Bayɛ wɛbsait he kyɛ ɔboka wɔ ma esua nningyein pẽe fa Nyameɛpiri, Bible ne, ɔne Yehowa Adanzefoɛ nwo. Kenga, na nea, anaakyɛ twẽ nningyein bɔ wɔnye gye yenwo ɔ. Yɛpena kyɛ mmeni pẽe nya yɛ wɛbsait naso mvasoɛ, nakoso yɛsrɛ wɔ, nnɛfa nningyein bɔ ɔwɔ yɛ wɛbsait wa ne bie kogua wɛbsait foforɛ so. Ɛkɔhora kohyire mmenia atẽe kɔwa wɛbsait wa maa bɛkoso, bekonya so mvasoɛ kyɛbɔ ɔwɔ Yenwo Mmraa bɔ ɔwɔ yebo wa nanu ne.

•  Yenwo Atẽe

•  Ahyɛnzodeɛ

•  Yenwo Mmraa ne Yenwo Atẽe Bɔ Ele Ye Wɔ Wɛbsait Wa

•  Anwonyerɛsalɛ Nwo Dwirɛ

•  Bɛbɔ Bɛle Yenwo Atẽe Ɔne Mmraa Bɔ Ɔbata Yenwo Ɔ

•  Yenwo Mmraa Bɔ Ekobu So

•  Nzakraeɛ

•  Mmraa Ɔne Nekaa Bɔ Okodwu Ɔ

•  Yenwo Nhyehyɛeɛ Bɔ Bɛkɔsakra Nu Ɔ

•  Yenwo Mmraa Mukoraati

© 2024 Watch Tower Bible and Tract Society of Pennsylvania. Yenwo Atẽe ne mukoraati te yɛ deɛ.

Bɛbɔ bɛyɛle wɛbsait he ná bɛnea so yeɛ ole Watchtower Bible and Tract Society of New York, Inc. (“Watchtower”). Nningyein ne edwirɛ bɔ ɔwɔ wɛbsait wa mukoraati te Watch Tower Bible and Tract Society of Pennsylvania (“Watch Tower”) deɛ, sana yahyire kyɛ ofi nekaa foforɛ.

Adobe, Adobe logo, Acrobat, ɔne Acrobat logo mukoraati te ahyɛnzodeɛ Adobe Systems Incorporated deɛ. Ahyɛnzodeɛ Apple, iTunes, ɔne iPod te Apple Inc deɛ. Microsoft, ne Microsoft ahyɛnzodeɛ, Microsoft software ɔne ye nningyein mukoraati bɔ Microsoft Office ne Microsoft Office 365 bokaso ne, ɔte Microsoft Inc deɛ. Android te Google LLC ahyɛnzodeɛ. Android robot te Google ngaen bɔ bɛfa bɛyɛ bɛ nningyein mukoraati, na bɛ yeɛ bɛnea yenwo nhyehyɛeɛ ne yenwo mmraa https://creativecommons.org/licenses/by/3.0/us/) so ɔ. Ahyɛnzodeɛ ahoroɛ ne mukoraati te adwumakue ahoroɛ bɔ bɛyɛle ne deɛ.

Sɔ nhyehyeɛe hemɔ yeɛ okyire kyɛbɔ ɛkɔfa wɛbsait he koli dwuma ɔ. Sɛ ɛfa sɔ wɛbsait he di dwumaa a, okyire kyɛ edé Yenwo Nhyehyɛeɛ, ɔne Yenwo Mmraa biala bɔ waha (“Yenwo Nhyehyɛeɛ” ne mukoraati) wɔ sɔ wɛbsait he aso ne koso to nu. Sɛ enné wɛbsait he anwo mmraa bɔ bayɛ ne mukoraati anaakyɛ enné enu bie nndo nu a, yede nnɛfa wɛbsait ne di dwumaa.

Nzu yeɛ okyire kyɛ ɛfa di dwumaa wɔ atẽe páa so ɔ? Mmraa bɔ ɔwɔ yebo wa ne ma wɔ yenwo atẽe kyɛ:

• Ɛkɔhora kɔnea, ɛkɔhwẽ, anaakyɛ ekotindim nningyein bɔ Watch Tower lé yenwo atẽe ne bie tekyɛ mvonini, ɛlɛktrɔnik nningyein, dwein, foto ahoroɛ, ahyerɛlɛ, anaa vidio ahoroɛ wɔ wɛbsait wa, ná wɔ bɔbɔ afa ayɛ adwuma bɔ ɛngɔtɔne ye ɔ.

• Ɛkɔhora kɔfa link anaa ɛlɛktrɔnik nningyein bɔ bɛkora bɛtwẽ, vidio ahoroɛ, ɔne bɔ, bɛbɔ betie bɔ ɔwɔ sait wa ne kɔma ebiala bɔ ekuro ɔ.

Ellé yenwo atẽe kyɛ:

• Ɛkɔfa mvonini, ɛlɛktrɔnik nningyein, ahyɛnzodeɛ, dwein, foto ahoroɛ, vidio, anaa edwirɛ fi wɛbsait wa kogua wɛbsait foforɛ bɔ ɔwɔ intanɛt so (wɛbsait biala, sait bɔ bɛsɛnde nningyein bɛfa so, ɔne bɔ bɛfa vidio begua so, anaa social network biala so).

• Ɛkɔyɛ bie kɔkyekyɛ, anaakyɛ ɛkɔfa ye mvonini, ɛlɛktrɔnik nningyein, ahyɛnzodeɛ, dwein, foto ahoroɛ, ahyerɛlɛ anaakyɛ vidio ahoroɛ bɔ ɔwɔ wɛbsait wa koli dwaa (anaakyɛ ɛkɔfa nningyein ahoroɛ ne bie kogua server so maa bɛkɔfa bekoli dwumaa wɔ softwer application foforɛ so).

• Ɛkɔhyehyɛ, anaakyɛ ɛkɔyɛ nningyein ahoroɛ bɔ oliliso hemɔ anu biala foforɛ, na afa apena mvasoɛ wɔ dwaalilɛ nu wɔ wɛbsait he aso mvonini, ɛlɛktrɔnik nningyein, ahyɛnzodeɛ, dwein, foto ahoroɛ, ahyerɛlɛ anaakyɛ vidio ahoroɛ.

• Ɛkɔyɛ software apps ahoroɛ biala, anaakyɛ ɛkɔfa atẽe biala so konya bie, kyɛ ebia ɛkɔkɔpe, ɛkɔhwẽ, ɛkɔ ɛstrakt, ɛkɔboa yenoa, anaakyɛ ɛkɔ scrape data, HTML, foto ahoroɛ, anaa ɛkɔye edwirɛ bie kofi sait wa. (Nakoso ɛkɔhora kɔhwẽ bie te kyɛ EPUB, PDF, MP3, ɔne MP4 fael ahoroɛ bɔ ɔwɔ sait bɔ mmenia kɔ berɛ kɔkyekyɛ ye mbaen bɔ engole sikaa biala ɔ.)

• Ɛkɔfa atẽe foforɛ bie so kɔsesã nningyein wɔ wɛbsait he aso bɔ ɔkɔmaa ɔkɔyɛ se kɔma mmenia kyɛ bɛkɔwa wɛbsait wa na bafa bali dwumaa ɔ.

• Ɛkɔfa wɛbsait ye koli dwumaa wɔ atẽe tɛɛ so maa ɔkɔsesã kofi kyɛbɔ besi bɛyɛlee nanwo, mmerɛ bɔ ellé mmraa atẽe so tumi biala bɔ ɛfa yɛ sɔ ne. Anaakyɛ ɛkɔfa wɛbsait he koli dwumaa maa okobu mmraa nwo nhyehyɛeɛ bɔ bayɛ naso ɔ.

• Ɛkɔfa wɛbsait he nwo nningyein bie te kyɛ mvonini, ɛlɛktrɔnik nningyein, ahyɛnzodeɛ, dwein, foto ahoroɛ, ahyerɛlɛ anaakyɛ vidio ahoroɛ ngoli dwaa.

• Sɔ wɛbsait he fa Google Maps bɔ na yɛ yeɛ yɛnea so ne di dwumaa. Sɛ ɛfa Google Maps di dwumaa wɔ wɛbsait he aso a, okyire kyɛ edé mmraa bɔ ɔfa Google Maps/Google Earth Additional Terms of Service nwo ne to nu. Ɔnate kyɛ na yɛ yeɛ yɛnea so nati, sɛ ɛfa di dwumaa a, susu yenwo mmraa nanwo yé. Nnɛfa Google Maps Services di dwumaa mmerɛ bɔ enné yenwo mmraa ne ɛndo nu ne. Sɛ ɛfa wɔnwo dwirɛ gua Google Maps so a, ɛngɔhora ngonwui wɔ wɛbsait he aso.

Anwonyerɛsalɛ bue bɔ yɛkã yenwo dwirɛ wɔ wɛbsait he aso (“Medical Section”) wa ne, ɔfa anwonyerɛsalɛ ngyirekyiremuɛ ngome nwo, na ɔmma akwangyerɛ biala wɔ ayireyɛlɛ nwo, yeɛ ɔtte kyɛ osi ayireyɛlɛ pɔtee bie gya nu. Anwonyerɛsalɛ Nwo Dwirɛ bue bɔ ɔwɔ wɛbsait he aso ne, ongyire ayireyɛlɛ pɔtẽe, dɔktaniɛ, anaa ayire ahoroɛ bɔ odikyɛ ebie fa di dwumaa wɔ ye anwonyerɛsalɛ nu ɔ.

Ndeaseɛ wɔ nu kyɛ ɛkɔpena mmokalɛ kofi dɔktaniɛ bie bɔ ɔse adwuma berɛ, wɔ nzɛmmisa biala bɔ ɔkye w’adwene wɔ ayireyɛlɛ biala nwo ne.

Anwonyerɛsalɛ Nwo Dwirɛ bɔ bafa bagua wɛbsait he aso ne, ɔne atẽe foforɛ bɔ bɛfa so bɛsa anwonyerɛ ɛlasae ne yia. Nakoso bɛnhyɛ ebiala kyɛ ɔfa li dwumaa, na mmom, ɔte ngyerekyiremuɛ ne nyanzahyɛ ahoroɛ bɔ ɔfa anwonyerɛsalɛ nwo mbaen ɔ. Anwonyerɛsalɛ Nwo Dwirɛ ne, ɔtte dwaalilɛ bɔ sɛ nikyee bie anyɛ kyɛbɔ ɛpena ne a, ɛkɔhora kɔhã yenwo dwirɛ ɔ. Sɛ enwui kyɛ ɔhaw bie wɔ Anwonyerɛsalɛ Nwo Dwirɛ bɔ ɔwɔ wɛbsait he aso nanwo, kyɛ ebia enwui kyɛ enu nna berɛ anaakyɛ ye ngyerekyiremuɛ ne ɔtte nahorɛ mma wɔ a, ɛngɔhora ngɔfa yenwo asodi ngɔto ebiala so. Sɛ enwu mvomsoɛ bie wɔ Anwonyerɛsalɛ Nwo Dwirɛ nanwo a, ɛngɔhora ngɔyɛ yɛ hwee anaakyɛ ɛngɔhora ngɔfa ngɔhɔ kɔɔt. Sɛ ɛfa wɔnwo to ngyerekyiremuɛ bɔ bafa bama wɔ Anwonyerɛsalɛ Nwo Dwirɛ naso a, bɔ okofi nu kɔwa biala te wɔ bɔbɔ deinn wɔ dwirɛ. Ɔfa Anwonyerɛsalɛ Nwo Dwirɛ bɔ ɔwɔ wɛbsait he aso nanwo ne, ɛngɔhora ngɔfa wɛbsait he ngɔfa mmraa atẽe biala so anaakyɛ ɛngɔbɔ wɛbsait he kerɛ wɔ tebea biala nu anaa ɛngɔhora ngɔbɔ somoɛ biala wɔ bɔ okofi nu kɔwa nanwo (te kyɛ ebia asiane bie wale, anaakyɛ nikyee bie sɛkyele, kyɛ epirale anaakyɛ ewue fili nu wale, kyɛ ɛbɔle kerɛ anaakyɛ wɔ nikyee bie minini, anaa w’adwuma sɛkyele), kyɛ ebia ɛhora fale Anwonyerɛsalɛ Nwo Dwirɛ bue ne lili dwumaa anaa angora anyɛ sɔ ne.

Nningyein ne edwirɛ ahoroɛ bɔ ɔbokaso bɔ bafa bagua wɛbsait he aso ne, Watchtower yeɛ bɛfa beguale berɛ kyɛ sɛ ekuro a, fa di dwumaa. Watchtower nhyɛ ebiala bɔ kyɛ, okotua ye kerɛ mmerɛ bɔ ɔfa wɛbsait he di dwumaa ne.

Watchtower ngã kyɛ sɛ ɛfa wɛbsait he di dwumaa a, ɔkora si virus anaa nikye foforɛ bɔ ɔkɔhora kɔha wɔ ngaen natẽ. Ɛngɔhora ngɔfa Watchtower ngɔfa mmraa atẽe biala so anaakyɛ ɛngɔbɔ ye kerɛ wɔ tebea biala nu anaa ɛngɔhora ngɔbɔ somoɛ biala, mmerɛ bɔ ɛfa wɛbsait he aso nningyein di dwumaa kyɛ ebie a, (ɛbɔle kerɛ anaa ɛhwerele nikyee bie) ne.

Ɔnate kyɛ Watchtower ndoto mmraa dwirɛ bɔ ɔfa wɛbsait he anwo nase ti, sɛ ebu wɛbsait he Nwo Mmraa bɔ Watchtower ahyehyɛ naso a, Watchtower kosi gyinaeɛ biala bɔ ɔfata wɔ edwirɛ nanwo, ebie yeɛ ole kyɛ, engonya yenwo atẽe ngɔwa wɛbsait he aso kõ, anaakyɛ yekole yenwo atẽe bɔ elé ye kyɛ ɛkora ba wa ne yekofi wɔ sa nu, yekosi wɔ computer IP addrɛss ne atẽe bɔ ɛngɔhora wɛbsait naso ba kõ ɔ, yɛkɔmaa mmenia bɔ bɛmaa enya intanɛt ne kosi w’atẽe wɔ wɛbsait he anwo anaakyɛ yɛkɔmaa mmraa ne wɔ koli kyɛbɔ ɔfata ɔ.

Watchtower kɔhora kɔyɛ nzakraeɛ wɔ Yenwo Mmraa nanu mmerɛ biala. Kyẽa biala bɔ yɛkɔyɛ nzakraeɛ bie wɔ Yenwo Mmraa nanu ne, odikyɛ ɛhyɛ ye bo fa yɛ adwuma sɔ kyẽa ne ala. Yɛsrɛ wɔ, ɛyɛ a, taa bra wɛbsait ne bue wa na banea kyɛ bayɛ nzakraeɛ bie wɔ wa anaa.

Yenwo Mmraa bɔ yayɛ ne, ogyĩ New York, U.S.A maen mmraa so na bɛ yeɛ bɛnea so ɔ, yeti bɛ yeɛ bɛkohyirehyire nikyee biala nu kyɛ bɔ bɛ mmraa ne te ɔ. Ebiala bɔ ɔkodwɔso kotia bɔ yahã wɔ Yenwo Mmraa nanu ne, kɔɔt mmraa bɔ ɔwɔ New York, U.S.A ne, yeɛ ɔne sɔ sona ne koli ɔ.

Sɛ kɔɔt bie bɔ ole tumi kyire kyɛ, wɛbsait he anwo mmraa bɔ yayɛ ne bie nni mũ a, ye nga bɔ waha ne kɔyɛ adwuma. Sɛ ebie bu yenwo mmaraa naso na Watchtower anyɛ ye hwee a, ɛhẽne ngyire kyɛ Yenwo Mmraa ne nyɛ adwuma.

Yenwo Mmraa bɔ yayɛ ne te apam bɔ Watchtower ne wɔ ayɛ bɔ ɔfa kyɛbɔ ɛkɔfa wɛbsait ne koli dwumaa nwo ɔ, mmraa foforɛ biala bɔ ɔwɔ ɛhe sĩ ne ngɔyɛ adwuma wɔ wa.