KÉÉHÓTʼÍNÍGI nitsíhodindiłgo shı̨́ı̨́ nił bééhózin, haitʼéego hániʼ yiyiiłʼaʼ dóó haʼjéi yiildił. Łahda tʼáá tsídadoolyis ńtʼééʼ, áádóó doo awosh da łeh. Áko ląʼí bikʼíjooyá yileehgo, yéigo bąą nidaʼhakaʼ dóó iiná doo bóhoneedlı̨́į da yileeh.

Nitsíhodindił łaʼ bikʼíí siniyáágo shı̨́ı̨́ kótʼéego nił hooʼaʼ ńtʼééʼ. Iiná ádoolnííł yę́ę doo bóhoneedlı̨́į da yileeh. Tʼóó tsístłʼah haztʼiʼ nahalingo hwił hooʼaʼ. Ákondi níká adoolwołii hólǫ́, éí Diyin Bizaad biiʼdóó haneʼii náasdi nizhónígo nihił hazʼą́ą dooígíí binahjįʼ kʼad nihił chohooʼı̨́ dóó haʼíínílníigo ánihidoolííł.

Ecclesiastes 7:8 kóní: “Haʼátʼíhída hadahatʼéhígíí biláahgo tʼóó nidahaztʼiʼjí yáʼátʼééh.” Nitsihodinídéél bikééʼdóó hastʼéédahojidlééh łeh, ndi hweʼiinaʼ doo átʼé yę́ęgi átʼéé da łeh. Ákondi hadaʼjólníigo hastʼéédahojidléehgo tʼáá yáʼátʼééh yileeh.

Diyin Bizaad náasdi kóhodoonííł ní, “atínídadindleehígíí daachago biinééʼ doo náádidootsʼı̨́įł da.” (Isaiah 65:19) Diyin God biNahatʼaʼ nahasdzáán nizhónígo ánéiyiidlaago, díí bohodoolnííł. (Psalm 37:​11, 29) Nitsihodinídéél doo bééhániih da doo. Haʼátʼíí shı̨́ı̨́ nihichʼįʼ ndahwiiłʼná yę́ę, hoolʼáágóó bił yóóʼahóóyáa doo. Díí Diyin God yee hahásdzííʼ, “áádóó áłtséédą́ą́ʼ yę́ę doo bééhániih da, doo nidi baa nitsáhákees da.”—Isaiah 65:17.

Díí baa nitsíníkees: Ánihiilaii éí kóní, “bee nihił chodahooʼı̨́į dooleeł bee achʼįʼ hózhóonii nihá baa nitsískees.” (Jeremiah 29:11) Díí haneʼ tʼáá áníinii nił bééhózingo neʼiinaʼísh yáʼátʼéehgo yiłtʼį doo? Béénílniih shı̨́ı̨́ Sally anínéé, “Diyin God biNahatʼaʼ náasdi tʼáá ałtso nizhónígo nihá ánéidoodlı̨́įłii binéelniihgo éí nahdę́ę́ʼ nihichʼįʼ anídahaztʼiʼ yę́ę doo nihiníłtłʼah da doo.”

Diyin God biNahatʼaʼ baa íhoołʼaahgo, bílaʼashdlaʼii yá íidoolíiłii nił bééhodoozįįł. Áko nitsihodinídéél bitsʼą́ą́dóó hániʼ yiyiiłʼaʼ yę́ę nahjįʼ kódoonííł dóó neʼiiná ílı̨́įgo yiłtʼį doo. Kʼad éí Diyin Bizaad níká análwoʼgo bee haʼíínílníi doo. Kǫ́ǫ́ łaʼ ádahóótʼįįdii baa ííníłtaʼ.