KAMBʼAL 02
Mil u Kiʼil a Kuxtal a Wataktoj a Tan u Promesartik a Bʼibʼle
Tupeteebʼ a yokʼolkabʼa a kristiyaanojooʼ yajooʼ u yool, tanooʼ u tukul, kʼuxukooʼ umen a yajil a tanooʼ u kʼämiki. Walakilik wa a jentaantik a bʼoobʼe inchech ichil a kuxtala? Uchak bʼoobʼelik a tan a kʼämiki, uchak kʼojaʼanech, waxan uchak yan mak a kimi tiʼi teche. Uchak walak a tuklik, ‹Yan wa bʼikʼin ti bʼel u kaʼa ti kiʼtal a kuxtala?› Jedʼeʼek u nuuktik Bʼibʼle a kʼaatchiʼ.
1. Kʼuʼ a jedʼeʼek ti wooltik umen a Bʼibʼle?
A Bʼibʼle maʼ chen walak u yadʼik kʼuʼkaʼa yan a probʼlema yokʼolkabʼa tanlik u yadʼiktoʼon ti jumpʼeelkʼin jobʼol u kaʼa. A promesaj a yan ichil a Bʼibʼle jedʼeʼek u tzʼeek «a kuxtala y kaʼ a [woolte] a kiʼ a wataktoj.» (Xoko a Jeremias 29:11, 12.) Jedʼeʼek tun u aantikoʼon ti mukʼyajte a probʼlema aleebʼe tiʼi kaʼ ti käxte a kiʼolal a maʼ yan kʼin u jobʼol.
2. Bʼikijak a kuxtal ichil a tiempo a wataktoj a tan u yadʼik a Bʼibʼle?
A Bʼibʼle tan u yadʼiktoʼon ti tiʼi a kʼin a wataktoj «Maʼ caʼ [yanak] a quimili, maʼax a yaj-oolala, a ocʼolo, a yajili.» (Xoko a Revelacion 21:4.) Tulakal a probʼlema a walak ti jentaantik aleebʼe—otzilil, kʼojaʼanil, kimil y maltrataarbʼäl—maʼ kaʼ yanaki. A Bʼibʼle tan u promesartik ti jedʼeʼek ti kuxtal tuwich a kichʼpan yokʼolkabʼ ti bʼebʼeel.
3. Kʼuʼkaʼa jedʼeʼek a tzʼokʼsik ti jajtal u kaʼa a promesajooʼ a yan ich Bʼibʼle?
Yaabʼ mak walak u yooltik a kiʼi, pero maʼ u yeelooʼ wa bʼel u kaʼa ti jajtal. A Bʼibʼle walak u yadʼik ti jedʼeʼek ti nojʼooltik kʼuʼ a walak u yadʼik, tanil ti «xoquic u juʼum a [Dioso].» (Hechos 17:11) Tanil a xokik a Bʼibʼle, ila tabʼajil wa jedʼeʼek a tzʼokʼsik kʼuʼ a bʼeltoj u kaʼa ti yantala.
MAS KAMBʼALTETO
Kiʼ tzʼaj ti kuenta kʼuʼ a tan u promesartik a Bʼibʼle tupektzil kʼuʼ a bʼeltoj u kaʼa ti yantala. Ila bʼiki ti tan u aantabʼälooʼ a mak umen a promesajooʼ a yan ich Bʼibʼle.
4. Tan u promesartik toʼon Bʼibʼle ti jedʼeʼek ti kuxtal ti bʼebʼeel tubʼaj maʼ kaʼ yanak a yajilal
Ilooʼ a promesajooʼ adʼaaʼ a jedʼeʼek a käxtik ich Bʼibʼle. Bʼikiʼil a kiʼ tawich incheche? Kʼuʼkaʼa?
Xokeʼex a scripturaj a yan tutzeel a promesajooʼ abʼeʼe y tzikbʼalteʼex a kʼaatchiʼooʼ adʼaʼa:
-
Kʼuʼ a tan u tzʼeek a woolte a scripturaj? Jedʼeʼekilik wa u yilikooʼ u kiʼil a familia y a ʼamiingoj wa kaʼ u xokooʼ a scripturajooʼ adʼaʼa?
Tukle a kuxtal ichil a yokʼolkabʼ tubʼaj
|
MAʼ KAʼ YANAK . . . |
TULAKAL MAK BʼEL U KU YILAʼ . . . |
|---|---|
|
|
|
|
|
|
|
|
|
|
5. Leʼek kʼuʼ a tan u promesartik a Bʼibʼle jedʼeʼek u jelik a kuxtal
Yaabʼ a mak tzʼiikooʼ, maʼ kiʼooʼ u yool umen a probʼlema a tan u uchul tuxoyooʼ. Mentäkä yaabʼ mak tan u yaaltik u pʼisbʼajte u pach kaʼ mas kiʼak a kuxtala. Ila bʼiki ti leʼek a promesaj a yan ichil a Bʼibʼle tan u yaantikooʼ a mak aleebʼe. Chaʼanteʼex a VIDʼEO, kaʼtun tzikbʼalteʼex a kʼaatchiʼooʼ adʼaʼa.
-
Ichil a vidʼeo ti chaʼantaja kʼuʼ a maʼ kiʼ tuwich ix Rafika?
-
Bʼiki ti aantabʼi ix Rafika umen a Bʼibʼle kaʼax maʼ utzlaji kʼuʼ u kʼatiintaj?
Leʼek ti tan ti tzʼokʼsik a promesajooʼ a tan u yadʼik a Bʼibʼle jedʼeʼek u yaantikoʼon ti emaʼan ti wool y ti tan ti jentaantik a chichi. Xokeʼex a Proverbios 17:22 y Romanos 12:12, kaʼtun tzikbʼalteʼex a kʼaatchiʼooʼ adʼaʼa:
-
Wa kaʼ a tzʼokes kʼuʼ a tan u yadʼik a Bʼibʼle mas kiʼak wa a kuxtal? Kʼuʼkaʼa?
YAN MAK WALAK U YADʼIK: «Maʼ jaj ti bʼel u kaʼa ti uchul kʼuʼ a tan u promesartik a Bʼibʼle.»
-
Kʼuʼkaʼa mil kʼabʼeet ka wilaʼ tabʼajil u jajil bʼiki ti yan?
KʼUʼ A KÄNAJA
Yaabʼ a kiʼ a tan u promesartik toʼon a Bʼibʼle, walak u kiʼ kuntik ti kuxtal y u tzʼeek kaʼ ti woolte a bʼaʼal a kiʼi.
Tzikbʼalbʼäl kʼuʼ ti känaja
-
Kʼuʼkaʼa kʼabʼeet tiʼijooʼ mak kaʼ u naʼtooʼ kʼuʼ a tan u promesartik a Dʼioso?
-
Kʼuʼ a tan u yadʼik a Bʼibʼle tupektzil a bʼeltoj u kaʼa ti uchul?
-
Kʼuʼ u kiʼil tiʼi tech wa kaʼ a woolte a bʼaʼal a kiʼ a yantaltoj u kaʼa?
MAS ILATOJ
Mas kambʼalte u pektzil bʼoon u kiʼil ti tan a wooltik kʼuʼ a kiʼi.
«Tiʼi ka woolte kʼuʼ a kiʼi —Tubʼaj Jedʼeʼek a Käxtik?» (Awake!, April 22, 2004)
Ila bʼiki ti jedʼeʼek u aantabʼälooʼ adʼooʼ a kʼojaʼanooʼ ti tanooʼ u yooltik kʼuʼ a uchultoj u kaʼa.
«Jedʼeʼek wa u Antaj a Bʼibʼle—ti Yan a Kʼojaʼanil?» (Web article)
Tanil a chaʼantik u vidʼeojil a kʼay adʼaʼa tukle a bʼajil etel a familia ti keʼenech ichil a kichʼpan kuxtal a tan u promesartik a Bʼibʼle.
Xoko bʼiki ti jelbʼi u kuxtal juntuul a winik. Leʼek ti kaʼ u kambʼaltaj kʼuʼtoj a bʼel u ku bʼeteʼ a Dʼios tiʼi a tiempo a wataktojo.
«Maʼ kaʼ Yan Ichil Inwool wa Tzaj in Jelik a Yokʼolkabʼa» (The Watchtower, July 1, 2013)
