Sejse xiuitl tlauel miakej mikij ika mayantli uan mokokouaj pampa tlauel teikneltsitsij. Maske ipan sekij altepemej kipiaj miak tomij, tlauel miakej amo tleno kipiaj. Biblia kiijtoua ipa itstokej katli teikneltsitsij. (Xijpoua Juan 12:8.)

Ipan nochi Tlaltipaktli moneki se tlanauatijketl katli kichiuas ma tlami mayantli uan nochi ma kinmaka tlen ika mopanoltisej kej kinamiki. Nojkia moneki ma kitlamilti uejueyi tlauilankayotl, tlen kichiua ma itstokaj miakej teikneltsitsij. ToTeotsij kiijtoua yaya kitekitlalis nopa tlanauatijketl. (Xijpoua Daniel 2:44.)

ToTeotsij kitekitlalis iKone Jesús ma kinnauati maseualmej (Sal. 2:4-8). Ya kinpaleuis teikneltsitsij uan kitlamiltis tlen tetlaijiyouiltia uan kualantli. (Xijpoua Salmo 72:8 uan 12-14.)

Jesús, nopa “Tlanauatijketl tlen temaka Tlaseuilistli”, ipan nochi Tlaltipaktli kichiuas kuali ma tiitstokaj uan ika tlayolseuilistli. Ipan nopa tonali nochi kipiasej ininchaj, se tekitl tlen kinpaktis uan miak tlakualistli. (Xijpoua Isaías 9:6, 7 uan 65:21-23.)