Mazwi Akangwara 12:1-28
12 Mundhu anoda kupangihwa, anoda uzivi.Asi mundhu anonyenya kupangihwa, aana hwiru.
2 Mundhu wakanaka, anotendehwa ndi Jehovha.Asi iyena anonyenya mundhu anorangarira kuita zvakashata.
3 Akuna mundhu anojivirihwa ngo kuita zviro zvakashata.Asi vandhu vakanaka, avazovhithwi.*
4 Mwanakaji anoita zvakanaka,Ikorowa yo mwamuna wake.
Asi mwanakaji anoita zvinopseruja,
Anovoja maphondo o mwamuna wake.
5 Murangariro jo vandhu vakanaka, jakanaka.Asi murangariro jo vandhu vakashata, jinocengeja.
6 Masoko o vandhu vakashata,Akaita inga mundhu anofindarira kuti auraye vamweni.*
Asi muromo wo vandhu vakanaka, unovaponesa.
7 Vandhu vakashata pavanozourawa,Ivona avazowanikizve.
Asi nyumba yo mundhu wakanaka, inozoramba iripo.
8 Mundhu anongwarira pa kuvereketa, anozosimbhwa.Asi mundhu ano mwoyo wakashata, anozopserujwa.
9 Zviri nani kuva mundhu acina nduma,Wova no mushandiri umwe basi,
Kupinda kujikuja wega, ucina cokuha.
10 Mundhu wakanaka, anotaja ushoni zvifuyo zvake.Kuveni unyasha hwo vandhu vakashata, hwakashata.
11 Mundhu anorima munda wake,Anozova no zvakawanda.
Asi mundhu anobatikana pa zviro zvicikashandi, aana hwiru.*
12 Vandhu vakashata,Vanoemura zvinonyangwa ngo vandhu vakashata.
Asi muji wo vandhu vakanaka, unobara mucero.
13 Mundhu wakashata,Anobathwa ngo mabhuyo ake akashata.
Asi mundhu wakanaka, anopona pa dambujiko.
14 Mundhu anowana zviro zvakanaka ngo kuvereketa zviro zvakanaka.Iyena anozopfuphwa ngo mabasa aanoita ngo nyara jake.
15 Gwanja ro benji, rakanaka mu mavonero aro.Asi muzivi anotendera mbhangiro.
16 Benji rinokhombija kunyangajwa kwaro pa nguva yondhoyo.*Asi mundhu wakangwara, aana basa no kutukwa.
17 Capupu cokadi, cinovereketa zvokadi.Asi capupu cokunyepa, cinovereketa zvokunyepa.
18 Masoko anobhuiwa acizivi kurangarihwa, anobaya inga banga.Asi rurumi wo vazivi, unorapa.
19 Muromo unovereketa cokwadi, unogara kwenda no kwenda.Asi rurumi wokunyepa, unozogara nguva doko.
20 Kucengeja kuri mu mwoyo mo vandhu vanoita zvakashata.Asi vaya vanoita kuti pave no runyararo, vanomudakaro.
21 Apana cakashata cinozotambuja vandhu vakanaka.Asi vakashata, vanozova no matambujiko mazinji.
22 Muromo unovereketa zvokunyepa, unonyenywa ndi Jehovha.Asi mundhu wakagondeka, anomudakajisa.
23 Mundhu wakangwara, anoviga zvaanoziva.Asi mundhu wakashata, anokhombija upenji hwake.
24 Nyara jinoshanda ngo simba, jinozotonga.Asi nyara jo mundhu wakaremba, jinozobatiswa basa ngo hasha.
25 Kuthimwa-thimwa, kunoremesa mwoyo wo mundhu.Asi masoko akanaka, anodakajisa mwoyo.
26 Mundhu wakanaka, anopsaka mahavo ake.Asi gwanja ro vandhu vakashata, rinovarasisa.*
27 Mundhu wakaremba, aaendi kovhima.Asi kushanda ngo simba, upfumi unosisira ku mundhu.
28 Gwanja rakanaka, rinoendesa kuupenyu.Mu gwanja iri, amuna rufu.
Masoko o Pasi
^ Kana: “avazobzuhwi.”
^ Kana: “anovandira vamweni kuti avauraye.”
^ Gama ngo Gama: “aana mwoyo.”
^ Kana: “pa njiku yondhoyo.”
^ Kana: “rinovasvejesa.”
