“Axkan tonalmej okachi moneki maj amo timoixnamikikan. Axkan tonalmej okachi moneki maj timoxikokan” (comentarios de António Guterres, secretario general de las Naciones Unidas, sobre el ataque directo de Irán contra Israel el sábado 13 de abril de 2024).

 Amo sayoj ompa Oriente Próximo (oeste de Asia) onkatok neteuilis, ta no itech okseki altepemej noyampa taltikpak.

 “Axkan onkak okachi neteuilis noyampa taltikpak satepan ke mochiuak Ojpatika Neteuilis itech Nochi Taltikpak, uan kemej 2 millones nemij kampa mochiujtok nejon tataman neteuilis (Consejo de Seguridad de la ONU, 26 de enero de 2023).

 Neteuilis semi taijtakojtok itech altepemej kemej Israel, Gaza, Siria, Azerbaiyán, Ucrania, Sudán, Etiopía, Níger, Myanmar uan Haití. a

 ¿Kemanian amo moteuiskejok? ¿Uelis tekiuanij kichiuaskej maj tiyolseujkanemikan? ¿Toni kijtoua Biblia?

 Kemej noyampa moteuiaj akin nemij itech altepemej, kinextia ke amo uejkaua tamis neteuilis. Mochiujtok kemej Biblia kijtojka ke noyampa moteuiskiaj. Kinextia ke tinemij itech tonalmej keman “tamitiya tein mochiujtok itech taltikpak” (Mateo 24:3).

•    “Nankikakiskej ke moteuijtokej uan nankimatiskej ke miakkan no moteuijtokej. [...] Akin nemij itech seki xolalmej moteuiskej iniuan akin nemij itech okseki xolalmej uan akin nemij itech se altepet iniuan akin nemij itech okse altepet” (Mateo 24:6, 7).

 Xikonlero tamachtilis “¿Toni kinextia ke tinentokej ‘itech tonalmej keman tatamitiyaʼ?” para tikonitas keniuj mochiujtok kemej Biblia kijtojka ke noyampa moteuiskiaj.

 Biblia kinextia keniuj tamis neteuilis nikan taltikpak. ¿Akoni kichiuas nejon? Amo se aksa akin nemi nikan taltikpak, ta keman mochiuas Armagedón, keman moteuiskej “itech iueyi tonal Dios, akin kipia nochi chikaualis” (Apocalipsis 16:14, 16). Keman tamis Armagedón, Dios kichiuas maj yolseujkanemikan nikan taltikpak ijkon kemej motenkauak kichiuas (Salmo 37:10, 11, 29).

 Para okachi tikonmatis keniuj neteuilis de Dios kitamis nochi taman neteuilis, xikonlero tamachtilis “¿Qué es el Armagedón?”.