Dũniyã bee ãnd soab nugẽ?
Yãmb tagsdame tɩ yaa . . .
Wẽnnaam bɩ?
ãdem-biisã bɩ?
bɩ a Sʋɩtãana?
BIIBLÃ SẼN YETE
RẼ SẼN TÕE N NAF-Y TO-TO
Na n kɩtame tɩ y wʋm dũniyã sẽn pid ne zu-loeesã võore.—Wilgri 12:12.
Kɩtdame tɩ y tõe n tẽ tɩ dũniyã na n toeemame tɩ wa ne manegre.—1 Zã 2:17.
D TÕE N TẼE BIIBLÃ SẼN YETÃ BI?
N-ye. Ad bʋʋm a tãabo:
A Sʋɩtãan naamã na n talla tɛka. A Zeova na n kɩtame t’a Sʋɩtãan da le soog ãdem-biisã ye. A pʋlmame t’a na n ‘sãama a Sʋɩtãana,’ la t’a na n manega bũmb nins fãa a Sʋɩtãan sẽn sãamã.—Hebre dãmba 2:14.
Wẽnnaam yãka a Zezi t’a na n yɩ dũniyã naaba. A Zezi yaa toor fasɩ ne dũni kãngã naab a Sʋɩtãan sẽn dɩt a naamã ne toom la a pa rat ned neerã. Wẽnnaam wilga a Zezi naamã sẽn na n yɩ to-to wã n yeel woto: “Far soab ne nimbãan-ned nimbãaneg tara yẽnda . . . Yẽ na n fãaga bãmb ne toolem la pãnga.”—Yɩɩl Sõamyã 72:13, 14.
Wẽnnaam pa yagd ye. Biiblã yeela vẽeneg tɩ ‘Wẽnnaam ka tõe n yag ziri ye.’ (Hebre dãmba 6:18) A Zeova sã n pʋlem t’a na n maana bũmbu, fʋɩ pa tõe n gɩdg tɩ bõn-kãng pa pids ye. (Ezai 55:10, 11) Biiblã yeelame me tɩ b ‘na n diga dũniyã naaba.’—Zã 12:31.
AD SOKRE:
B sã n wa rig dũniyã naaba, vɩɩmã na n yɩɩ wãna?
Biiblã leokda sok-kãngã YƖƖL SÕAMYÃ 37:10, 11 la WILGR 21:3, 4 pʋgẽ.