Boa Awie Mɔ Amaa Ɛ Nwo Anyɛ Wɔ Koonwu—Mɔɔ Baebolo Ne Ka La
Menli dɔɔnwo mɔɔ wɔ ewiade anu la te nganeɛ kɛ bɛ nwo yɛ bɛ koonwu yɛɛ awie mɔ ɛmbikye bɛ. Menli mɔɔ ɛzukoa kpɔkɛdelɛ nwo debie la bie mɔ die di kɛ ɛboa awie mɔ a ɔmmaa ɛnde nganeɛ zɛhae.
“Saa yɛboa menli mɔɔ hyia moalɛ la a ɔmaa yɛ nye die na ɔmmaa yɛnde nganeɛ kɛ yɛ nwo yɛ yɛ koonwu anzɛɛ awie mɔ ɛmbikye yɛ.”—U.S. National Institutes of Health.
Baebolo ne tu yɛ folɛ kpalɛ wɔ mɔɔ yɛbahola yeayɛ yɛava yɛaboa awie mɔ la anwo. Saa yɛyɛ mɔɔ ɔka la a ɔbaboa yɛ amaa yɛ nwo anyɛ yɛ koonwu.
Mɔɔ ɛbahola wɔayɛ la
Kyɛ debie. Kpondɛ mekɛ kɔkpɔla awie mɔ. Fi wɔ ɛhulolɛ nu fa mɔɔ ɛlɛ la bie maa awie mɔ. Saa ɛyɛ zɔ a, bɛbahile nwolɛ anyezɔlɛ na bɛayɛ ɛ gɔnwo mɔ.
Baebolo ngyinlazo: “Bɛhɔ zo bɛhyɛ debie, na menli ahyɛ bɛ debie.”—Luku 6:38.
Boa awie mɔ. Kpondɛ ndenle dua zo boa menli mɔɔ hyia moalɛ la. Ɛhye bie a le kɛ ɛbaze bɛ anwunvɔne na wɔadie bɛ anzɛɛ ɛbayɛ debie mɔɔ bamaa bɛ ngyegyelɛ ne azo ade la.
Baebolo ngyinlazo: “Agɔnwolɛ kpalɛ da ɛlɔlɛ ali mekɛ biala.”—Mrɛlɛbulɛ 17:17.
Amaa wɔanwu kɛzi ɛbahola ɛ nee awie mɔ anyia agɔnwolɛvalɛ kpalɛ anwo edwɛkɛ dɔɔnwo la, kenga edwɛkɛ “Family Life and Friendships.”
Bie A Eza Ɛ Nye Balie
ƐZINZALƐ ARANE
Nzɔne Ati A Ɔhyia Kɛ Yɛkyɛ Debie A?
Ahyɛlɛdeɛ maa ɛ nee awie mɔ anye die. Ɔfa koyɛlɛ nee agɔnwolɛvalɛ ɔba. Kɛ ɔkɛyɛ na wɔade ɛ nyunlu wɔahyɛ debie ɛ?
MGBAVOLƐ NEE MBƐLƐRA BIZA KƐ
Nzɔne Ati A Ɔwɔ Kɛ Meboa Awie Mɔ A?
Yeanyɛ boɛ fee la, saa ɛboa awie mɔ a ɔbaboa wɔ wɔ ndenle nwiɔ azo. Bɛmɛ a le boni?
