Baibuli n’ekitabo ekirimu ebitabo 66 ebirikwera. Ekahandiikwa kumara emyaka nka 1,600. Baibuli erimu obutumwa bwa Ruhanga, nari ‘ekigambo kya Ruhanga.’—1 Abatesalonika 2:13.

Omu kicweka eki

•  Ebihikire ebirikukwata aha Baibuli

•  Baibuli neegamba ahari ki?

•  Baibuli shi ekahindurwa?

•  Ahabw’enki hariho envunuura nyingi za Baibuli?

•  N’oha owaacwiremu ebiraateebwe omu Baibuli?

•  Hariho ebitabo bya Baibuli ebyabuzire?

•  Oku emishororongo ya Baibuli erikusherurwa

•  Okukuratana kw’ebitabo bya Baibuli

•   N’oha owaahandiikire Baibuli? Ruhanga niwe yaahandiikire Baibuli, kwonka akakoresa abashaija nka 40 batarikushushana kugihandiika. Bamwe aharibo ni Musa, Omugabe Daudi, Matayo Mako, Luka, na Yohaana. a Ruhanga akaha abahandiiki ebiteekateeko bye reero baahandiika obutumwa bwe.—2 Timoseo 3:16.

   Nk’eky’okureeberaho, omushuubuzi yaagambira karaani we kumuhandiikira obutumwa, obundi arikumuha eby’okuhandiika, obutumwa obwo nibuguma buri obw’omushuubuzi. Nikyo kimwe, n’obu Ruhanga araabe yaakoreise abashaija kuhandiika obutumwa bwe, niwe yaahandiikire Baibuli.

•   Ekigambo “Baibuli” nikimanyisa ki? Ekigambo “Baibuli” nikiruga omu kigambo ky’Orugriika biblia, ekirikumanyisa “obutabo bukye.” Bwanyima ekigambo eki, biblia kikaija kumanyisa obutabo bukye bwona hamwe oburikukora ekitabo ekihango Baibuli.

•   Baibuli ekahandiikwa ryari? Baibuli ekatandika kuhandiikwa omuri 1513 Y.A. kandi ekamara emyaka erengire 1,600 erikuhandiikwa, kuhika nk’omu gwa 98 Y.A.K.

•   Baibuli ey’okubanza eri nkahi? Tihariho ebihandiiko bya Baibuli ebyabandize ebirikumanywa ebyahonokireho. Eki kiri kityo ahabw’okugira ngu abaahandiikire Baibuli bakakoresa ebintu ebirikurahuka kujunda nk’ebifunjo n’empu. Kwonka, abahandiiki abahangu bakaguma nibakopoorora ebihandiiko bya Baibuli kumara ebyasha bingi, kugira ngu abandi baije babishome omu biro by’omumaisho.

•   Ebigambo “Endagaano Enkuru” “n’Endagaano Ensya” nibimanyisa ki? Ebitabo bya Baibuli ebyahandiikirwe omu Ruheburaayo ebirikumanywa nk’Ebyahandiikirwe eby’Oruheburaayo, b nibyo abantu barikukira kweta Endagaano Enkuru. Endagaano Ensya, n’ebyo ebyahandiikirwe omu Rugriika, nari ebirikwetwa Ebyahandiikirwe eby’Orugriika. Ebicweka ebi byombi byagaitwa hamwe nibyetwa Ebyahandiikirwe Ebirikwera. c

•   Baibuli erimu ki? Ebitabo bingi bya Baibuli birimu ebyafaayo, ebiragiro, obunabi, ebihimbirwe, enfumu, ebyeshongoro, n’amabaruha.—Reeba “ Okukuratana kw’ebitabo bya Baibuli.”

 Baibuli neetandika erikwanjura oku Ruhanga ow’Obushoboorozi Bwona yaahangire eiguru n’ensi. Ruhanga kurabira omu Baibuli naamanyisa abantu eiziina rye Yehova, arikwenda ngu bamumanye.—Zaaburi 83:18.

 Baibuli neeshoboorora ngu abantu batwire nibajwekyera kubi Ruhanga, kandi neeyoreka oku oraayeze eiziina rye.

 Baibuli neeyoreka ekigyendererwa eki Ruhanga ainiire abantu n’ensi. Neeyoreka oku Ruhanga araiheho ebirikureetera abantu kubonabona omu biro by’omumaisho.

 Baibuli neetuha obuhabuzi oburikukora omu ntwaza ya butoosha. Neehabura omu nshonga nk’ezi:

•   Okugira emirungi mirungi n’abandi. ‘N’ahabw’ekyo byona ebi murikwenda ngu abantu babagirire, naimwe mube nikwo mwabagirira.’—Matayo 7:12.

   Amakuru: Twine kutwariza abandi nk’oku turikwenda batutwarize.

•   Okwemera amaganya. ‘Murekye kwemereza emitima aha bya nyencakare, ahakuba nyencakare [neija kugira amaganya gaayo].’—Matayo 6:34.

   Amakuru: Omu mwanya gw’okwerarikirira ekirenga aha biraabeho nyentsya, ni kirungi kuta omutima aha izooba rimwe-rimwe.

•   Okugira obushwere burungi. ‘Omuntu weena omuriimwe akunde omukazi we, nk’oku arikwekunda, n’omukazi nawe ashemereire [kuha iba ekitiinisa].’—Abaefeso 5:33.

   Amakuru: Rukundo n’ekitiinisa ni bikuru omu bushwere.

 Ngaaha. Abacondooza babaasize kugyeragyeranisa ebihandiiko bya Baibuli ebya ira na Baibuli eya hati, kandi baashanga ngu obutumwa bwa Baibuli okutwarira hamwe tibuhindwirwe. Eki nikikora amakuru, ahakuba Ruhanga ku araabe naayenda ngu obutumwa bwe bushomwe kandi bwetegyerezibwe, t’eky’obwengye kuhamya ngu tibwahindurwa? d—Isaaya 40:8.

 Abashomi ab’obunaku obu tibarikubaasa kwetegyereza endimi za ira ezi Baibuli yaabaire ehaandiikirwemu. Kwonka Baibuli erimu amakuru marungi ‘ag’amahanga goona n’enganda zoona n’endimi n’abantu.’ (Okushuuruurwa 14:6) Ahabw’enshonga egi, abantu baine kutunga Baibuli eri omu rurimi oru barikwetegyereza, kugira ngu babaase kushoma gye obutumwa bwa Ruhanga kandi babwetegyereze.

 Envunuura za Baibuli ziri omu miringo eshatu:

•   Envunuura y’ebigambo nk’okubi biri nk’oku kirikubaasika.

•   Envunuura y’amakuru g’ebigambo kuhikaana n’orurimi orw’okubanza.

•   Envunuura y’okukoresa ebigambo ebindi eby’amakuru nigo gamwe, ahabw’okwenda kworobeza abashomi. Kwonka, okuvunuura okw’omuringo ogu obumwe nikuhindura amakuru genyini ag’obutumwa.

 Envunuura nungi ya Baibuli neeringaaniza envunuura y’ebigambo nk’oku biri n’engamba ya hati erikwetegyerezibwa, kuvunuurira gye abantu obutumwa bwa Ruhanga. e

 Ruhanga owaahandiikiise Baibuli niwe yaacwiremu ebiine kuteebwamu. Akabanza kutoorana eihanga rya Israeli eya ira ‘baakwatsibwa ebyagambirwe Ruhanga,’ ebirikwera baaba ababiiki b’Ebyahandiikirwe eby’Oruheburaayo.—Abarooma 3:2.

 Ngaaha. Baibuli yoona eijwire, tihariho bitabo ebyabuzire. Abamwe nibabaasa kugira ngu ebitabo bya ira ebimwe ebyabaire bitarikumanywa bikaba biri bimwe aha bitabo bya Baibuli. f Kwonka, Baibuli yenyini neeyegambira ngu ehikire. (2 Timoseo 1:13) Kuhikaana n’omusingye ogu, ebitabo bya Baibuli ebi Ruhanga yaahandiikiise nibiba biine akakwate n’ebindi. Ebyahandiikirwe ebya ira ebi abantu barikugira ngu bishemereire kuba Baibuli tibirikuhikaana n’omusingye ogu. g