Forgeewe bedüürt air slecht dail forgeete wat air måkt urer sägt hät un sich ni mër mit traurig forneeme. Åwer dat däit ni bedüüre dat’s duu soo daue must as wen dår nischt passijrt is, urer wat dai anerd måkt hät, is ni soo slim wääst.

WAT SÄGT DAI BIJBEL? “Daut juuch ümer wijrer air dem andrer uuthule, un ümer juuch air dem andrer forgeewe, lijkerst wen air uk recht hät taum sich gëgen dai anerd klåge.” (Colossenses 3:13)

“Wen’s duu aine mësche lijbe däist, duu däist dij ni anhule an eer fëgels. Åwer duu däist dij anstrenge taum sai dai daile wat dai mökt taum beeter ware.” - Aaron

Arger forwåre, kan sogår dij krank låte un kan dijn forfrigte leewend wat schåre.

“Air mål, mij kërl hät mij forlangt dat ik em forgeewe däir weegen air dail wat mij sër argret hät. Is sër slim wääst em forgeewe, åwer ik häw dat måkt. Mij däit bloos lëd dat ik em ni glijk forgeewt häw. Wij sin unnüte air mit dem ande traurig wääst.” - Julia

DAU AIS DENKE

Anerd mål wen dij kërl urer dijn fruug dij traurig löt, dau dij fråge:

• Dau ik tau waiklig sin?

• Is dat wirklig soo slim wääst wat passijrt is? Mut ik wirklig dat dai anerd mij forlangt dat ik dem forgeewt urer kan ik dat bloos forgeete?

DAUT BËD T’HOOP FORTELE

• Mëst ümer, wofeel tijd bruuke wij taum air der ande forgeewe?

• Wat koine wij måke taum air der ande glijk forgeewe?

DIT KAN DIJ HELPE

• Wen dij wat traurig löt, dau ni glijk maine dat dij kërl urer dijn fruug wul dij argre.

• Dau forsuike forgeewe. Dau andenke dat “wij ale oos feel måls forhåke daue”. (Tiago 3:2)

“Is licht forgeewe wen dai bëd forkërd sin. Åwer is sër slim dat måke wen dat soo löt as bloos air schuld hät. Wen dat soo is, anneeme der ande forgeewe mut feel gewöönligkët tau sin.” - Kimberly

WAT SÄGT DAI BIJBEL? “Daut dat rasch int raich bringe.” (Mateus 5:25)