¿Á va̱ʼa ndataku na̱ ni̱xi̱ʼi̱?
¿Á ndákanixi̱níún...
-
... ña̱ ndatakuna?
-
... ña̱ kǒo ndatakuna?
-
... ña̱ sana ndatakuvana?
ÑA̱ KÁʼA̱N BIBLIA
“Sandátakura na̱ ke̱ʼé ña̱ va̱ʼa ta saátu na̱ ke̱ʼé ña̱ va̱ása va̱ʼa” (Hechos 24:15, Traducción del Nuevo Mundo).
¿NDÁAÑA VA̱ʼA NDAKIʼÚN TÁ NÁ KAʼVIÚNÑA?
Va̱ʼa chindeéña yóʼó tá ná kuvi iin na̱ táʼún (2 Corintios 1:3, 4).
Kǒo yi̱ʼvíkaún xa̱ʼa ña̱ kuviún (Hebreos 2:15).
Kǒo kakaka-iniún xa̱ʼa ña̱ ndataku na̱ táʼún na̱ ni̱xi̱ʼi̱ (Juan 5:28, 29).
¿Á VA̱ʼA KANDÍXAYÓ ÑA̱ KÁʼA̱N BIBLIA?
Va̱ʼava, yóʼo sakuaʼayó xa̱ʼa u̱ni̱ ña̱ʼa:
-
Ndióxi̱ kúú ta̱ i̱xa̱va̱ʼa ndiʼi ña̱ʼa. Ña̱ Biblia káchiña Jehová kúú ta̱ táxi ña̱ tákuyó (Salmo 36:9; Hechos 17:24, 25). Tá na̱kuchiñura i̱xava̱ʼara ndiʼi na̱ yiví saá kuchiñutura sandátakura na̱ ni̱xi̱ʼi̱va.
-
Tá xi̱naʼá sa̱ndátaku Ndióxi̱ na̱ ni̱xi̱ʼi̱. Ña̱ Biblia káʼa̱nña xa̱ʼa u̱na̱ na̱ yiví na̱ sa̱ndátakura, ta̱ na̱yóʼo xi̱kuu: ta̱a, ná si̱ʼí xíʼin na̱ va̱lí ta ni̱xi̱yo tukuna nu̱ú Ñuʼú yóʼo. Savana sa̱kán ni̱xi̱ʼi̱na tá sa̱ndátakurana, soo iin ta̱a xa̱ku̱mí ki̱vi̱ ni̱xi̱ʼi̱ra tá sa̱ndátakurara (Juan 11:39-44).
-
Ndióxi̱ kúni̱níra sandátakura na̱ ni̱xi̱ʼi̱. Jehová kǒo kúsi̱í-inira ña̱ xíʼi̱ na̱ yiví (1 Corintios 15:26). Ta kǒo kúni̱kara ña̱ kuviyó ña̱kán sandátakura na̱ ni̱xi̱ʼi̱. Chi kúni̱ra sandátakura ndiʼi na̱ ñúʼu xi̱níra ña̱ koo tukuna nu̱ú Ñuʼú yóʼo (Job 14:14, 15).
NDAKANIXI̱NÍ XA̱ʼA ÑA̱YÓʼO
¿Ndachun kúchéeyó ta xíʼi̱yó?
Nu̱ú Biblia kunda̱a̱-iniún xa̱ʼa ña̱yóʼo nu̱ú GÉNESIS 3:17-19 xíʼin ROMANOS 5:12.
Sanatu kutóún ña̱yóʼo
ESSENTIAL BIBLE TEACHINGS
¿Ndáaña ndóʼo na̱ xíʼi̱?
Ña̱ Biblia ka̱ʼa̱nña ña̱ ki̱xaa̱ iin ki̱vi̱ ña̱ ndataku ku̱a̱ʼání na̱ ni̱xi̱ʼi̱, nda̱a̱ táki̱ʼva nda̱taku ta̱ Lázaro.
ÑA̱ KÚNI̱NA KUNDA̱A̱-ININA XA̱ʼA̱ BIBLIA
¿Ndáaña kúú ña̱ ndatakuna?
Sana ndakanda̱-iniún tá ná kunda̱a̱-iniún ndáana ndataku.
ÑA̱ KÁʼA̱N XA̱ʼA̱NDI̱
¿Nda̱chun kaʼviyó Biblia? (iníísaá video)
Iníísaá ñuyǐví ku̱a̱ʼání na̱ yiví chíndée táʼan Biblia xíʼin ña̱ kunda̱a̱-inina xa̱ʼa ña̱ʼa ña̱ ndáyáʼviní. ¿Á kúni̱ún sakuaʼún xa̱ʼa ña̱yóʼo?
