KI̱ʼVA ÑA̱ KÁʼVINA BIBLIA XÍʼIN NA̱ YIVÍ
Kivi koo si̱íún vitin ta saátu chí nu̱únínu
Koto ndáaña sánáʼa̱ Biblia ta kunda̱a̱-iniún ndáaña káʼa̱nña xa̱ʼa̱ ña̱yóʼo:
¿Ndáaña kivi keʼéyó ña̱ va̱ʼa si̱í kooyó?
¿Á kixaa̱ iin ki̱vi̱ ña̱ ndiʼi-xa̱ʼa̱ ña̱ va̱ása va̱ʼa ta va̱ása xo̱ʼvi̱kayó?
¿Á ndikói̱ kunii̱ na̱ táʼi̱n na̱ xa̱a̱ ni̱xi̱ʼi̱?
¿Á ndíʼi-ini Ndióxi̱ xa̱ʼíi̱?
¿Ndáa ki̱ʼva xíniñúʼu ka̱ʼi̱n xíʼin Ndióxi̱ ña̱ va̱ʼa kuniso̱ʼora yi̱ʼi̱?
Kǒo chaʼviún xa̱ʼa̱ña
Kǒo chaʼviún xa̱ʼa̱ña. Taxina ndaʼún iin tutu ña̱ naní Kivi koo si̱íún vitin ta saátu chí nu̱únínu, ta saátu iin Biblia tá xíniñúʼúnña.
Nda̱a̱ ndáaka hora
Kivi ndakutáʼún xíʼin na̱ sanáʼa̱ yóʼó á kivi keʼún videollamada xíʼinna hora kúni̱ miíún ta saátu nu̱ú kúni̱ miíún.
Va̱ása ixandúxana xíʼún
Kivi sandákoún ña̱ kaʼviún ama kúni̱ miíún. Va̱ása ixandúxana xíʼún.
¿Ndáa ki̱ʼva káʼvindi̱ xíʼin na̱ yiví xa̱ʼa̱ Biblia?
Iin na̱ testigo Jehová sanáʼa̱na yóʼó xa̱ʼa̱ iin tá iin ña̱ káʼa̱n Biblia xa̱ʼa̱. Ña̱ va̱ʼa sanáʼa̱na yóʼó xa̱ʼa̱ Biblia kuniñúʼuna ña̱ naní Kivi koo si̱íún vitin ta saátu chí nu̱únínu, loʼo tá loʼo sakúaʼún ndáaña sánáʼa̱ Biblia ta kotoún ndáa ki̱ʼva chíndeétáʼanña xíʼún. Tá kúni̱kaún kunda̱a̱-iniún xa̱ʼa̱ ña̱yóʼo, koto video yóʼo á kivi kaʼviún pregunta ña̱ kéʼé ku̱a̱ʼá na̱ yiví ña̱ káʼa̱n xa̱ʼa̱ ña̱ kaʼviún.
¿Á xa̱a̱ íyo tu̱ʼvaún ña̱ kixáʼún kaʼviún?
Katavi̱ botón yóʼo ña̱ va̱ʼa kotoún ndáa ki̱ʼva kixáʼún kaʼviún Biblia.