ISIFUNDO 03

Kghani Ungalithemba IBhayibheli?

IDLALE

IBhayibheli lineenthembiso neenluleko ezinengi nezihle khulu. Kungenzeka unekareko yokwazi ukuthi lifundisani kodwana awulithembi. Kghani ungazithemba iinthembiso neenluleko ezifumaneka encwadini yakade kangaka? Kghani ungalithemba kwamambala iBhayibheli nalithi ungathabela ipilo nje nesikhathini esizako? Iingidi zabantu ziyalithemba iBhayibheli. Akhesibone ukuthi nawe ungalithemba na.

1. Kghani iBhayibheli likhuluma iqiniso namkha iinolwana?

IBhayibheli liphethe “amezwi weqiniso.” (UMtjhumayeli 12:10) Likhuluma ngezinto ezenzekileko eziphathelene nabantu. (Funda uLukasi 1:3; 3:1, 2.) Izazimlando ezinengi nabafundi be-akhiyoloji, baqinisekise ukunemba kwamalanga, abantu, iindawo nezenzakalo eziseBhayibhelini.

2. Kubayini singekhe sathi iBhayibheli liphelelwe sikhathi?

IBhayibheli liveze ngeendlela ezinengi ukuthi izinto ezitlolwe kilo zenzekile begodu zisazokwenzeka. Ngokwesibonelo, lithinta izinto ezithileko malungana nesayensi. Inengi belingakholelwa ukuthi koke okutlolwe eBhayibhelini kuliqiniso. Nanyana kunjalo, isayensi iyakuqinisekisa bona lokho okutjhiwo liBhayibheli kuliqiniso. Mbala, iBhayibheli “inzinzile nini nanini.”—IRhubo 111:8.

3. Kubayini singakuthemba okutjhiwo liBhayibheli ngengomuso?

IBhayibheli lineemphorofido * ezibikezela “lokho okungakenzeki.” (Isaya 46:10) Labikezela ngokunembileko ngezinto ebezingakenzeki kusasele isikhathi eside ngaphambi kobana zenzeke. Libuye lihlathulule nobujamo esibubona namhlanje ephasini. Esifundwenesi, sizokucoca ngezinye imphorofido eziseBhayibhelini. Ukunemba kwalo kuyakarisa tle!

FUNDA NGOKUNGENELELEKO

Hlolisisa ukuthi isayensi ivumelana njani neBhayibheli, bewufune neemphorofido eziseBhayibhelini ezenzekileko.

4. Isayensi ivumelana neBhayibheli

Ekadeni, abantu bebakholelwa ukuthi kunokuthileko okusekela iphasi. Dlala IVIDIYO.

IVIDIYO: Iphasi Libambelele Emoyeni (1:13)

Tjheja lokho okutlolwe encwadini kaJobho, okwatjhiwo iminyaka ezii-3 500 eyadlulako. Funda uJobho 26:7, bese nicoca ngombuzo olandelako:

Kubayini amezwi athi iphasi ‘lilembeleliswe phezu kwelize’ arara?

Umzombelezo wamanzi wathoma ukuzwisiswa kuhle ngomnyaka wabo-1800. Nanyana kunjalo, tjheja lokho iBhayibheli elakubikezela eminyakeni eyikulungwana eyadlulako. Funda uJobho 36:27, 28, bese nicoca ngemibuzo elandelako:

Khuyini ekukarako ngendlela umzombelezo wamanzi ohlathululwe ngayo?
Kghani imitlolo oqeda ukuyifunda le ikwenza ulithembe khudlwana iBhayibheli?

5. IBhayibheli labikezela ngezenzakalo eziqakatheke khulu

Funda u-Isaya 44:27–45:2, bese nicoca ngombuzo olandekako:

Ngimiphi imininingwana iBhayibheli elayibikezelako emnyakeni ema-200 ngaphambi kokurhayilwa kweBhabhiloni?

Dlala IVIDIYO.

IVIDIYO: IBhayibheli Labikezela Ngokuwa KweBhabhiloni (0:58)

Umlando uyaqinisekisa ukuthi uKoretjhi iKosi yePheresiya nebutho lakhe, basahlela idorobho leBhabhiloni ngo-539 B.C.E. * Bavulela amanzi ebekavikele idorobha. Njengombana amasango bekavulekile, bangena balithumba ngaphandle kokulwa. Namhlanjesi sele kudlule iminyaka engaphezu kwee-2 500, iBhabhiloni solo limarubhi. Tjheja lokho iBhayibheli elakubikezelako.

Funda u-Isaya 13:19, 20, bese nicoca ngombuzo olandelako:

Isiphorofido malungana neBhabhiloni sazaliseka njani?

IBhabhiloni namhlanjesi ebizwa ngokuthi yi-Iraq, isesemarubhi

6. IBhayibheli labikezela ngezinto esizibonako namhlanjesi

IBhayibheli lithi isikhathi esiphila kiswesi ‘mimihla yokuphela.’ (2 Thimothi 3:1) Tjheja lokho iBhayibheli elakubikezelako ngesikhathi esiphila kiswesi.

Funda uMatewu 24:6, 7, bese nicoca ngombuzo olandelako:

Umtlolo lo uthi ngiziphi izinto iBhayibheli elabikezela ukuthi zizokwenzeka emihleni yokuphela?

Funda yesi-2 kaThimothi 3:1-5, bese nicoca ngemibuzo elandelako:

IBhayibheli lihlathulule ukuthi abantu bazokuba njani emihleni yokuphela?
Ngiyiphi indlela abantu abaziphatha ngayo oyilemukileko kilezi ofunde ngazo emtlolweni?

ABANYE ABANTU BATHI: “IBhayibheli yincwadi yeenolwana.”