ka nipaakar ed account mo. Singa bilang, no alingwanan moy user name odino password mo tan patulongan kan manlog-in, ipawit mid e-mail address ya walad user profile mo no antoy gawaen mo.

No mandonasyon ka online, laen mi so ngaran tan contact information mo. Pian naawat mi donasyon mo panamegley na credit card, manguusar kami na accredited online payment processing services ya walaan na world-class ya seguridad tan totontonen ed privacy na data. Agmi isi-save so credit card information mo, numero na bank account mo, odino arum nin impormasyon ed account mo ya isu-submit ed saray processing services, tan anggapoy access mid saratan. Say mangaawat ed donasyon et walaan na rekord na saray transaksion diad loob na samploran taon odino onsulok ni. Kaibad satan so rekord na petsa na impandonasyon, no pigaray indonasyon, tan paraan na impandonasyon. Makatulong iratan ed sikami pian natumbok iray accounting standard tan naebatan mi so antokaman ya tepet mo legan na satan ya panaon. Agmi ka kontaken pian onkerew na kaaruman ya donasyon.

Sarag mon i-submit so personal ya impormasyon mo (singa say ngaran mo, postal address, tan numero na teleponom) parad arum ya gagala aliwa labat ya diad pandonasyon odino panggawa na account (singa bilang no man-request kay libren panagaral na Biblia). Kokolektaen, isi-save, tan uusaren mi iyan impormasyon para labat ed gagala na impangiter mo tan anggad no kaukolan labat.

Wala ray kokolektaen min impormasyon no ombisita kad website mi. Kokolektaen mi irayan impormasyon panamegley na “cookies,” “web beacons,” tan mipara iran technology. Say terminon cookie diad sayan totontonen ed privacy et malaknab so usar to tan kaibad satan iray miparan technology singa say “local storage.”

Cookies. Singa met ed maslak iran website, no ombisita kad sayan website et walay melag ya data ya tatawagen ya “cookie” ya nayarin ni-save ed cell phone, tablet, odino computer mo. Nanduruma so klase na cookies tan nanduruma met so usar da tan nayarin napabalibali day pangusar mo ed website. Nayarin mangusar kami na cookies pian naamtaan mi no binmisita ka lad website mi odino natandaan mi no anto ray pinilim nen inusar moy website mi. Singa bilang, say pinilim ya lenguahe et nayarin aka-save ed cookie pian sayan lenguahe so ompaway no ombisita ka lamet ed website mi. Agkami manguusar na cookies parad advertisement.

Saray cookies ya uusaren mid sayan website et nayarin ikategorya ed taloran klase:

1. Saray Talagan Kaukolan ya Cookies​—Kaukolan iraya pian nausar moy pigaran features na website, singa say pan-log in odino pan-submit na saray form ed website. No anggapo irayan cookies, saray in-request mon serbisyo, singa say pandonasyon, et agnagawaan. Kaiba met ed saratan iray cookies ya kaukolan pian nagawaan mi so request mo legan kan manba-browse mo. Sarayan cookies et agmankokolekta na impormasyon nipaakar ed sika ya nayarin nausar parad marketing odino pian natandaan no iner so nilam ed Internet.

2. Functionality Cookies​—Uusaren iraya pian natandaan na website iray pipilien mo (singa say user name mo, lenguahem, odino lugar ya kawalaan mo) tan mangiiter na features pian napabalibali so panguusar mod website.

3. Analytical Cookies​—Uusaren iraya pian mankolektay impormasyon nipaakar ed panangusar na saray ombibisita ed sayan website, singa say karakel na ombibisita odino average na kabayag na ibisita ed sayan website. Sayan impormasyon et uusaren labat pian na-improve iyan website.

Wala ray cookies ya first-party cookies ya uusaren na website mi. Arum et third-party cookies ya uusaren na sananey ya domain. Say uusaren mi labat et say first-party cookies, puera labat ed saray third-party cookies ya kaukolan ed Google reCAPTCHA. Say Google reCAPTCHA et uusaren pian nibiig no kasin too odino computer so manguusar pian naiwasan so automated spam. Ipangasin nengnengen so totontonen ed privacy na Google diad https://www.google.com/intl/en/policies/privacy/.

Web Beacons. Diad saray web page mi, nayarin wala ray angkelag ya electronic files ya tatawagen ya web beacons ya uusaren mi pian nirekord so gagawaen na saray ombibisita, singa bilang no binmisita kad sakey ya web page. Uusaren iray web beacons pian naamtaan so panguusar ed sayan website tan na-monitor so peles to.

Usar na IP address. Say IP address et numeric code ya pakabidbiran na computer mo diad internet. Uusaren mi so IP address mo tan say klase na browser mo pian natulongan kamin na-analyze no panon so panguusar ed sayan website tan pian nanengneng mi ray problema tan pian na-improve mi serbisyo mi ed sika.

Say Pampilian Mo. Maslak ya browser et abuloyan to kan i-turn off so cookies odino mangiter na warning antis ya i-save so sakey ya cookie ed gadyet mo. Nengnengen iray instruksion na browser mo pian naamtaan no panon iyan nagawaan. Balet tandaan, no anggapoy cookies, nayarin agmo na-access so amin ya features ed website mi.

Manguusar iyan website na scripting pian mas na-improve iray function na website. Panamegley na sayan technology, maples a makapangiter iyan website na impormasyon ed sika. Agbalot usaren na sayan website so scripting pian man-install na software ed computer mo odino mantakew na impormasyon ed sika.

Kaukolan ya aka-enable so active scripting odino JavaScript ed browser pian duga so iyandar na arum a parte na sayan website. Diad dakel a browser et sarag mon i-enable o i-disable iya diad espisipiko iran website. Lukasan so help documentation na browser pian naamtaan mo no panoy pan-enable ed scripting parad pinilim iran website.

Say pangusar mod sayan website, kaiba lay pan-download na anggan anton publikasyon, video, odino audio, et libre. Agmo kaukolan so manggawa na account, mandonasyon, odino antokaman ya mankaukolan na pangiter moy personal ya impormasyon pian minabang ed website. Balet, no boluntaryo kan manggawa na account, mandonasyon, man-request na libren panagaral na Biblia, odino manggawa na antokaman ya mankaukolan na pangiter moy personal ya impormasyon, onaabobon kad sayan Totontonen ed Privacy and Cookies; say pangi-save na data o impormasyon diad saray server ya walad United States of America; say pankolekta, pamproseso, pangi-transfer, tan pangi-save na personal ya impormasyon na Watchtower tan saray organisasyon ya onsusuportad Saray Tasi nen Jehova diad nanduruman bansa no kaukolan pian nagawaan so in-request mo. Say mankolekta na impormasyon et mandepende ed gawaen mo diad website. Singa bilang, no mandonasyon ka ed sakey a korporasyon diad sakey a bansa, say pangiteran na ngaran mo tan contact information mo et diad satan ya korporasyon ya nipaamta ed sika legan na pandodonasyon mo. Say sakey nin alimbawa et no man-request kay panagaral na Biblia. Say pangiteran na ngaran tan contact information mo et diad branch office na Saray Tasi nen Jehova pian nagawaan so request mo.

No agmo niiter so kaukolan ya personal ya impormasyon ed panggaway account, pandonasyon, odino parad antokaman ya request mod sayan website ya mankaukolan na personal ya impormasyon, agmi nagawaan so request mo.

No kaukolan min umanen so Totontonen ed Privacy tan Cookies, iyan mi ray pananguman ed sayan web page pian antam no anto ray impormasyon ya aalaen mi tan no antoy panguusaran mid saratan.

Depende ed ley na bansa, nayarin wala ray kaaruman ya kanepegan mo no nipaakar ed personal ya impormasyon ya inter mo. Nayarin kaibad saya so kanepegan mo ya man-access, man-correct odino man-delete na personal ya impormasyon ya inter mod sikami panamegley na sayan website. No onaplika iyad bansa yo, naromog mo ray contact information dia. No say tepet mo ed personal ya impormasyon et nipaakar ed pandonasyon, kontaken so mangaawat na donasyon ya nipaamta ed sika legan na pandodonasyon mo ya walad donation receipt mo.