Soo as duu in dit bauk saie häst, dai Bijbel hät feel wårhëte un formånen wat dij un dijn familg helpe koine, weegen Jehovaa wil dat’s duu fröölig ware däist. Un hai forsprääkt wen’s duu em sij Regirung ine airste stel häst im leewend, hai giwt ales wat’s duu bruukst. (Mateus 6:33) God wil dat’s duu dij an em hule däist. Den, måk ales wat’s duu kast taum dijn ümgang mit Jehovaa stärke. Dat is dat grötst ëren wat air häwe kan. (Mateus 22:37, 38)

WAT DAI BIJBEL SÄGT: “‘Ik war fåter tau juuch un jij ware jonges un määkes tau mij’, sägt Jehovaa”. (2 Coríntios 6:18) God wil dat’s duu ain gaur ümgang mit em häwe däist. Duu kast dat krijge doir dat beeren. Jehovaa nöögt dij: ‘Dau ümer beere’. (1 Tessalonicenses 5:17) Hai wil gërn waite wat fone daile dij kopbreeken giwt un wat’s duu fornimst im härts. (Filipenses 4:6) Wen’s duu mit dijne familg t’hoop beere däist, sai daue saie woo dul as duu an God glööwe däist.

Mër as mit God fortele, duu must em uk horge. Duu kast dat måke doir dai Bijbel lëre un uk doir dai buiker wat uut dai Bijbel sin. (Salmo 1:1, 2) Dau angrüüwle oiwer dat wat’s duu lëre däist. (Salmo 77:11, 12) God horge hät uk sägen mit ümer up dai forsamlunge gåe taum dai Bijbel lëre. (Salmo 122:1-4)

Oiwer Jehovaa fortele tau dai andrer lüür is uk ain gaur dail taum dijn ümgang mit em stärke. Ji mër as duu dat mökst, ji näiger kümst duu an God raner. (Mateus 28:19, 20)

DUU KAST SOO MÅKE:

• Dau dij jërer dag tijd ruuterneeme taum dai Bijbel leese un beere.

• Soo’s familg, daut der arbëd tau Jehovaa ine airste stel måke, airer as dai andrer daile, soo’s sich tijdfordrijwe.

WAT DAI BIJBEL SÄGT: “Kåmt näig an God, un hai kümt näig an juuch.” (Tiago 4:8) Dau dij tijd ruuterneeme taum dai bijbelstuun ine familg måke un måk dat soo as jij juuch dat bereert häwe. (Gênesis 18:19) Åwer, is nöörg nog mër måke: God mut tauhööre dag for dag tau dijn leewend. Dai ümgang wat dijn familg mit God hät wart gröter doir ümer oiwer em fortele “wen’s duu in dijn huus sitst, un wen’s duu upe stråt gäist, un wen’s duu dij henlegst un wen’s duu upstäist”. (Deuteronômio 6:6, 7) Dau dij anstrenge soo as Josué, wat sägt hät: “Åwer, ik un mijn familg, wij daue Jehovaa dijne.” (Josué 24:15)

DUU KAST SOO MÅKE:

• Dau dai daile lëre ine familg wat sich passe daue soo’s jërer ainsig ine familg bruukt.