Mazwi Akangwara 26:1-28
26 Kudari inga cando, mu cirimo;*No nvura, mu nguva yo kukotora,
Mukufananvo, kukujwa akufaneri benji.
2 Kudari inga shiri icikatizi pacina thangwe ririrese,No cimunyengwa-nyengwa acimburuki pacina thangwe ririrese.
Mukufananavo, kutukwa akuviyi pacina thangwe ririrese.
3 Mushakwe ngo wokutaka haci,Monga* ngo wo mbongoyo.
Mukufanavo, ndonga ngo yo kutaka musana wo mapenji.
4 Ucadavira benji mukuzwirana no upenji hwaro,Kuti utame kuezana naro.
5 Ngo divi rimweni,Davirai benji mukuzwirana no upenji hwaro,
Kuti irona ritame kurangarira kuti rino uzivi.
6 Mundhu anosiya zviro zvake kuti zviithwe ngo benji,Wakadari inga mundhu anoremaja makumbo ake wojikhuvaza.
7 Mazwi akangwara pa muromo wo mapenji,Akadari inga makumbo akaremba o cigono.
8 Kukuja benji,Kwakadari inga kusungira buwe pa vhungamurara.
9 Mazwi akangwara pa muromo wo benji,Akadari inga muti uno muzwa uri munyara jo cidhakwa.
10 Mundhu anopekeja basa benji kana anopekeja mundhu ari wese ari kutopindavo hake,Wakadari inga mundhu anofura ari wese ngo uta.
11 Kudari inga imbhwa inohwirira koha maruco ayo,Benji, rinophinda no kuphinda upenji hwaro.
12 Wakambovona mundhu anorangarira kuti ano uzivi?
Zvakareruka maningi kubesa benji, kupinda kubesa mundhu uwu.
13 Mundhu anoumbhwa* anoti:“Kuno mwana wo mbhondoro kucitaka,*
Pakati po gwanja, pano mbhondoro!”
14 Musuvo jinosika pa mujhagra* jawo,Mundhu anoumbhwa,* anoburukuta pakama yake.
15 Mundhu anoumbhwa,* anodira nyara yake mu paratuAsi anokonehwa kuimujura* kuti ahwirije pa muromo pake.
16 Mundhu anoumbhwa,* anorangarira kuti anoziva maningiKupinda vandhu vanomwe vanodavira zvo hwiru.
17 Mundhu anopinda ngo pano vandhu vaacikazivi, veciita mapope wonyangajwa,*Wakadari inga mundhu anobatirira njeve jo imbhwa.
18 Kudari inga benji rinokhandira mukhondo* unobwaka
No mupasha unouraya,
19 Ndizvona zvinoita mundhu anoungwisa mudoni wake eciti:
“Ndainga ndecitamba basi.”
20 Pacina huni, muriro unojima,Pacina murevi mapope anopera.
21 Kudari inga masimbe no huni zvinodihwa pa muriro,Ndizvona zvinoithwa ngo mundhu anokukumijira kuti pave no mapope.
22 Masoko o vandhu vanoreva,Akaita inga zvokuha zvinonaka.
Izvona zvinomijwa zvopinda ngo kukasika mundani.
23 Masoko akapfava anovha ku mwoyo wakashata,Akadari inga sirivha inofukija civiya.
24 Mundhu anonyenya vamweni,Anoita kuti zvitame kuzivika ecishandisa muromo wake,
Asi anorera ucengeji ngo mukati.
25 Pikija akavereketa magama aushoni,Audikani kumuthemba,
Ngokuti pano zviro zvinomwe zviri mu mwoyo make zvinonyenywa.
26 Pikija kuzonda kwake kwecifukijwa ngo mugariro wo kunyepa,Kushata kwake kunozovoneka pambhene mu ungano.
27 Mundhu anoca rindi, anozowiremo,Mundhu anomburumbuja zibuwe, anozopsinywa ndirona.
28 Rurumi hunonyepa, hunonyenya vandhu vahunobzinyirira.*Muromo unobata kumeso,* unouraisa.
Masoko o Pasi
^ Kana: “mu mayanga.”
^ Kana: “Mukhayo.”
^ Kana: “anonungo.”
^ Kana: “muruwa.”
^ Zviro zvinoita kuti musuvo ucijikire.
^ Kana: “anonungo.”
^ Kana: “anonungo.”
^ Kana: “kuitakura.”
^ Kana: “anonungo.”
^ Kangaije: “wonghwinira.”
^ Kana: “munji.”
^ Kana: “vahunocikirira.”
^ Kana: “kufaeresa.”
