Mokoneuan kitasojtaskej Dios komo kimatij toni taman onkak tein kinextia ke yejuatsin yekmelauj nemi uan ke kintasojta. No moneki maj kiixmatikan (1Juan 4:8). Kemej neskayot, moneki kimatiskej keyej techchijchiuak, keyej kikaua maj onka tajyouilis, uan toni techualkuilis satepan. (Xikonixtajtolti Filipenses 1:9.)

Mokoneuan kitasojtaskej Dios, komo kiitaj ke tejuatsin no tikontasojta, tein melauj yejuan kichiuaskej tein tejuatsin tikonchiuas. (Xikonixtajtolti Deuteronomio 6:5-7 uan Proverbios 22:6.)

ITajtol Dios kipia miak chikaualis (Hebreos 4:12). Yejua ika xikonpaleui mokoneuan maj kiajsikamatikan tein Biblia tamachtia. Komo tikonneki maj tamachtilis ajsi itech ininyolo mokoneuan, xikonchiua kemej Jesús kichiuak iniuan imomachtijkauan: xikonchiuili netajtanilmej, xikonkaki tein tanankiliaj uan xikonmelauili tein amo kiajsikamatiskej. (Xikonixtajtolti Lucas 24:15-19, 27, 32.)

No uelis tikonixtajtoltis iniuan itech Biblia kampa ika tajtoua keniuj Dios kinnextilij netasojtalis taltikpakneminij. Ijkon okachi kuali kiixmatiskej Jiova uan okachi kitasojtaskej. Itech www.pr418.com/es tikonajsis seki taman tein mitsonpaleuis. (Xikonixtajtolti 2 Timoteo 3:16.)