Il-​Ġemgħa li Tiggverna huma grupp żgħir taʼ Kristjani maturi li jipprovdu direzzjoni għax-​Xhieda taʼ Ġeħova madwar id-​dinja. Ix-​xogħol tagħhom għandu żewġ skopijiet:

•   Huma jieħdu ħsieb il-​preparazzjoni tat-​tagħlim ibbażat fuq il-​Bibbja li jkun hemm fil-​pubblikazzjonijiet, il-​laqgħat, u l-​iskejjel tax-​Xhieda taʼ Ġeħova.—Luqa 12:42.

•   Huma jmexxu x-​xogħol taʼ madwar id-​dinja tax-​Xhieda taʼ Ġeħova billi jidderieġu l-​ministeru pubbliku tagħna u jieħdu ħsieb il-​kontribuzzjonijiet li jingħataw.

 Il-​Ġemgħa li Tiggverna jsegwu l-​mudell li ħallew “l-​appostli u l-​anzjani f’Ġerusalemm” fl-​ewwel seklu, li ħadu deċiżjonijiet importanti f’isem il-​kongregazzjoni Kristjana kollha kemm hi. (Atti 15:2) Bħal dawk l-​irġiel leali, il-​membri tal-​Ġemgħa li Tiggverna mhumiex il-​mexxejja tal-​organizzazzjoni tagħna. Huma jfittxu fil-​Bibbja għall-​gwida, għax jirrikonoxxu li Alla Ġeħova ħatar lil Ġesù Kristu bħala l-​Kap tal-​kongregazzjoni.—1 Korintin 11:3; Efesin 5:23.

 Il-membri tal-Ġemgħa li Tiggverna huma Kenneth Cook, Jr., Gage Fleegle, Samuel Herd, Geoffrey Jackson, Stephen Lett, Gerrit Lösch, Mark Sanderson, David Splane u Jeffrey Winder. Huma jaqdu fil-kwartieri ġenerali tagħna f’Warwick, New York, l-Istati Uniti tal-Amerka.

 Il-​Ġemgħa li Tiggverna stabbiliet sitt kumitati biex tieħu ħsieb diversi aspetti tax-​xogħol tagħna, u kull membru jaqdi f’wieħed minn dawn il-​kumitati jew f’aktar.

•   Il-​Kumitat tal-​Koordinaturi: L-​aħwa li jaqdu f’dan il-​kumitat jieħdu ħsieb kwistjonijiet legali u każi li fihom il-​Xhieda taʼ Ġeħova jiġu persegwitati minħabba t-​twemmin reliġjuż tagħhom. Ukoll, jorganizzaw l-​għajnuna meta jkun hemm xi diżastru jew emerġenza li teffettwa lix-​Xhieda taʼ Ġeħova.

•   Il-​Kumitat tal-​Personell: Jieħu ħsieb il-​membri tal-​familja taʼ Betel.

•   Il-​Kumitat tal-​Ippubblikar: Dawk li jaqdu f’dan il-​kumitat jieħdu ħsieb li l-​letteratura Biblika tiġi stampata u ppubblikata u li tintbagħat madwar id-​dinja. Kif ukoll jieħdu ħsieb il-​kostruzzjoni tal-​postijiet fejn niltaqgħu, l-​uffiċċji tat-​traduzzjoni, u l-​faċilitajiet tal-​fergħa.

•   Il-​Kumitat tas-​Servizz: Jieħu ħsieb ix-​xogħol tagħna tal-​ippritkar tal-​“aħbar tajba tas-​saltna.”—Mattew 24:14.

•   Il-​Kumitat tat-​Tagħlim: Jieħu ħsieb it-​tħejjija tat-​tagħlim spiritwali li jiġi provdut fil-​laqgħat, fl-​iskejjel, u fil-​programmi bl-​awdjo u bil-​vidjow.

•   Il-​Kumitat tal-​Kitba: Għandu r-​responsabbiltà li jieħu ħsieb li jiġi mħejji t-​tagħlim spiritwali stampat u fuq il-​Websajt u jieħu ħsieb ix-​xogħol tat-​traduzzjoni.

 Minbarra x-​xogħol li tagħmel f’dawn il-​kumitati, il-​Ġemgħa li Tiggverna tiltaqaʼ kull ġimgħa biex tikkunsidra l-​bżonnijiet tal-​organizzazzjoni. F’dawn il-​laqgħat, il-​membri jiddiskutu dak li tgħid l-​Iskrittura u jsegwu d-​direzzjoni tal-​ispirtu qaddis t’Alla. Huma dejjem iħabirku biex id-​deċiżjonijiet ikunu unanimi.—Atti 15:25.

 Dawn huma Kristjani taʼ min jafdahom li jgħinu lill-​kumitati tal-​Ġemgħa li Tiggverna. (1 Korintin 4:2) Huma għandhom l-​abbiltà u l-​esperjenza fix-​xogħol li jieħu ħsieb il-​kumitat li huma inkarigati fih, u jattendu l-​laqgħa li jkollu dan il-​kumitat kull ġimgħa. Għalkemm m’għandhomx sehem f’li jieħdu d-​deċiżjonijiet, dawn jagħtu pariri taʼ valur u jagħtu informazzjoni fuq dak li jkun qed jiġi diskuss. Huma wkoll jaraw li jitwettqu d-​deċiżjonijiet tal-​kumitat u regolarment jiċċekkjaw ir-​riżultati taʼ dawn id-​deċiżjonijiet. Jistgħu wkoll jiġu inkarigati mill-​Ġemgħa li Tiggverna biex iżuru lill-​aħwa f’diversi postijiet madwar id-​dinja jew biex jagħtu xi taħdita f’okkażjonijiet speċjali bħal fil-​laqgħat annwali jew il-​gradwazzjoni taʼ Gilegħad.