Nduyo 146:1-10
146 Simbanyi Jehovha!*
Upenyu hwangu hwese ngausimbe Jehovha.
2 Ndinozosimba Jehovha mu upenyu hwangu hwese.
Ndinozoimba ndumbo jo kusimba Mwari wangu pandinonga ndecipona.
3 Mucathemba vatungamiririNee vana vo vandhu vacikakwanisi kuviisa ruponeso.
4 Mwiha wake wokufema unobuda,* ivona vohwirira ku mavhu;Pa njiku yondhoyo murangariro jake jinopera.
5 Anodakara mundhu ana Mwari wa Jakobe inga mubeseri wake,Anothemba Jehovha Mwari wake,
6 Wiya wakaita kudenga no nyika,Jombe no zvese zvirimo,Wiya wakagondeka mbhera narini,
7 Wiya anoitira ururami vandhu vanobzinyirihwa,Wiya anopa zvokuha vandhu vano njara.
Jehovha anosujunura vasungwi.
8 Jehovha anofunungura majiso o mapofu;Jehovha anopa simba mundhu wakaremba;Jehovha anoda vandhu vakarurama.
9 Jehovha anojivirira munyikanja;Iyena anobesera ndherera* no noni,Asi anovhiringija mazano o vandhu vakashata.
10 Jehovha anozova Mambo kwenda no kwenda,Iwewe Ziyoni, Mwari wako, anozotonga ku mubarihwana no mubarihwana.
Simbanyi Jehovha!*
Masoko o Pasi
^ Kana: “Areruya!” Kana: “Jah.” Uku ikugurisihwa ko zina ra Jehovha.
^ Kana: “Simba ro upenyu hwake rinobuda.”
^ Kana: “wakafihwa ndi baba.”
^ Kana: “Areruya!” Kana: “Jah.” Uku ikugurisihwa ko zina ra Jehovha.
