Biblia kijtoua Jesús iKone toTajtsin Dios (Juan 1:49). Tlajtoli iKone toTajtsin Dios techpaleuia ma tikajsikamatikan toTajtsin Dios ye otlachijchi iuan ye techmaka toyolilis, non kijtosneki noijki okichijchi Jesús (Salmo 36:9; Apocalipsis 4:11). Biblia amo kijtoua toTajtsin Dios se teta uan yetoskia ken tlakatl ijkuak kipia ikoneuan.

 Biblia kijtoua ángeles noijki ikoneuan toTajtsin Dios (Job 1:6). Noijki kijtoua achto tlakatl tlen itoka Adán noijki okatka ikone toTajtsin Dios (Lucas 3:38). Pero Biblia kijtoua Jesús iKone toTajtsin Dios tlen okachi ipati, porque ye achto okichijchi uan san ye okichijchi.

•  ¿Okatka Jesús iluikak ijkuak ayamo onesiaya ipan tlaltikpak?

•  ¿Tlen okichi Jesús iluikak ijkuak ayamo oualaya ipan tlaltikpak?

 Kema. Jesús okatka ken se espíritu ompa iluikak ijkuak ayamo onesiaya ken se tlakatl. Ye okijto ouala itech iluikak (Juan 6:38; 8:23).

 ToTajtsin Dios achto okichijchi Jesús. Biblia kijtoua Jesús:

•   Ye “teteachka de nochi tlan Dios okichijchi” (Colosenses 1:15).

•   “Por Ye Dios okichijchi nochi tlan onka” (Apocalipsis 3:14).

 Desde yiuejkika omoijto seki profecías uan itech Jesús omochijkej (Miqueas 5:2; Mateo 2:4-6).

 Itech iluikak ye okichi itlaj miak ipati. Jesús ijkon okijto ijkuak okilui iTajtsin: “Notajtsi, techweyijkatili monawak, ika n weyílistli non onikpiaya monawak desde ijkuak ayamó okatka n tlaltíkpaktli” (Juan 17:5).

 Ye okipaleui iTajtsin okichijchi nochi tlamantli. Jesús otekipano iuan toTajtsin Dios “ken se kuali itekipanojka” (Proverbios 8:30). Biblia kijtoua: “Por Cristo, Dios okichijchi nochi tlan onka kan ilwikak iwa itech tlaltíkpaktli” (Colosenses 1:16).

 Jesús okipaleui toTajtsin Dios ijkuak otlachijchi. Okinchijchijkej ángeles uan okseki tlamantli (Apocalipsis 5:11). ToTajtsin Dios uan Jesús omopaleuijkej ijkon ken tekipanouaj se arquitecto uan akin kalchiua. Arquitecto kichiua dibujo ken motas kali uan akin kalchiua kichiua kali.

 Ye okatka Tlajtoli. Achto ualaskia Jesús nikan tlaltikpak okitokayotiayaj “Tlájtoli” (Juan 1:1). Nin kijtosneki toTajtsin Dios okitekitilti Jesús para kinmiluis oksekimej ángeles tlen okinekiaya.

 Noijki toTajtsin Dios okitekitilti Jesús, para kinmiluis tlakamej tlen okinekiaya. Itech xochitlali, ijkuak Jehová okintlapoui Adán uan Eva xamo okintlapoui ika Tlajtoli [noso Jesús] (Génesis 2:16, 17). Noijki Jesús okinyekanki israelitas ik kanin tlauaki uan okinmiluiaya tlen omonekiaya kichiuaskej (Éxodo 23:20-23). a