Langwana Nora Mata Leo Noi Jehova
?Gam loli nomai langwana mwerehilogo? Goin lehe na vale bultegi no Jehova nge mo neo gagarani lombena tanomu.
?Mata Leo Noi Jehova Ram Loli Nora Langwana Mwerehilogo?
Gamai Mata Leo Noi Jehova gam hango na nomai langwana lo rani gairue, vataha na wik. (Hibru 10:24, 25) Tangaloi doluegi rain mai lei lo langwana ngere. Lo taroi langwana, gam velu na Leo Gogona noi Hungwe, siu gam lanlando lune fo leo ngerehi rain bului gamai lo nomai mwasoana mwerehilogo.
Lo taroi langwana, gam hui ‘kwestin’ mei ‘ansa’, mwere na huhui mo lolie lo sikulu. Tomuegi a langwana mobi tavugi, gam huri na ahi gaitegale, siu gaitegale dein gamai, vin loli na tataro meugi. Me vage, tafohe, a langwana mo rovo, gam huri na ahi vagasigi mei gaitegale vin loli na tataro vagasigi.
Gamai gam rong garea fo tangaloi haro vage, rain mai rain bulu mei gamai. Goin voli tea, me vage gahe loli tea kleksen.
