CIJIJO 03
Ngenyi Tingathemba Zvinonangwa ngo Bhaibheri?
Bhaibheri rino zvigondiso zvakawanda no mazano mazinji. Kangaije munoda kuziva kuti ngozvapi zvarinojijisa, asi muri kuzviita no kungwarira kwese. Kureva kuti mungathemba zvigondiso zvaro, no mazano mazinji o bhuku iri ro kare? Mungathembadi kamare zvinonanga Bhaibheri, ngo pamusoro po kuva no upenyu hwaushoni wari no kumbejiyo? Vandhu vakawanda vanozvithemba. Wari ngativonenyi kuti imwimwi mungazvithembavo here.
1. Zviitiko zviri mu Bhaibheri zvakaitikadi kamare here?
Mu Bhaibheri munowanika ‘mazwi okadi.’ (Mucumaeri 12:10) Irona rinobhuya ngo zviitiko zvinobatanija vandhu vokadi. (Verenganyi Ruka 1:3; 3:1, 2.) Vazivi vazinji no vapsakisisi vo zvomathere, vanokhohwa kuti njiku, vandhu, ndau no zviitiko zvinonangwa mu Bhaibheri ngo zvokadi.
2. Ngenyi tingananga kuti zvinonangwa ngo Bhaibheri asipi zvokare?
Bhaibheri rinobhuya ngo zviro zvakasiyana-siyana, zvokuti pa nguva yazvakatahwa zvainga zvicikanasi kuzivika ushoni. Inga muezaniso, rinobhuya ngo zviro zvinobatanija siensiya. Zvizinji zvaraibhuya ngo pamusoro po siensiya, vandhu vazinji vainga vacikazvitendi kuti ngo zvokadi panguva yorakatahwa. Pikija zvakadaro, masietista o wari anotendera kuti zvarinonanga Bhaibheri zvakanasa kujeka kamare. Izvona ngo zvokadi “mukuvo wese, mbhera narini.”—Nduyo 111:8.
3. Ngenyi tingathemba zvinonanga Bhaibheri ngo pamusoro po kumbeji?
Bhaibheri rinobhuya ngo zviporofita a zvakanangwa “bziro bzicito bzaitika.” (Isaia 46:10) Irona rakaporofita ngo zviro zvakawanda maningi zvainga zvicito zvaitika. Rakananga ngo mugariro jakashata jatinajo wari nyamasi uno. Pacijijo ici, tiri kuda kuvona ngo zviporofita zvimweni zvinonangwa ngo Bhaibheri. Irona rinojekesa izvi ngo njira inoshamaisa!
NASANYI KUPSAKISISA
Vonanyi kuti siensiya yo wari inotenderana kudini no zvinonangwa ngo Bhaibheri, perapo psakisisanyi ngo zviporofita zvimweni zvinonangwa ngo Bhaibheri.
4. Siensiya inotenderana no Bhaibheri
Munguva jo kare, vandhu vazinji vaitenda kuti nyika yainga yakacijikira pa ciri cese. Rijanyi VHIDHIYO.
Vonanyi zvakanangwa ngo bhuku ra Jobe ko makore anokwana 3.500 akapera. Verenganyi Jobe 26:7, perapo bhuisananyi ngo muvhunjo uwu:
-
Ngenyi zvakanangwa ngo Bhaibheri kuti nyika yakapaikwa “pacina ciro” zvinoshamaisa?
Vandhu vakakwanisa kuzwisisa njira inoita kuti kumwa irambe iripo no pakhirira makore anokwana kuita 2.000 akapera. Asi vonanyi kuti Bhaibheri rainga rakanangenyi ko makore anopindirija 3.500 akapera. Verenganyi Jobe 36:27, 28, perapo bhuisananyi ngo muvhunjo iji:
-
Ngenyi zvinonangwa ngo Bhaibheri ngo pamusoro po kusika-sika ko kumwa zvinoshamaisa?
-
Kureva kuti vhesi yo maperari kuverenga inovangisa kuthemba kwenyu Bhaibheri here?
5. Bhaibheri rakaporofita ngo zviitiko zvinosisira
Verenganyi Isaia 44:27–45:2, perapo bhuisananyi ngo muvhunjo uwu:
-
Ngozvapi zvakanangwa ngo Bhaibheri ko makore anokwana 200 Bhabhironi ricito rakaparajwa?
Zviitiko zvinovonesa kuti Siro, Mambo wo ku Persiya no masoca ake, vakanyisa dhorobha ro Bhabhironi mu gore 539 K.A.A. b Ivona vakaphwisa murambo waijivirira dhorobha. Perapo vakanghwina mu dhorobha ngo pa musuvo, ngokuti jainga jakashama. Ngo kudaro, vakakwanisa kunyisa dhorobha vacikahwisani navo. Wari pakhirira makore anokwana 2.500, Bhabhironi no riri mathere. Vonanyi kuti Bhaibheri rakanangenyi.
Verenganyi Isaia 13:19, 20, perapo bhuisananyi ngo muvhunjo uwu:
-
Kuitisa kudini zvakaitika no Bhabhironi zvinovonesa kuzajika ko ciporofita?
Mathere o Bhabhironi mu mazuva ano ku Iraki
6. Bhaibheri rakaporofita ngo zviro zvatiri kuvona mazuva ano
Bhaibheri rinonanga kuti tiri kupona mu “njiku jokupejisira.” (2 Timoti 3:1) Vonanyi kuti ngozvapi zvakaporofitwa ngo Bhaibheri ngo pamusoro po njiku iji jo kupejisira.
Verenganyi Mateu 24:6, 7, perapo bhuisananyi ngo muvhunjo uwu:
-
Ngowapi mugariro unonangwa ngo Bhaibheri kuti waizovepo pa mukuvo uu wo kupejisira?
Verenganyi 2 Timoti 3:1-5, perapo bhuisananyi ngo muvhunjo iji:
-
Mugariro japi jinonangwa ngo Bhaibheri jaizova no vandhu vakawanda mu nguva jo kupejisira?
-
Ngojapi mugariro jamuri kuvona?
VANDHU VAMWENI VANOTI: “Bhaibheri i bhuku ro ngano.”
-
Mu mavonero enyu, ngozvapi zvinomukhohwesa kuti Bhaibheri ngo rokadi?
ZVOTAJIJA
Zviitiko, siensiya no zviporofita zvese izvi zvinokhombija kuti mungathemba Bhaibheri.
Kuhwirijira
-
Zviitiko zviri mu Bhaibheri zvakaitikadi kamare here?
-
Ngoapi mativi amweni o siensiya okuti anotenderana no Bhaibheri?
-
Mumavonero enyu munovona kuti Bhaibheri rinonanga zvokumbeji? Ngenyi munoti hina, kana ngenyi munoti haiwa?
ZIVANYI ZVIMWENI
Mu Bhaibheri muno siensiya yakaposeka?
“Sainzi Inopindirana Nezviri muBhaibheri Here?” (Mu interneti)
Ngo zvapi zvinokhombija kuti tiri kurarama mu “njiku jo kupejisira”?
Jijiranyi kuti zviporofita zvo Bhaibheri ngo pamusoro po Umambo wo Gresiya zvakakwanirikisa kudini.
Vonanyi kuti zviporofita zvo mu Bhaibheri zvakacinjisa kudini mavonero aaita mwanarume umweni Bhaibheri.
