3 T’áá Ákogi Ádaatʼéii, Haʼátʼíí Biniyé Bichʼįʼ Nidahwiiʼná?
Haʼátʼíí Biniyé Ílı̨́įgo Naʼídíkid
Tʼáá ákogi ájítʼée ndi hachʼįʼ hodiiʼnááh, dooládóʼda hwiindzin łeh. Áko tʼáá ákogi ájítʼée ndi tʼáadoo biniyéhí da hwiindzin łeh.
Díí Baa Nitsíníkees
Łaʼ éí bílaʼashdlaʼii díkwíidishı̨́ı̨́ ádin yileeh áádóó náábiʼdichíihgo dayoodlą́. Yáʼátʼéehgo ádáátʼįįdii éí bá yáʼáhootʼéehjįʼ náá biʼdichííh. Doo yáʼátʼééhgóó ádáátʼįįdii éí achʼįʼ nahwiiʼná biiʼjįʼ náá biʼdichííh. Kótʼéego woodlą́ągo éí kʼad hweʼiinaʼ yáʼátʼéehgo joołtʼih ndi, nahdę́ę́ʼ jiináago doo yáʼátʼééhgóó ájíítʼįįd yę́ę bikʼee hachʼįʼ nahwiiʼnáa doo.
-
Nááhoʼdizhchı̨́įgo éí nahdę́ę́ʼ jiináago doo yáʼátʼééhgóó ájíítʼįįd yę́ę doo bééjílniih da, áko kʼad biniinaa hachʼįʼ nahwiiʼnánígíí haitʼéego hoł bééhózin doo?
-
Hatsʼíís baa áhojilyą́ągo índa ayóó áhootʼįįh bitsʼąą ájítʼée ndi, nahdę́ę́ʼ jiiná ńtʼééʼ yę́ę bikʼehgo kʼad hweʼiinaʼ yitʼihgo éí tʼáadoo biniyéhígóó ádaa áhojilyą́ą doo.
ŁAʼ ÍNÁÁHOOʼAAH
JW.ORG biiʼ video Haʼátʼíísh Biniyé God Achʼįʼ Nahwiiʼná Tʼóó Yee Hasʼą́? ninááł nidoolkił.
Diyin Bizaad Ání
Achʼįʼ nahwiiʼná éí doo God bitsʼą́ą́dę́ę́ʼ da.
Achʼįʼ nahwiiʼná tʼáá joogáałgi índa tʼáá hoolzhishgi—tʼáadoo kótʼé ílíní akʼidahwiileeh.
“Ákohgo diné dazdootsaałígíí ałdóʼ doo hoł bééhózin da; tʼáá łóóʼ bee hahaltsósí éí łóóʼ doo bá yáʼátʼééhgóó yiih yígháhígi átʼéego áádóó tsídii éí łoh yiih yigháhígi átʼéego, tʼáá ákótʼéego nihokááʼ dineʼé tʼáadoo kótʼé ílíní doo bá yáʼátʼéehii bikʼi hwiileeh.”—ECCLESIASTES 9:12.
Niʼiilzííh bił nidanihiʼdiizhchínígíí biniinaa nihichʼįʼ nidahwiiʼná.
Niʼiilzííh haʼníigo éí doo yáʼátʼééhgóó ájooníiłgo óolyé. Diyin Bizaad éí nidaʼiyiilzíihgo nidanihiʼdiizhchínígíí éí ałdóʼ niʼiilzííh yiłní. Azhą́—tʼáá ákogi ájooníił ndi, —niʼjiisíih doogo átʼé.
“Jó, doo ákwii áníshtʼéégóó shiʼdizhchı̨́, áádóó bąąhági átʼéii tʼáá bił shimá shíʼniiltsąąd.”—PSALM 51:5.
Bílaʼashdlaʼii éí niʼiilzííh yikʼee tiʼdahooníihgo bichʼįʼ nidahwiiʼná.
Niʼiilzííh éí God bił k’é daʼahidiiʼnínę́ę niyiiłchxǫǫh áádóó bikʼeh oodááł yę́ę yiníłtłʼa. Díí biniinaa bílaʼashdlaʼii tʼáá dah jookah ńtʼééʼ índa tʼááłáʼí jinítínígo ayóó átʼéego bitsʼą́ą́dóó tiʼdahooníihgo bichʼįʼ nidahwiiʼná.
“Yáʼátʼéhígi ádeeshnííł niisįįh nidi bąąhági átʼéii tʼáá áłahjįʼ shidáahgi hólǫ́.”—ROMANS 7:21.
“Ádaalyaii tʼáá átʼé . . . ił hodiniih yikʼee nidadiʼníʼ.”—ROMANS 8:22.
