Diema 25:1-28
25 Tše le tšona ke diema tša Solomone tšeo di ngwalolotšwego* ke bahlanka ba Hesekia kgoši ya Juda:
2 Modimo o a tagafatšwa ka gobane o boloka diphiri.Le gona, dikgoši di a tagafatšwa ge di nyakišiša ditaba gabotse.
3 Go etša ge magodimo a phagame le lefase le iša,Dilo tšeo dikgoši di di naganago le tšona ga di kwešišege.
4 Ge motho a tloša dilo tšeo di sa hlwekago godimo ga silifera,Silifera e tla hlweka kudu.
5 Tloša motho yo mobe pele ga kgoši,Gomme sedulo sa yona se tla tia, ke moka ya dula e buša ka toka.
6 O se ke wa ikgodiša pele ga kgoši,Le gona o se ke wa dula gare ga batho ba maemo a godimo,
7 Ka gobane go kaone gore e re go wena: “Etla mono,”
Go e na le gore e go kokobetše pele ga motho wa maemo a godimo.
8 O se ke wa kitimela go bega molato kgorong,Ka gobane o tlo lewa ke dihlong ge wa geno a go bontšha gore o fošitše.
9 Lokiša ditaba le wa geno,Eupša o se ke wa utolla diphiri tša gagwe,*
10 E le gore yo a go theeditšego a se ke a go tlontlolla,Gomme wa palelwa ke go gomiša dilo tše mpe tšeo o di boletšego.
11 Lentšu leo le bolelwago ka nako e swanetšegoLe swana le diapola tša gauta tšeo di lego ka sebjaneng sa silifera.
12 Go motho yo a kwago keletšo,Moeletši yo bohlale o swana le lengina la gauta le sekgabiši sa gauta e botse.
13 Motho yo a tshepegago ge a romilweO swana le go tonya ga kapoko letšatšing leo le fišago la puno,Ka gobane o lapološa mong wa gagwe yo a mo romilego.
14 Motho yo a ikgantšhago ka gore o tla fa yo mongwe mpho eupša a se mo fe yona,O swana le maru le phefo tšeo di sa tlišego pula.
15 Motho wa go se fele pelo a ka dira gore molaodi a fetoše monagano wa gagwe,Gomme mantšu a boleta a ka roba lerapo.
16 Ge e ba o hweditše todi ya dinose, eja yeo e go lekanego,Ka gobane ge o ka ja e ntšhi kudu o ka e hlatša.
17 O se ke wa ya ntlong ya wa geno gantšhiGore o se ke wa mo tena gomme a go hloya.
18 Motho yo a neago bohlatse bja maaka ka wa gabo,O swana le molamo wa go lwa, tšhoša le mosebe o bogale.
19 Go tshepa motho yo a sa tshepegego* ka dinako tša mathata,Go swana le ge o sohla ka leino leo le robegilego goba o sepela ka leoto la go hlotša.
20 Motho yo a opelelago motho yo a nyamilego dikoša,O swana le motho yo a apolago yo mongwe kobo ge go tonyaE bile o swana le binika yeo e tšhelwago letswaing.
21 Ge e ba lenaba* la gago le swerwe ke tlala, le fe dijo le je,Ge e ba le nyorilwe, le fe meetse le nwe.
22 Ka gobane ge o dira bjalo,O tla ba o kgobelela magala ao a tukago hlogong ya lona* gomme Jehofa o tla go putsa.
23 Phefo ya ka leboa e tliša pula ya matlorotloro,Gomme motho yo a sebago o galefiša batho ba bangwe.
24 Go dula khoneng ya tlhaka ya ntlo,Go kaone go phala go dula ka ntlong e tee le mosadi wa ditshele.
25 Pego e botse yeo e tšwago nageng ya kgole,E swana le meetse ao a tonyago ao a lapološago motho* yo a lapilego.
26 Moloki yo a ineelago* go motho yo mobeO swana le sediba seo se nago le leraga le seo se sentšwego.
27 Go ja todi e ntšhi kudu ya dinose ga se gwa loka.Go inyakela go retwa le gona ga se gwa loka.
28 Motho yo a sa kgonego go itshwara ge a galefile,O swana le motse wo o phušotšwego wo o se nago leboto.
Mengwalo ya tlase
^ Goba, “tšeo di kopolotšwego le go kgoboketšwa.”
^ Goba, “diphiri tša ba bangwe.”
^ Goba mohlomongwe, “Moradia.”
^ Phetolelo ya lentšu ka lentšu e re, “motho yo a go hloilego.”
^ Ke gore, go phohliša bogale bja motho le go mo dira gore a be boleta.
^ Goba, “moya.” Bona Tlhaloso ya Mantšu.
^ Goba, “yo a kwanago le.” Phetolelo ya lentšu ka lentšu e re, “yo a thothomelago pele ga.”
