TATJOJ AWIʼ CHRIJ LE BIBLIA RKʼË JUN TESTIGO DE JEHOVÁ
Nawajoʼ rït yakʼaseʼ
Chpan re tjonïk reʼ chrij le Biblia, rït xtatamaj kiqʼalajsaxik jojun kʼutunïk achiʼel reʼ:
¿Achkë ütz nbʼän rchë kiʼ nkʼuʼx nbʼän pan nkʼaslemal?
¿Kʼo komä jun qʼij xtchup ruwäch ri itzelal chqä ma xtqatäj ta chik poqän?
¿Xkentzʼët na chik jmul ri wachʼalal ri ye kamnäq äl?
¿Yinatäj komä che rä Dios?
¿Achkë rubʼanik kʼo chë yichʼö rkʼë Dios rchë ryä yirukʼoxaj?
Ma tojon ta
Re tjonïk reʼ ma tojon ta. Nyaʼöx jun a-libro ri rubʼiniʼan Nawajoʼ rït yakʼaseʼ y, we nkʼatzin chawä, nyaʼöx chqä jun a-Biblia.
Rït yatzʼetö achkë rubʼanik nakʼül
Ütz natjoj awiʼ rkʼë ri xtyaʼö atjonik pa videollamada, chawachoch o akuchï más ütz nuʼän chawäch rït. Chqä rït yachaʼö achkë hora nawajoʼ nakʼül atjonik.
Yakowin nayaʼ qa taq nawajoʼ
We ma xtawajoʼ ta chik xtatjoj awiʼ, rït ütz nayaʼ qa atjonik. Ri natjoj awiʼ qkʼë ma ntel ta chë tzij chë kan nkʼatzin yatok Testigo.
¿Achkë rubʼanik yeqatjoj ri winäq chrij le Biblia?
Ri xtyaʼö atjonik xkaturtoʼ rchë xtatamaj achkë nukʼüt le Biblia. Naʼäy xtatamaj chrij jun naʼoj, chrij riʼ chrij jun chik. Chpan ri libro Nawajoʼ rït yakʼaseʼ, xtatamaj achkë nukʼüt le Biblia chqä achkë rubʼanik yaturtoʼ chpan akʼaslemal. We nawajoʼ natamaj más chrij ri achkë rubʼanik yeqatjoj ri winäq chrij le Biblia, tatzʼetaʼ re video reʼ o tatzʼetaʼ kiqʼalajsaxik jojun kʼutunïk ri yebʼan chrij ri tjonïk nqayaʼ chkë ri winäq.
¿Nawajoʼ natzʼët jojun naʼoj ri xttzʼet chpan ri tjonïk?
Tatzʼetaʼ ri naʼäy taq tjonïk ri kʼo chpan re wuj reʼ.
¿Nawajoʼ nachäp atjonik chrij le Biblia?
Tabʼanaʼ clic chrij re botón reʼ rchë naʼij äl achkë qʼij, achkë hora chqä akuchï nawajoʼ nakʼül wä atjonik.