“Maske nama ayokmo onka COVID-19, nopa amo kiijtosneki ya tlanki nopa kokolistli. Kema sampa momoyauas se ueyi kokolistli, uan kena kiampa panos, moneki kuali timokualchijchijtosej” (Tepajtijketl Tedros Adhanom Ghebreyesus, katli tlayakana ipan Organización Mundial de la Salud, mayo 22, 2023).

 Nama, miakej maseualmej nojua tlaijiyouijtokej pampa momajkej ika COVID-19, sekij kipiaj se kokolistli ipan inintlakayo uan sekij ipan inintlalnamikilis. ¿Ya mokualchijchijtokej tlanauatianij uan tepajtianij para kema sampa onkas se ueyi kokolistli uan kiampa uelis kuali techpajtisej?

 Biblia kiijtoua onka se tlanauatijkayotl tlen techpaleuis kuali ma tiitstokaj uan ayokmo ma timokokokaj. Nopaya kiijtoua: “ToTeko Dios tlen itstok iluikak kiketsas se tlanauatilistli” (Daniel 2:44). Kema nopa Tlanauatijkayotl tekichiuas, ayokmo aka kiijtos para mokokoua (Isaías 33:24). ¡Ayokmo aka mokokos uan nochi kipiasej chikaualistli kej telpokamej! (Job 33:25).