“A Revereve Gogona hi God mo betera lawe gide.”—2 Timoti 3:16, Havai Niu Testamen.

Vin buluigo vo goin ilo na gaiduvi leo hui.—Ol Proveb 2:1-5.

Vin buluigo vo goin siregi na Buku Gogona vin tomuegi nego vataha rani.—Ol Sam 119:105.

Vin buluigo vo goin lando rarai na taro garea vin mai.—Rom 15:4.

Iyo, huri na leo ngere:

• Non leo rau vovohoi tamwere.Tangaloi 40 rau uli na leo doluegi lo Buku Gogona, u leire huri na hikau 1, 600. Lavasigi denire rau mwaso lo taro dodolue, nge hate huri, leo doluegi rau ulire lolo Buku Gogona, rau vovohoi mei rau vev huri na lanlando gategale hokse.

• Mo veve na leo hogo lo matai histri. Tavohe tangaloi ram uli na histri noi tangaloi, ram veve na gineu garea hokse, doridori hasi, ngehe rai uli tea. Nge Buku Gogona dolue. Tangaloi ngere rau uli na Buku Gogona, rau uli bimbi na gineu doluegi, nge rau garea mei nge rau hesi vage. Rau uli bimbi na vai vagasile noi tangaloi lo tanora vage.—2 Kronikel 36:15, 16; Ol Sam 51:1-4.

• Leo nora profet ram dadari lo taro vovohoi. Buku Gogona u veve lategi hikau 200 tomuerandu, vo vanue Babilon vin sala. (Aesea 13:17-22) Vi veve te hokse vo vanue ngehe vin sala, nge mo veve na henai tangaloi nge vage vo vin bwaragi na vanue ­Babilon.—Aesea 45:1-3.

  Buku Gogona mo veve na leo nora profet lavsig vage, mo vev sere na gineu wiwirigi doluegi vo rain dadari lo taro mo mai. Gineu ngere rau mwalue doluegi. Gineu douegi ngere ram veve matmwasaraginie vo Buku Gogona nge leo noi Hungwe.—2 Bita 1:21.