Go batho ba bantši, go lekalekana ga merafo e sa le toro feela.

•    António Guterres, Mongwaledi Pharephare wa Ditšhaba tše di Kopanego o boletše gore: “Kgethollo ya semorafo e sa le mpholo mekgatlong, ditšhabeng le maphelong a batho a letšatši le letšatši. E sa dutše e dira gore go be le go se lekalekane mo go sa felego.”

 Na go lekalekana ga merafo go ka kgonega? Beibele e re’ng?

 Beibele e re ruta kamoo Modimo a lebelelago batho ba merafo ya go se swane ka gona.

•    “Go tšwa mothong o tee [Modimo] o dirile setšhaba se sengwe le se sengwe sa batho, gore ba dule godimo ga lefase ka moka.”—Ditiro 17:26.

•    “Modimo ga a bebe sefahlego, eupša setšhabeng se sengwe le se sengwe motho yo a mmoifago gomme a dira se se lokilego o a amogelega go yena.”—Ditiro 10:34, 35.

 Beibele e hlalosa gore ka moka re selo setee le gore Modimo o amogela batho ba morafo o mongwe le o mongwe.

 Go lekalekana ga merafo go tla tlišwa ke Mmušo wa Modimo, e lego pušo ya legodimong. Mmušo woo o tla ruta batho tsela yeo ba swanetšego go swarana ka yona. Batho ba tla ithuta go lahla ditsela le ge e le dife tša kgethollo tšeo ba nago le tšona.

•    “Baagi ba naga e enywago ba tla ithuta go loka.”—Jesaya 26:9.

•    “Modiro wa toko e tlo ba khutšo; tirelo ya toko e tlo ba khutšo le polokego go iša mehleng ya neng le neng.”—Jesaya 32:17.

 Lehono, batho ba dimilione ba ithuta go tšwa Beibeleng kamoo ba swanetšego go swara batho ka tlhompho le go ba nea seriti.

•    Gore o ithute ka mo go oketšegilego, bala tokollo ya makasine wa Phafoga! wo o nago le sehlogo se se rego, “Na go na le Selo Seo se ka Fedišago Kgethollo?”

•    Bala sehlogo seo se rego, “Talking to Children About Racism” go kwa kamoo batswadi ba ka boledišanago le bana ka taba ye ka gae.