KAMBʼAL 01
Bʼiki ti Jedʼeʼek u Mas Kiʼkuntik a Kuxtal a Bʼibʼle?
Yaabʼ mak walak u tuklik u pach a kuxtala, yajilal, kimil y kʼuʼ a bʼeltoj u kaʼa ti yantala. Maʼ jadʼiʼ abʼeeʼ, sansamala walakooʼ u tuklik bʼiki kaʼ u käxtooʼ u takʼin y bʼiki kaʼ yanak a kiʼolal ichilooʼ u familia. A Bʼibʼle walak u nuuktik a kʼaatchiʼooʼ abʼeʼe y yanto mas, walaklik u aantikooʼ a mak bʼiki kaʼ u bʼensooʼ u kuxtal. Jaj wa ti jedʼeʼek u aantikoʼon Bʼibʼle ta tuklik?
1. Kʼuʼ ti kʼaatchiʼilooʼ a walak u nuuktik a Bʼibʼle?
A Bʼibʼle walak u nuuktik a kʼaatchiʼ a jabʼix adʼaaʼ: Tubʼaj talel a kuxtala? Kʼuʼkaʼa kuxaʼanoʼon? Kʼuʼkaʼa walak u kʼämik a yaj a mak a kiʼooʼo? Kʼuʼ a walak u kʼämikooʼ a mak tukimilooʼ? U kʼatooʼ a sisʼolal a maka, pero kʼuʼkaʼa tan a gerra? Kʼuʼ a uchul u kaʼa tiʼi a yokʼolkabʼa? A Bʼibʼle walak u yadʼiktoʼon kaʼ ti käxtooʼ u nuukbʼeebʼ y yaabʼ mak u yilooʼ u kiʼil bʼiki tu nuukbʼul tiʼijooʼ.
2. Bʼiki ti jedʼeʼek u aantikoʼon Bʼibʼle ti mas ilaʼ u kiʼil ti kuxtal a sansamala?
A Bʼibʼle walak u tzʼeek a konseeja a kiʼ tiʼitoʼon. Bʼiki kaʼ yanak a kiʼolal ichil ti familia. Bʼiki ti maʼ ti manal tukul. Bʼiki kaʼ ti wilaʼ u kiʼil ti meyaj. Jedʼeʼek a aantabʼäl a känäʼ kʼuʼ a tan u yadʼik a Bʼibʼle tupektzilooʼ adʼaaʼ y ulaakʼooʼ a bʼaʼal a uchak walak a tuklik. Bʼel tun a ka wilaʼ u jajil a tʼan adʼaaʼ «tulacal a cʼuʼ a tzʼiibaʼan ichil u juʼum a Dioso, laj etel Dios talaʼan. Laj yan u cʼabeetil.»—2 Timoteo 3:16.
A juʼum adʼaaʼ maʼ Bʼibʼle. Chen yan tiʼi kaʼ u yaanteech ka a naʼtej kʼuʼ a yan ich Bʼibʼle. Mentäktunu, porfavor xokooʼ a scripturaj a yan ichili y ila bʼiki ti jumbʼel etel kʼuʼ a tan a xokik y a känik.
MAS KAMBʼALTETO
Tzʼaj ti kuenta bʼiki tu aantabʼälooʼ a mak umen Bʼibʼle, bʼiki ti jedʼeʼek a chʼaʼik u kiʼil a xokik a Bʼibʼle y kʼuʼkaʼa kiʼ kaʼ aantabʼäkech a chʼaʼtojte.
3. Jedʼeʼek u aantikoʼon Bʼibʼle
A Bʼibʼle jabʼix a kʼaakʼ a chilama, walak u yaantikoʼon kaʼ ti naʼtej kʼuʼ a bʼeltoj u kaʼa ti uchul y kaʼ ti bʼeteʼ a tukul a kiʼ ichil ti kuxtal.
Xokeʼex a Salmo 119:105, kaʼtun tzikbʼalteʼex a kʼaatchiʼooʼ adʼaʼa:
-
Leʼek mak u tzʼiibʼtaj a Salmo adʼaʼa, bʼiki tuyilik a Bʼibʼle?
-
Bʼiki ti walak a wilik a Bʼibʼle incheche?
4. Jedʼeʼek u nuuktik ti kʼaatchiʼ Bʼibʼle
Yan juntuul ix chʼup, maʼ kiʼ u pʼätik u tuklik u pach a kʼaatchiʼooʼ a yan tiʼi pero ʼastolik ti bʼini u käxte u nuukbʼeebʼ ich Bʼibʼle. Chaʼanteʼex a VIDʼEO, kaʼtun tzikbʼalteʼex a kʼaatchiʼooʼ adʼaʼa.
-
Kʼuʼooʼ ti kʼaatchiʼil a yan tiʼi ix chʼup ti chaʼantaj ichil a vidʼeo?
-
Bʼiki ti aantabʼi umen a kambʼal ich Bʼibʼle?
A Bʼibʼle walak u yadʼiktoʼon kaʼ uchukoʼon ti kʼaatchiʼ. Xokeʼex a Mateo 7:7, kaʼtun tzikbʼalteʼex a kʼaatchiʼ adʼaʼa:
-
Kʼuʼ ti kʼaatchiʼ a yantech a jedʼeʼek u nuuktik Bʼibʼle ta tuklik?
5. Jedʼeʼek u kiʼtal tawich a xokik a Bʼibʼle
Yaabʼ mak kiʼtuwich a xok Bʼibʼle y tanooʼ u yilik u kiʼil. Chaʼanteʼex a VIDʼEO, kaʼtun tzikbʼalteʼex a kʼaatchiʼooʼ adʼaʼa.
-
Ichil a vidʼeo ti chaʼantaja bʼikijooʼ u yool aj tzʼutzʼubʼ mak tupach a xok juʼumu?
-
Bʼikijooʼ u yool ti walakooʼ u xokik a Bʼibʼle aleebʼe?
A Bʼibʼle walak u yadʼiktoʼon kʼuʼ jedʼeʼek u jetzʼkuntik ti wool y bʼiki kaʼ ti woolte a bʼaʼal a kiʼi. Xokeʼex a Romanos 15:4, kaʼtun tzikbʼalteʼex a kʼaatchiʼ adʼaʼa:
-
A kʼati wa, a mas naʼtej kʼuʼ a walak u promesartik a Bʼibʼle y bʼiki ti jedʼeʼek u kiʼkuntik a wool?
6. Jedʼeʼek ti aantabʼäl ti chʼaʼtojte a Bʼibʼle
Yaabʼ mak u yilaʼ u kiʼil ti tan u aantabʼäl u känäʼ kʼuʼ a yan ichil a Bʼibʼle, tuwich ti tan u xokik tujunal. Xokeʼex a Hechos 8:26-31, kaʼtun tzikbʼalteʼex a kʼaatchiʼ adʼaʼa:
-
Bʼiki ti jedʼeʼek ti chʼaʼtojtik kʼuʼ a yan ichil a Bʼibʼle? —Ila a versicolo 30 y 31.
Leʼek a winik a talaʼan Etiopia u kʼati a aantabʼäl kaʼ u chʼaʼtojte a scripturaj. Bʼaaloʼilik aleebʼe, yaabʼ mak walak u yilik u kiʼil ti tan u aantabʼäl u chʼaʼtojte kʼuʼ a yan ich Bʼibʼle.
YAN MAK WALAK U YADʼIK: «Chen mansaj oraj a xok Bʼibʼle.»
-
Kʼuʼ a tukul incheche? Kʼuʼkaʼa?
KʼUʼ A KÄNAJA
A Bʼibʼleje walak u tzʼeek a tukul a kiʼi, walak u nuuktik ti kʼaatchiʼooʼ y walak u jetzʼkuntik ti wool kaʼ ti wooltej a kiʼ a bʼeltoj u kaʼa ti uchulu.
Tzikbʼalbʼäl kʼuʼ ti känaja
-
Kʼuʼ ti tukulil a kiʼ a jedʼeʼek ti käxtik ich Bʼibʼle?
-
Kʼuʼtak ti kʼaatchiʼil a walak u nuuktik a Bʼibʼleje?
-
Kʼuʼ a kʼati a känäʼ ich Bʼibʼle incheche?
MAS ILATOJ
Ila bʼiki ti leʼek a konseeja a yan ich Bʼibʼle jedʼeʼeklik u meyaj ichil ti kuxtal aleebʼe.
«Leʼek a Konseeja Yan Ich Bʼibʼle—Ti Bʼebʼeel Yan » (The Watchtower No. 1 2018)
Ila bʼiki ti aantabʼi umen Bʼibʼle juntuul a winik a tan u pʼisbʼajtik a oolil a maʼ kiʼi.
Leʼek Bʼiki ti Kaji in wa Tumulbʼen Kuxtal a kiʼ u Yoolili (2:53)
Tzʼaj ti kuenta a konseeja a yan ich Bʼibʼle a jedʼeʼek u aantik a familiaja.
«12 Pʼeel a Bʼaʼal a Jedʼeʼek a Bʼetik Tiʼi Kaʼ u Yilaʼ a Kiʼolal a Familia» (Awake! No. 2 2018)
Kambʼalte bʼiki kaʼ u aantajoʼon Bʼibʼle ti chʼaʼtojte mak tan u kontrolartik a yokʼolkabʼa.
