Twai måls up week Jehovaas Tüügen måke eer kristlige forsamlunge in dai forsamlung hüüser. Wosoo ware dës kristlige forsamlunge måkt? Woweegen is gaud tau dij up dës forsamlunge kåme?

•  Wat warst duu saie in dat forsamlung huus?

•  Woweegen is gaud up dës kristlige forsamlunge kåme?

•  Wat daue dai andrer juugende säge?

 Dat forsamlung huus is ain stel woo dai lüür sich forsamle taum uphaupt lëre wosoo as dai Bijbel oos dag for dag helpe kan. Up dës kristlig forsamlunge, duu kast:

•   dai wårhët oiwer God lëre.

•   forståe woweegen as hüüt feel daile passijre daue.

•   air beetet mësch ware.

•    lüür fijne woo’s duu gaure ümgang kast mit häwe.

   Däist duu waite? Woo mëst oiwer fortelt wart in dai forsamlung hüüser is oiwer God sij Regirung. (Mateus 6: 9 un 10; 24:14 un Lucas 4:43)

 Ales wat’s duu dår lëre däist is gaud tau dijn leewend. Dai wårhëte fone Bijbel wat’s duu dår lëre däist geewe dij klaukhët. (Provérbios 4:5) Doir dit däist duu lëre gaur uutsuiken måke. Dai Bijbel däit dij uk helpe dai antwooren waite tau dai frågen wat’s duu mëst waite wist, soo as:

•   Wat hät dat leewend upsich?

•   Hät God schuld an dat wat wij doirsete?

•   Wat passijrt mit oos wen wij doodblijwe?

 Dit sin wek tem fon dai bijblisch preegen wat ine uutgangsweek måkt ware:

•   Woweegen is gaud fone Bijbel lëre?

•   Woo hülp fijne ine slime tijd?

•   Wat mökt God sij Regirung tau oos hüüt?

 “Aine dag air wat mit mij t’hoop lëre däir ine schaul is up dai kristlig forsamlung kåme. Wij häwe oos t’hoop henset mit mijn familg, un hai hät t’hoop keeke in oose buiker un Bijbel. Nåheer, hät hai tau mij sägt dat em dat sër gefale har soo as dai lüür up dai kristlige forsamlung fortelt häwe. Hai hät uk sägt dat sijn kirch ni soo inlëre däir as oos.” - Brenda

 Däist duu waite? Wart kair gild samelt in dai forsamlung hüüser.

 Dai lüür dår daue dij lust geewe. Dai Bijbel sägt wen wij oos forsamle daue wij geewe koråsch air taum andrer. (Hebreus 10:24 un 25) In dës wild woo dai mëste lüür bloos an sich selwst denke is sër gaud t’hoop sin mit lüür wat mër God un dai andrer gefale wile as sich selwst.

 “Lijkerst wen ik sër muir bün, dai lüür in dat forsamlung huus daue mij ümer helpe dat ik mij beeter forneeme dau. Wen ik nå huus kåm, ik bün fröölig un trecht taum nog aine dag.” - Elisa

 Däist duu waite? Dat giwt mër as 120 duusend gemainde fon Jehovaas Tüügen, wat sich forsamle in mër as 60 duusend forsamlung hüüser ine ganse wild. Jërer jår bijnå urer mër as 1.500 forsamlung hüüser ware buugt taum nog mër lüür upneeme. a