Bõe n wat ne sũ-noog zak pʋgẽ?
Y tagsdame tɩ . . .
yaa nonglem bɩ?
yaa ligd bɩ?
bɩ yaa bũmb a to?
BIIBLÃ SẼN YETE
“Sũ-noog rãmb n yɩɩda, la sẽn kelgd-b Wẽnnaam gomde, la b reegd-a.”—Luk 11:28, Sebr Sõngo.
RẼ SẼN TÕE N NAF-Y TO-TO
Nonglem hakɩk na n zĩnda zakã pʋgẽ.—Efɛɛz rãmba 5:28, 29.
Waoogr hakɩk na n zĩnda a pʋgẽ.—Efɛɛz rãmba 5:33.
Bãan sɩd-sɩd na n zĩndame.—Mark 10:6-9.
D TÕE N TẼE BIIBLÃ SẼN YETÃ BI?
N-ye. Ad bʋʋm a yiibu:
Yaa Wẽnnaam la zak lugunda. Biiblã yeelame tɩ yaa Wẽnnaam a Zeova n lugl kãadem. (Sɩngre 2:18-24) Woto rat n yeelame tɩ yaa a Zeova n kɩt tɩ zak fãa beẽ. Rẽ bãngr yõod yaa bõe?
Y sã n dɩt rɩ-noog n tʋll n bãng zẽ-biis nins b sẽn tall n segl-a wã, ãnda la y na n soke? Vẽenega, yaa ned ning sẽn segl rɩɩbã.
Woto me, d sã n dat n bãng d sẽn tõe n maan to-to tɩ sũ-noog zĩnd d zak pʋgẽ, yɩta sõma tɩ d sok a Zeova sẽn yaa zakã lugundã.
Yãmb yell paka Wẽnnaam. Segdame tɩ zak fãa neb tũud a Zeova saglsã sẽn be a Gomdã pʋgẽ wã. Bõe yĩnga? Bala, a “geta yãmb yelle.” (1 Pɩɛɛr 5:6, 7) A Zeova rata yãmb neere. A saglsã tũub nafda ned wakat fãa.—Yelbũna 3:5, 6; Ezai 48:17, 18.
AD SOKRE:
Bõe n tõe n sõng-y tɩ y yɩ sɩd-sõngo, pʋg-sõng wall roagd sẽn get a zak yell sõma?
Biiblã leokda sok-kãngã EFƐƐZ RÃMB 5:1, 2 la KOLOS RÃMB 3:18-21 wã pʋgẽ.
Découvrez aussi…
SOGSG BIIBLÃ SẼN LEOKDE
Biiblã tõe n sõnga maam tɩ m zakã pʋgẽ vɩɩm yɩ noog bɩ?
Sagl-sõma sẽn tik Biiblã zugu, la sẽn zoe n sõng pagb la rap milyõ-rãmb tɩ b zagsã pʋsẽ vɩɩm noome.
KIBAY TÕND ZUGU
Bõe yĩng tɩ y tog n zãms Biiblã?—A zãnga
Biiblã sõngda neb miliyõ-rãmb tɩ b paamd b sogsg kẽer leoore.Yãmb me rata woto bɩ?
KIBAY TÕND ZUGU
Kos-y t’a Zeova Kaset soab wa kaag-yã
Bao-y n bãng-y bũmb Biiblã zug wall a Zeova Kaset rãmbã zug n paase.
