TLAMACHTILI 02
Biblia kiijtoua teipa tiitstosej ika pakilistli
Miakej maseualmej kinpano miak tlamantli tlen kichiua ma motekipachokaj uan ma mokuesokaj. ¿Kiampa mitspanotok? Uelis namantsi tlauel timokuesoua pampa mijki o mokokoua se akajya katli tlauel tikiknelia. Tlaj kiampa mitspanotok uelis timotlajtlania tlaj se tonali ayokmo kiampa tiitstosej. Tlen Biblia kiijtoua tlauel mitsyolchikauas.
1. ¿Kenijkatsa techyolchikaua Biblia?
Biblia kiijtoua kenke onka miak kuesoli ipan Tlaltipaktli. Uan nojkia kiijtoua amo nochipa titlaijiyouijtosej pampa nechka tlamis tlen amo kuali. Tlen Biblia kiijtoua techpaleuia ma timotemachikaj teipa kuali tiitstosej (xijpoua Jeremías 29:11, 12). Nojkia techpaleuia ma tikijiyouikaj kuesoli, ma tiyolpakikaj uan ma timotemachikaj uelis nochipa tiyolpakisej.
2. ¿Kenijkatsa kiijtoua Biblia tiitstosej teipa?
Biblia kiijtoua teipa “ayok kema aki mikis, niyon mokuesos, niyon chokas, niyon mokokos” (xijpoua Apocalipsis 21:4). Ayokmo tleno techtlaijiyouiltis pampa ayokmo techchiuilisej tlen amo kuali, ayokmo onkas kokolistli, mikilistli uan onkas miak tlakualistli. Biblia kiijtoua uelis nochipa tiitstosej ipan Tlaltipaktli kema elis se xochimili.
3. ¿Tlake mitspaleuis timotemachis ipan tlen Biblia kiijtoua?
Maske miakej maseualmej moiljuiaj teipa kuali itstosej, amo kimatij tlaj nelia kiampa panos. Tlen Biblia kiijtoua nelia mochiuas, uan tlaj kuali timomachtis mitspaleuis ximotemachi ipan tlen kiijtoua (Hechos 17:11). Kiampa moselti uelis tijtlapejpenis tlaj timotemachis ipan tlen Biblia kiijtoua panos teipa.
KUALI XIMOMACHTI
Ma tikitakaj kenijkatsa Biblia kiijtoua tiitstosej teipa uan kenijkatsa nopa kinpaleuijtok miakej maseualmej ipan ni tonali.
4. Biblia kiijtoua uelis tijpiasej nemilistli tlen axkema tlamis uan ayokmo titlaijiyouisej
Xikita tlatsintla se keski tlamantli tlen Biblia kiijtoua mochiuas teipa. ¿Tlake tlauel mitspaktiskia ma mochiua? ¿Kenke tijneki ma mochiua?
Xijpouakaj textos tlen nikaj uala uan xijnankilikaj ni tlajtlanili:
-
¿Mitsyolchikaua ni textos? ¿Timoiljuia nojkia kinyolchikauas mochampoyouaj uan mouampoyouaj?
Ximoiljui tiitstok kampa:
AMO AKA... |
NOCHI... |
---|---|
|
|
|
|
|
|
|
|
|
|
5. Tlen Biblia kiijtoua mitspaleuis kuali xiitsto
Ipan ni tonali miakej maseualmej kinyolkokoua uan kinkualankamaka tlen pano, yeka kichiuaj miak tlamantli pampa kinekij kipatlasej. Xikita kenijkatsa tlen Biblia kiijtoua panos teipa kinpaleuijtok miakej maseualmej. Xikitakaj nopa VIDEO uan xijnankilikaj ni tlajtlanili:
-
¿Tlake tlamantli tlen kichiuayayaj maseualmej amo kuali kiitayaya Rafika?
-
Maske nojua mochiua nopa tlamantli, ¿kenijkatsa kipaleuik Biblia?
Tlaj timotemachiaj ipan tlen Biblia kiijtoua panos teipa, techpaleuis amo tlauel ma timokuesokaj uan ma tiyolpakikaj maske tijpiasej kuesoli. Xijpouakaj Proverbios 17:22 uan Romanos 12:12 uan xijnankilikaj ni tlajtlanili:
-
¿Timoiljuia mitspaleuis tlaj timotemachis ipan tlen Biblia kiijtoua panos teipa? ¿Kenke kiampa timoiljuia?
TLEN SEKINOK KIIJTOUAJ: “Amo nelia mochiuas tlen Biblia kiijtoua”.
-
¿Kenke moneki timomachtis Biblia uan kiampa tikitas tlaj nelnelia mochiuas tlen kiijtoua?
TLEN TIMOMACHTIJKEJ
Biblia kiijtoua kenijkatsa tiitstosej teipa. Uan nopa techpaleuia ma tiyolpakikaj ipan ni tonali uan ma timotemachikaj teipa kuali tiitstosej.
¿Tlake tijyekok?
-
¿Kenke maseualmej moneki kimatisej tlen toTeotsij kichiuas teipa?
-
¿Tlake kiijtoua Biblia panos teipa?
-
¿Kenijkatsa mitspaleuis tlaj timotemachis teipa kuali tiitstos?
NOJKIA XIKITA NI
Xikita kenijkatsa mitspaleuis tlaj timotemachis teipa kuali tiitstos.
“¿Tlake techpaleuis ma timotemachikaj teipa kuali tiitstosej?” (¡Xitlachixtokaj!, abril 22, 2004)
Xikita kenijkatsa Biblia kinpaleuijtok katli tlauel mokokouaj.
“¿Uelis techpaleuis Biblia ma tikijiyouikaj kema tijpiaj se kokolistli?” (Tlamachtili ipan jw.org)
Kema tikitas ni video ika uikatl ximoiljui ta uan mochampoyouaj initstokej ipan Xochimili.
Xikita kenijkatsa tlen Biblia kiijtoua panos teipa kipaleuik se tlakatl katli ayokmo kinekiyaya ma mochiua tlen amo kuali.
“Ayokmo nijneki nijpatlas tlen kichiuaj maseualmej” (Tlen Tematiltia, julio 1, 2013)