ISIFUNDO 5
Uyini Umnqopho KaZimu Ngephasi?
1. Kubayini uZimu abumba iphasi?
Iphaseli uJehova uliphe abantu. Likhaya lethu. Ngalokho, isibili sokuthoma esibabantu, u-Adamu no-Efa, khenge sabunjelwa ukuhlala ezulwini—uZimu besele abumbe iingilozi bona zihlale ezulwini. (Job. 38:4, 7) Kunalokho, uZimu wathatha umuntu wokuthoma wambeka eparadeyisini elihle elibizwa ngokobana yisimu ye-Edeni. (Gen. 2:15-17) UJehova wanikela yena nenzalwakhe yangomuso ithemba lokuthabela ukuphila ngokungapheliko ephasini.—Funda iRhalani 37:29; 115:16.
Ekuthomeni, yisimu ye-Edeni kwaphela ebeyiyiparadeyisi. Isibili sokuthoma bekufuze sizalise iphasi ngenzalwaso. Ngokukhamba kwesikhathi, bebazokuhlula iphasi loke begodu balenze iparadeyisi. (Genesisi 1:28) Iphasi ngeze litjhatjalaliswe. Lizokuhlala lilikhaya lesintu.—Funda iRhalani 104:5.
2. Kubayini iphasi lingasiyiparadeyisi nje?
U-Adamu no-Efa khenge bamlalele uZimu, ngalokho uJehova wabaqotha esimini. IParadeyisi lalahleka, begodu akunamuntu owaphumelela ekulibuyiseleni. IBhayibhili ithi: “Iphasi ngokwalo lanikelwa esandleni somumbi.”—Jobhi 9:24.—Funda uGenesisi 3:23, 24.
Kghani uJehova uwulahlile umnqophwakhe wekuthomeni ngesintu? Awa! UnguSomandla. Ngeze abhalelwa. (Isaya 45:18) Uzokubuyisela abantu endleleni egade ayinqophile.—Funda iRhalani 37:11, 34.
3. IParadeyisi lizokubuyiselwa njani?
Iparadeyisi lizokubuyiselwa ephasini hlangana nokubusa kwakaJesu njengeKosi kaZimu. Epini ebizwa ngokobana yi-Amagedoni, uJesu uzokudosa phambili iingilozi zakaZimu begodu ISambulo 20:1-3; 21:3, 4.
atjhabalalise boke abaphikisa uZimu. Ngemva kwalokho uJesu uzokubopha uSathana iimnyaka eyi-1 000. Abantu bakaZimu bazokuphuluka ekutjhatjalalisweni ngombana uJesu uzobanqophisa begodu abavikele. Bazokuthabela ukuphila ngokungapheliko eParadeyisini ephasini.—Funda4. Kuzokuphela nini ukutlhaga?
UZimu uzobuqeda nini ubumbi ephasini? UJesu wanikela itshwayo ukutjengisa bona ukuphela kuyatjhidela. Ubujamo bephasi bagadesi busongela ukuphila komuntu begodu butjengisa bona kwanjesi siphila ‘emaphelelweni wephasi.’—Funda uMatewu 24:3, 7-14, 21, 22.
Hlangana nokubusa kwakaJesu kweemnyaka eyi-1 000 asezulwini abusa iphasi, uzokuqeda woke umtlhago. (Isaya 9:6, 7; 11:9) Ngaphandle kokukhonza njengeKosi, uJesu uzokuba njengoMpristi Ophakemeko asule izono zalabo abathanda uZimu. Ngalokho ngoJesu, uZimu uzokuqeda ukugula, ukuluphala, nokufa.—Funda u-Isaya 25:8; 33:24.
5. Bobani abazokuphila eParadeyisini elizako?
Abantu abalalela uZimu bazokuphila eParadeyisini. (1 Jwanisi 2:17) UJesu wathumela abalandeli bakhe bona bayokufuna abathobekileko begodu babafundise ekufuze bakwenze bona bamukeleke kuZimu. Namhlanjesi, uJehova ulungiselela iinkulungwana zabantu ukuphila eParadeyisini elizako ephasini. (Zefaniya 2:3) EmaWolweni woMbuso waboFakazi BakaJehova, abantu bafunda ukuba madoda nabobaba abangcono nokuba bafazi nabomma abangcono. Abantwana nababelethi bakhulekela ndawonye bafunde nendlela yokuzuza eendabeni ezihle.—Funda uMika 4:1-4.