2ǁÎ ǁKHĀǁKHĀǃÂS
Elobmîs ge ǃâubasensa ra mā du
ǃHūbaib ǂhawase hâ khoen ge ǃgomsina ūhâ. ǁÎna ra tsûaǂgao, ǂkhabuǂâi kai tsî tsûtsûna. ǁNāti i mâsiba hōǃâ tsâ î du ge hâ i? ǀNîsi du ge a ǀaegusa. Tamas ka io du ǀnam du hâ khoe-i xa ge ǁō xuhe? ǀNîsi du ge ra ǂâi, ûiba ǃgâi i nî? Elobmîs ge ǂkhîǂkhîsa ǃereamde, nē dîdi ai ra mā.
1. Tae-i ǃâubasensas Elobmîsa ra mā du?
Elobmîs ge ǃhūbaib, tae-i ǃaroma ǃgomsin xa ǀoa hâs, ǀguisa mî tama. Xawe ra mîba du nē ǃgomsin ǁaerob dis ǀguisa īsa. Tsî ǁkhawa hâ tidesa. Elobmîs ge ra mîmâi ‘ǃâubasens ǀkha hâ ǀamsas nî mā dusa.’ (Khomai re Jeremiab 29:11, 12 sa.) Nē mîmâis ge ra hui du, î du, ū du hâ ǃgomsin ǀkha mâǀgai. Tsî ǃgâi xūn xa ǀgui ǂâi tsî hâhâ nî ǂkhîba ūhâ.
2. Elobmîsa tae-e hānîǁeab xa ra mî?
Elobmîs ge hānîǁaeb xa ra ǃhoa, mîs ta o, “ob ge ǁōba ǃaruǀî hâ tide, tsî ǃoa-i xare-i tsî ā-i xare-i tsî ǃgomsi-i xare-i ǃaruǀî hâ tide.” (Khomai re ǂHaiǂhais 21:4 sa.) ǃGomsin ge khoena nētsē ǃâubasen-e mā tama hâ. Aiǁgause, ǀgâb, ǀaeb tsî ǁōb tsîna. Xawen ge nē xūna ǁkhawa hâ tide. Elobmîs ge ra mî, khoen ge Paradais ǃnâ ǁkhoaxase ǃhūbaib ai ǀamose nî uî.
3. Mati du nî ǂan Elobmîs ta mî xūn nî ama īsa?
ǂGui khoen ge ra ǃâubasen ǃgâi xūn nî īsa. Xawen ge a ǀû, ǁîn ǃâubasens nî ama kaisa. Elobmîs ta mî i ge a ǀkhara. Sadu ǂgomsa du ge a omkhâi ǁkhā ‘xoasa’ ôaǃnâs ǃnâ-ū. (ǃNaeǃkhaidi 17:11) Elobmîsa du ra ǁkhāǁkhāsen khami du ge aitsama nî mîǁguibasen. Tae-es ta mîsa hānîǁaeb xa.
ǃGAMSE ÔAǃNÂ RE
Mâsiga ôaǃnâ re, Elobmîs ra mîna hānîǁaeb xa. Khomai re, ǃâubasens Elobmîs khoena nētsē ra māsa.
4. Elobmîs ge ra mîmâi, ǃgomsin ose du ǀamose nî hâsa
Saorase kō re, Elobmîs mîmâidi hîna Elobmîs ǃnâ ra hōhede. Mâ mîmâis xa du ǃnāsase a ǃgâibahe? Tsî tae-i ǃaroma?
Khomai re xoade mîmâis xōǀkhā hâde. Tsî ǃnaga hâ dîra ǃhoaǃgao re:
-
Nē xoade ǃâubasensa ra mā du? Tsî sadu ǀhōsan tsî ǀaokhoen tsîna nē xoade xu, xū-e a ǁkhāǁkhāsen ǁkhā?
Mûsen re, ǃhūbaib hîna
|
KHOE-I GE . . . |
HOA KHOEN GE . . . |
|---|---|
|
|
|
|
|
|
|
|
|
|
5. Elobmîs ǃâubasens ge sadu ûiba a dawa ǁkhā
ǂGui khoen ge ra ǂkhabuǂâi. Tsî hōǃân ra ǃgomsigu ǃgao ra ǁaixa. Tsî ǀnîn ge kaise ǃgarise ra dītsâ xūna ǀkharaǀkharasa. Khomai re Elobmîs ra mîmâi xūna, hîna nî ǀkharaǀkharahena. Tsî ǀnî khoen ge ǀnai ra huihe. VIDIOBA ǀhuru re, Tsî saora dîra ǃhoaǃgao re.
-
Mâ ǂhanuoǃnâsibas Rafikasa, nē vidiob ǃnâ gere hōǃâ?
-
Hōǃâs gere ǂhanuoǃnâsib ge bē tama hâ i, xawe matis ge Elobmîsa huisi?
Elobmîsa xu du ra hō ǃâubasens hānîǁaeb dis ge nî hui du. Î du ǂkhabuǂâis tsî ǃgomsin tsîna tani ǁkhā. Khomai re ǂKhoamîdi 12:25 tsî Romeǁîn 12:12 sa. Tsî !nāka hâ dîra ǃhoaǃgao re:
-
ǂÂi du ra, Elobmîs ǃnâ du ra hō ǃâubasens, sadu ûiba nēsi nî ǀkharaǀkharasa? Tsî tae-i ǃaroma?
MATI DU NÎ ǃEREAM KHOE-I GA MÎ O: “Elobmîs ǃnâ hâ mîmâidi hānîǁaeb xa di ge ama īǁkhā tide.”
-
Tae-i ǃaroma i a ǃgâi aitsama du nî ôaǃnâsa?
ǃKHŌǀHAOS
Elobmîs ge ǃâubasensa ra mā du. Tsî nî hui du ǃgomsina tanis ǀkha. Tsî hānîǁaeb ǃnâ kai ǂkhîba nî mā du.
ǁKhāǁkhāsen du go xūn xa ǂâiǃgâ
-
Tae-i ǃaroma du ǃâubasensa ǂhâ hâ?
-
Tae-es Elobmîsa hānîǁaeb xa ra mî?
-
Hānîǁaeb ǃaroma, ǃâubasensa ūhâsa, mati nēsi nî hui du?
ÔAǃNÂ
ǃNāsase khomai re ǃâubasens xa.
“ǃÂubasensa mapa—du a hōǁkhā?” (ǂKhaikari hâb, Aprili 22, 2004)
Khomai re ǂgauhe ǁoa ǀaega ūhâ khoen, mati hānîǁaeb ǃâubasens xa ra huihe ǀgausa.
“ǂGauhe ǁoa ǀaeb ǀkha ûis—Elobmîsa hui ǁkhā-e?” (Internets ai hâ ǁkhāǁkhādi)
Nē musik vidioba du ra kō hîna mûnanai re. Sadu tsî sadu omaris khoen ǃgâi ǁaeba paradais ǃnâ ra ūhâ ǀgausa. Elobmîs ra mî khami.
ǀHûhâsiba ra ǃkhamba khoeb ge ǁîb ûiba dī-unu ǀgausa khomai re. Elobmîs ǃâubasens xab ge ǁkhāǁkhāsen o, ob ge ge dawa.
“ǃHūbaiba ǀkharaǀkharas xa ta ge ǂâi tama” (ǃKhē xu ǂgō-ommi, Julib 1, 2013)
