1RO ǁKHĀǁKHĀǃÂS
Elobmîsa mati a hui du ǁkhā?
Hoa da ge dîde ūhâ, ûib, ǃgomsin, ǁōb tsî hānîǁaeb xas tsîna. Tsî da ge tsēs hoasa ra ī xūn xas tsîna ra ǂâi. Mati da mari-e nî hōs tsî ǂkhîsa omarisa nî ūhâs tsîna. ǂGui khoen ge ge hōǃâ, Elobmîs ûib kai dîdi ǀguide ǃeream tamasa. Xawe ǃgâi ǀapede ra māsa ûib ǃaroma. ǂÂi i du ra, Elobmîs sadu a ǂan khoe-e a hui ǁkhāsa?
1. Elobmîsa mâ dîde a ǃeream ǁkhā?
Elobmîs ge saora ǂhâǂhâsa dîde ra ǃeream: Ûiba mati ge tsoatsoa? Ûib di ǂâibasensa a tae? Tae-i ǃaroman khoena ǃgomsina ra tsâ? Tae-e ra ī ǁō da ga o? Hoa da ga ǂkhîba ǂhâba o, tae-i ǃaroma gu toroga hâ? Tae-e nî ī hānîǁaeb ǃnâ ǃhūbaib ǀkha? Elobmîs ge ra ǂkhâǃnâ du, î du nē dîdi ǃereamde hō. Miliundi khoen ge nē dîdi ǃereamde ge hō, ǂkhîǂkhîsade.
2. Elobmîsa mati tsēs hoasa a hui du ǁkhā?
Elobmîs ge ǃgâi ǀapede ra mā. Aiǁgause, ǁîs ge ra ǁkhāǁkhā, matin omaris khoena ǂkhîba a ūhâ ǁkhā ǀgausa. Elobmîs ge ǂkhabuǂâi da ga o ra hui da. Tsî dī da ra sîsen-i, mati nî ǃgâibadas ǀkha ra hui da. ǁKhāǁkhāsen du ge nî Elobmîs taena, nē xūn xa ra mîsa. Nēna du ra ǁkhāǁkhāsen khami du ge ǁnāsa nî mû. Nēs ge nî amaba du ‘Xoas hoas [Elobmîs ǃnâ hâ xūn hoan] ge a ǃgâi.’—2 Timoteub 3:16.
Nē ǂkhanis ge Elobmîsa ǃkhōǃkhuni tama hâ. Xawe nî hui du, î du aitsama Elobmîsa ôaǃnâ. Nēs ǀkha da ge ra ǂkhâǃnâ du, î du nē ǁkhāǁkhāǃâdi ǃnâ hâ xoade khomai. Tsî ǀgopeǀnō re, ǁkhāǁkhāsen du xūn ǀkha.
ǃGAMSE ÔAǃNÂ RE
ǂÂi re, matis Elobmîsa khoena ra huisa. ǁKhoaxabahe du ge nî Elobmîsa khomaisa. Tsî tae-i ǃaroma i a ǃgâi huiba hōsa, ǁîsa ǁnâuǃās ǃaroma?
3. Elobmîs ge a hui du ǁkhā
Elobmîs ge ǀgaisa ǃnâ-i khami ī. Elobmîs ge a hui da ǁkhā, ǃgâi mîǁguiga dīs ǀkha. Tsî tae-i hānîǁaeb ǃnâ nî īs tsîna ra mîba da.
Khomai re Psalmdi 119:105 sa. Tsî ǃnāka hâ dîra dî tsî ǃhoaǃgao re:
-
Nē psalms xoa-aoba tae-e ra mî?
-
Elobmîsa du mati ra mû?
4. Elobmîs ge sadu dîde a ǃeream ǁkhā
ǀGui kaikhoes ge Elobmîsa xu ǃereamsa ge hō, ǂgui kurina ǁîsa gere ǂhani-e. VIDIOBA ǀhuru re, Tsî saora dîra ǃhoaǃgao re.
-
Nē kaikhoesa mâ dîde, nē vidiob ǃnâ go ūhâ i?
-
Elobmîsa ǁkhāǁkhāsensa, ǁîsa mati ge hui?
Elobmîs ge ra hui da, dîna dîsa. Khomai re Mateub 7:7 sa. Tsî ǃnāka hâ dîsa ǃhoaǃgao re:
-
Mâ dîde du Elobmîs xa ra ǃereamhe ǂgao?
5. Elobmîsa khomais ge a ǁkhoaxa
ǂGui khoen ge Elobmîsa khomais xa a ǃgâibahe. Tsî ǃgâiba ǁnāpa xu ra hō. VIDIOBA ǀhuru re, Tsî saora dîra ǃhoaǃgao re.
-
Nē vidiob ǃnân, nē ǂkhamkhoena mati khomais xa goro tsâ?
-
Tae-i ǃaroman nēsi ǀkhara ti ra tsâ, Elobmîsa khomais xa?
Elobmîs ge ǁkhaeǂgaos tsî ǃâubasens tsîna ra mā du. Khomai re Romeǁîn 15:4 sa. Tsî ǃnāka hâ dîsa ǃhoaǃgao re:
-
Elobmîs mîmâis ǁkhaeǂgaos tsî ǃâubasens dis ǃnâ du ǃgâiǃgâibasensa ūhâ?
6. Khoen ge a hui du ǁkhā, Elobmîsa ǁnâuǃāsa
Elobmîsan ǁîn aib ai ra khomai xawen ge khoena ge mûǂan nau khoen ǀkha ǀgoragus ǃgâiba ra hausa. Khomai re ǃNaeǃkhaidi 8:26-31 sa. Tsî ǃnāka hâ dîsa ǃhoaǃgao re:
-
Mati du Elobmîsa nî ǁnâuǃā?—30 tsî 31ǁî ǁaraǃāra khomai re.
Etiopiaǁî khoeb ge Elobmîsa gere ǁnâuǃā ǂgao. ǂGui khoen ge nau khoen ǀkha Elobmîsa ǀgoragus xa a ǃgâibahe
MATI DU NÎ ǃEREAM KHOE-I GA MÎ O: “Elobmîsa ǁkhāǁkhāsens ge a ǁae ǁore.”
-
Mati du nî mî? Tsî tae-i ǃaroma?
ǃKHŌǀHAOS
Elobmîs ge tsēs hoasa du ūhâ dîde ra ǃeream. Tsî khoena ǁkhaeǂgaos tsî ǃâubasensa ra mā.
ǁKhāǁkhāsen du go xūna ǂâiǃgâs
-
Mâ ǀapemāde du Elobmîs ǃnâ ra hō?
-
Elobmîsa mâ dîde ra ǃeream?
-
Tae-e du Elobmîsa xu ra ǁkhāǁkhāsen ǂgao?
ÔAǃNÂ
ǂÂi re, Elobmîs mati ǃgâi ǀapemāde nētsē ra mā du ǀgausa.
“Elobmîs ǁkhāǁkhādi —ǀam-e ūhâ tama gā-aisib” (ǃKhē xu ǂgō-ommi No. 1 2018)
Kō re, Elobmîs ge aob hîna ge ǂkhamsisa xu, ǁîb tsâsigu ǀkha ǃgomsiba ūhâ îba hui ǀgausa.
Elobmîs omaride mati ra ǀapemā ǀgauga oaǃnâ re.
“12 ǀgaugu omaris ǂkhîba a omkhâi ǁkhāgu” (ǂKhaikari hâb No. 2 2018)
Elobmîs ge ǃgāsase ra mî ham-i ǃhūbaiba ra ǂgaeǂguisa.
