Wen jij frijge daue, fänge jij juuch familg an. Is wår duu däist nij ais sinlåte dijne papa un mama ëre un lijbe, åwer nuu der mësche wat’s duu hijr upe Ër mëst lijbe däist is dij kërl urer dijn fruug. Dat anneeme kan ni licht sin tau wek fründschaft. Åwer dai wårhëte fone Bijbel daue dij helpe der freere hule mit dijne fründschaft un upt neemlig tijd dij forfrigt leewend stärke.

WAT DAI BIJBEL SÄGT: “Dau dijn papa un mama ëre.” (Efésios 6:2) Hät nischt sägen wofeel jåre as duu häst, duu must ümer dijn papa un mama ëre un wërd geewe. Up neemlig tijd, dau andenke dat dij kërl urer dijn fruug uk air kind is, un dårweegen mut dai sich bekümre oiwer sijn papa un mama. “Dat lijb is ni afgünig”, den bruukst duu kain angst häwe taum ümgang mit dijn swijgerfåter un swijgermuter häwe. (1 Coríntios 13:4 un Gálatas 5:26)

DUU KAST SOO MÅKE:

• Dau ni soo’n wöör säge: ‘Dijn familg däit mij ümer afnääse.’, urer: ‘Dijn mama kan ais nij lijre wat ik måk’.

• Dau forsuike dai daile soo saie as dij kërl urer dijn fruug.

WAT DAI BIJBEL SÄGT: “Dat dai kërl sijne papa un sijn mama löt, un mut sich anhule an sijn fruug, un sai ware soo as bloos air flaisch.” (Gênesis 2:24) Nog dat’s duu frigt häst, kan sin dat dij papa un mama maine sai muite dij nog uppasse, un koine mank gåe in dij forfrigt leewend mër as sai dürwste.

Jij bëd, soo as fruug un kërl, muite uutsuike woo wijd as dai papa un mama mank juuch forfrigt leewend gåe koine. Nåheer, mit lijb, sägt dat tau eer. Jij koine dat klår mit reäligkët tau eer säge åwer ni tau grow sin. (Provérbios 15:1) Gewöönligkët, fråmhët un geduld daue juuch helpe gaure ümgang häwe mit juuch fründschaft un air der andrer “uuthule mit lijb.” (Efésios 4:2)

DUU KAST SOO MÅKE:

• Wen’s duu kopbreeken häst dat dijn fründschaft taufeel mank juuch leewend steeke, fortel dåroiwer mit dij kërl urer dijn fruug in aine tijd woo dai daile ruig sin.

• Kåmt bëd oiwerain wosoo as jij dat int raig måke koine.