Ixilema Sinathipeleya Mpiipiliyani—Mahusiheryo Ookhweleya
Ixilema seiya sookhuveya sinnaakhula makoho oochuneya a Mpiipiliyani, ntoko ala: Ntakhara Heeni Muluku Opatunxeiye Elapo Yavathi? Mukhalelo wa Achu Ookhwa Tuuvi? ni Ntakhara Heeni Muluku Onneemererya Makacamiho?
Apwanne Muluku Ookhalano Nsina?
Muluku ookhalano masina ancicimiho mancipale ntoko, Ooweryaxa, Mpatuxa, ni Apwiya. Exilema ela ennathariha wi nsina na Muluku niphariheliwe ikwaha opwaha 7.000 Mpiipiliyani.
Mwaneene a Piipiliya Taani?
Woona wi Piipiliya orempwe ni achu, apwanne onanwerya wiichaniwa ntoko Masu a Muluku? Muupuwelo ori Mpiipiliyani ti wawani?
Nni Nsuwele Hai wi Piipiliya Teeparipari?
Wakhala wi mwaneene a Piipiliya ti Muluku, haavo liivuru mukina orempwale onalikaneiyeno.
Ntakhara Heeni Muluku Opatunxeiye Elapo Yavathi?
Elapo ahu yoosareya ni ichu sooreera. Eyo etikitheriwe moorekamelana ni nsuwa, eri yoothitimana mmukhalelo epakeliwaaya, nave enneeceeca mmukhalelo waphaama. Ntakhara heeni Muluku aatepa owetha wi apatuxe elapo?
Mukhalelo wa Achu Ookhwa Tuuvi?
Piipiliya onnaroromeliha elukuluku yeeyo achu ancipale anahaalaaya oviihiwa muukhwani, ntoko Lasaro aaviihiweiye.
Ntakhara Heeni Yesu Ookhwa?
Akweya moohiiwa wi Yesu okhwile ntakhara soocheka sahu. Nto apwanne mukucho mmoha chiryene onnaakhaviherya achu masana masaneene?
Omwene wa Muluku Tiheeni?
Variyari va muteko wa Yesu, owo aahihusiha vooloca sa Omwene wa Muluku opwaha mwaha mukina. Mu iyaakha sincipale, achu annavekela wi orwe Omwene.
Ntakhara Heeni Muluku Onneemererya Makacamiho?
Piipiliya onnavahererya naakhulo noolipiha ni noohakalaliha.
Apwanne Muluku Onneemererya Malapelo Oothene?
Achu ancipale aneemererya wi vooloca sa malapelo muchu onathanleiye, tahi mwaha mutokweene.
Muluku Onnawiriyana Mavekelo Oothene?
Hanka wakhala wi muchu onavekela ntakhara mathowa a nrima? Hanka wakhala wi mulopwana onnamuhoosa mwaariye veechokoni, nihiku noocharela anaveka mareeliho a Muluku?