1 Nihichʼįʼ Nahwiiʼnáago Godísh Bikʼíhwiitʼáah Doo?
Haʼátʼíí Biniyé Ílı̨́įgo Naʼídíkid
Ląʼí diné bichʼįʼ nidahwiiʼnáago God yikʼídahaʼááh áádóó God doo deinízin da.
Díí Baa Nitsíníkees
Oodląʼ yá naazínígíí éí God nihichʼįʼ nahwiiʼná daaníigo nidaʼnitin. Łaʼ éí kódaaní:
-
Nitsihodínídéelgo éí God yee atíʼoolííł.
-
Áłchíní ádin yileehgo God éí diyingo ndaalʼaʼí łaʼ náánéinídzin.
-
God éí anaaʼ hólǫ́ǫgo ałchʼijí nilı̨́, éí biniinaa achʼįʼ nahwiiʼná.
Oodląʼ yee daʼééʼéeshígíí éísh God tʼáá ádzaagóó yaa nidahalneʼ? Ákoósh God doo dabinízin da?
ŁAʼ ÍNÁÁHOOʼAAH
JW.ORG biiʼ video Diyin God Bizaad Haʼátʼíí Biniyé Bíhwiidííłʼááł? ninááł nidoolkił.
Diyin Bizaad Ání
God éí doo nihichʼįʼ nahwiiłnáa da.
Atínihiłʼı̨́įgo éí Diyin Bizaad Diyin átʼé níigi doo bił aheełtʼée da. Baa nitsíníkees:
“[Diyin God] éí yee átʼéii tʼáá ałtso tʼáadoo átʼéhí da . . . tʼáá ákogi átʼéii índa tʼáá ákóneʼ átʼéii nilı̨́.”—DEUTERONOMY 32:4.
“Diyin God yeeʼ doo yáʼáshóonii tsʼídá doo ííléeh da, índa Aláahgo Ayóóʼábóodziilii éí doo ákwii éʼétʼéii tsʼídá doo ííléeh da.”—JOB 34:10.
“Aláahgo Ayóóʼábóodziilii éí tʼáá ákogi átʼéii tsʼídá doo łahgo ánáyoodlíił da.”—JOB 34:12.
Diyin God éí oodląʼ doo ákótʼéégóó baa dahojoolneʼígíí doo honízin da.
Oodląʼ yá naazínígíí éí God atínihiłʼı̨́ daaníigo nidaʼnitinígíí áádóó anaaʼ bitah dajílínígíí tʼáá ájíłtso doo honízin da.
“Tʼáá ádzaagóó áhodoonííł yaa dahalneʼii . . . shízhiʼ binahjįʼ dabiyoochʼíidgo dahalneʼ. Éí doo dahóółʼaad da áádóó tʼáadoo hachʼįʼ haasdzíiʼ da índa tʼáadoo nidi hachʼįʼ yéíłtiʼ da. Tʼáadoo bił ádaadzaii . . . naʼadloʼ yaa nitsídaazkéezii yee nihił dahalneʼ”.—JEREMIAH 14:14.
Jesus doo nihééhasin da hodííniid.
“Tʼááłáʼí jinítínígo, Bóhólníihii, Bóhólníihii, dashijinínígíí doo tʼáá ádzíłtso yáʼąąshii bee bóhólníihgo bił hazʼáanii biih dahizhdookah da, nidi tʼáá háiida shiTaaʼ yáʼąąshdi hólóonii íinízinii bikʼeh ájítʼéhígíí tʼéiyá. Éí bijı̨́įdi ląʼí ádashididooniił, Bóhólníihii, Bóhólníihii, daʼ nízhiʼísh bee doo Diyin God bá nidahosiilneʼ da, daʼ nízhiʼísh bee doo níłchʼi bidaʼiiníziinii ayiʼdę́ę́ʼ hadahineelkaad da, áádóó daʼ doósh ádahooníiłii ayóó ádaatʼéii ląʼí nízhiʼ bee baa nidasiikai da? Ákondi ádabidideeshniił, Tsʼídá doo nihééhasin da; bąąhági átʼéii baa deínóhkáahii, shitsʼánóhkááh.”—MATTHEW 7:21-23.
You May Also Like
BEE HAʼÍDÉESʼĮ́ĮʼII
Achʼįʼ Nahwiiʼná—Díísh God Yee Atíʼéłʼı̨́?
Diné nidaʼiisííh biniinaa éísh naałniih ádaatʼéii God yee atíʼéłʼı̨́?
