9 ФАРСТА
Эволюцибӕл ӕууӕндӕн ес?
ДУ БА КУД БАКОДТАЙСӔ?
Дӕ цӕститӕбӕл рауайун кӕнӕ: Алекс алкӕддӕр ӕууӕндтӕй, Дун-дуйне Хуцау ке сфӕлдиста, уобӕл. Фал абони ба ӕ биологий ахургӕнӕг федарӕй дзурдта, цард эволюций фӕрци ке фӕззиндтӕй, удта ахургӕндтӕ дӕр уотӕ ке зӕгъунцӕ. Алекси нӕ фӕндуй, цӕмӕй иннетӕмӕ гъӕлай хузӕн фӕккӕса. Ӕхенимӕр сагъӕс кӕнуй: «Кӕд ахургӕндтӕ уотӕ зӕгъунцӕ, уӕд ибӕл ӕз ба куд гъӕуама дузӕрдуг кӕнон?»
Ду ба Алекси бунати эволюцибӕл баууӕндтайсӕ, ӕрмӕстдӕр киунугути уотӕ финст ке ӕй, уой туххӕй?
ӔРЛӔУУӔ ӔМА РАСАГЪӔС КӔНӔ!
Беретӕ фӕззӕгъунцӕ цӕбӕл ӕууӕндунцӕ, уой, фал ибӕл цӕмӕн ӕууӕндунцӕ, уой балӕдӕрун кӕнун ба сӕ бон нӕ фӕууй.
-
Еуӕй-еуетӕ Хуцаубӕл ӕууӕндунцӕ, сӕ дин сӕ уотӕ ке ахур кодта, уой туххӕй.
-
Иннетӕ ба эволюцибӕл ӕууӕндунцӕ, скъолай сӕ уотӕ ке ахур кодтонцӕ, уой туххӕй.
ӔХСӔЗ ФАРСТАЙ
Библи зӕгъуй: «Алли хӕдзарӕ дӕр кадӕр искӕнуй, алци ’скӕнӕг ба ӕй Хуцау» (Дзиуиттӕгтӕмӕ 3:4). Цума аци дзурдтӕбӕл ӕууӕндӕн ес?
Хӕдзарӕй еске уотӕ зӕгъдзӕй, ӕма ӕхуӕдӕг фӕззиндтӕй? Мадта уӕд цард ба ахегъӕди куд фӕззиндтӕй?
АДӔН ЗӔГЪУНЦӔ: космоси цидӕр исрӕмугъта, ӕма уой фӕрци фӕззиндтӕй алцидӕр.
1. Еци хабар ке фӕрци кенӕ цӕй фӕрци ӕрцудӕй?
2. Ци растдӕр ӕй – алцидӕр ӕхегъӕди фӕззиндтӕй, ӕви алцидӕр кадӕр искодта?
АДӔН ЗӔГЪУНЦӔ: адӕн цӕрӕгойтӕй рацудӕнцӕ.
3. Кӕд адӕн маймулитӕй рацудӕнцӕ, уӕд адӕймаги зунд маймулий зундӕй уотӕ хъӕбӕр цӕмӕн хецӕн кӕнуй?
4. Тӕккӕ хумӕтӕгдӕр кълеткитӕ уотӕ зинарӕзт цӕмӕн ӕнцӕ?
АДӔН ЗӔГЪУНЦӔ: эволюцийӕн ес бӕлвурдгӕнӕнтӕ.
5. Уотӕ ка фӕззӕгъуй, еци адӕймаг еци фарста ӕхуӕдӕг рартаста?
6. Цӕйбӕрцӕ адӕн ӕууӕндунцӕ эволюцибӕл, ӕрмӕстдӕр уой туххӕй, ӕма син кадӕр уотӕ ке загъта, еугур зундгин адӕн дӕр уобӕл ӕууӕндунцӕ, зӕгъгӕ?
«Гъӕди рӕсугъд гъӕдин хӕдзарӕбӕл ку исӕмбӕлай, уӕд ци рагъуди кӕндзӕнӕ? Бӕлӕстӕ сӕхуӕдтӕ уотӕ ӕрхаудтӕнцӕ ӕма си уӕхӕн хӕдзарӕ рауадӕй? Уотӕ нӕ фӕууй! Мадта уобӕл ба цӕмӕн гъӕуама ӕууӕндӕн, ӕма Дун-дуйней алцидӕр ӕхе гъӕди фӕззиндтӕй?» (Джули).
«Расагъӕс кӕнӕ, кадӕр дин зӕгъуй, зӕгъгӕ, типографий цидӕр ниггупп кодта ӕма краскӕ тугур ӕма фӕрстӕбӕл ниппурхӕ ’й, ӕма си уотемӕй рауадӕй, ӕнӕгъӕнӕ энциклопедий ка бацудайдӕ, уӕхӕн текст. Уобӕл баууӕндтайсӕ?» (Гвен).
ХУЦАУБӔЛ ЦӔМӔН ГЪӔУАМА ӔУУӔНДАЙ?
Библи нӕ разӕнгард кӕнуй, цӕмӕй «арф сагъӕс кӕнӕн» (Ромӕгтӕмӕ 12:1). Е уобӕл дзорӕг ӕй, ӕма Хуцаубӕл айдагъ уой туххӕй гъӕуама ма ’ууӕндай...
-
ӔМА ДӔМӔ ӔНӔУОЙ УОТӔ КӔСУЙ (Лӕдӕрун ӕй, кӕмидӕр цидӕр ке ес)
-
ӔМА ИННЕТӔ УОТӔ ГЪУДИ КӔНУНЦӔ (Мӕ алливарс цӕрӕг адӕн еугурӕйдӕр Хуцаубӕл ӕууӕндунцӕ)
-
ӔМА ДӔ УОТӔ ИСГЪОМБӔЛ КОДТОНЦӔ (Мӕ ниййергутӕ Хуцаубӕл ӕууӕндунцӕ, ӕма ибӕл ӕз дӕр ӕууӕндун)
Цӕбӕл ӕууӕндис, уой гъӕуама дзӕбӕх лӕдӕрай.
«Нӕ бауӕр куд косуй, уой туххӕй нин нӕ ахургӕнӕг ку фӕдздзоруй, уӕд никки хъӕбӕрдӕр баууӕндун, Хуцау ке ес, уобӕл. Нӕ бауӕри алли хай дӕр, сӕуӕнгӕ ма тӕккӕ листӕгдӕр, ӕхе куст кӕнуй, мах ӕй лӕдӕргӕ дӕр нӕ фӕккӕнӕн, уотемӕй. Адӕймаг ӕцӕгӕйдӕр дессаги конд ӕй!» (Терезӕ).
«Хъӕбӕр устур хӕдзарӕ, устур корабль кенӕ ӕнӕуой машинӕмӕ ку фӕккӕсун, уӕд расагъӕс кӕнун: “Цума сӕ ка кодта?” Зӕгъӕн, машинӕ, ӕвӕдзи, зундгин адӕймаг ӕргъуди кодта, уомӕн ӕма си берӕ листӕг хӕйттӕ еугурӕйдӕр кӕрӕдзебӕл баст ӕнцӕ, ӕма уой фӕрци машинӕ косуй. Ӕма кӕд машинӕ кадӕр искодта, уӕд адӕймаги ба неке искодта?» (Ричард).
«Наукӕ куд фулдӕр ӕртастон, уотӕ ’й хуӕздӕр лӕдӕрдтӕн, эволюци аргъау ке ӕй. [...] Мӕнмӕ гӕсгӕ эволюцибӕл Хуцауӕй зиндӕр баууӕндӕн ӕй» (Энтони).
РАСАГЪӔС КӔНӔ
Ахургӕндтӕ эволюци дӕсгай ӕнзти дӕргъи ӕртасунцӕ, фал ӕй абони уӕнгӕ дӕр кӕронмӕ нӕма лӕдӕрунцӕ. Кӕд ахургӕндтӕ сӕхуӕдтӕ еци гъуддаги еу гъудибӕл хуӕст нӕ ’нцӕ, кӕд ӕма ’й гъӕуама уонӕй хуӕздӕр маке зона, уӕд ибӕл ду ба куд гъӕуама ӕууӕндай?
