2022 സെപ്‌റ്റം​ബർ 1 മുതൽ ലോക​മെ​ങ്ങു​മുള്ള യഹോ​വ​യു​ടെ സാക്ഷികൾ അവരുടെ മുഖമു​ദ്ര​യായ വീടു​തോ​റു​മുള്ള സാക്ഷീ​ക​രണം വീണ്ടും ആരംഭി​ച്ചു. വളരെ ഉത്സാഹ​ത്തോ​ടെ​യാണ്‌ അവർ ആ പ്രവർത്തനം തുടങ്ങി​യത്‌. ബൈബിൾപ​ഠ​ന​ത്തിന്‌ ആളുകളെ ക്ഷണിച്ചു​കൊ​ണ്ടുള്ള ഒരു പ്രത്യേക പ്രചാ​ര​ണ​പ​രി​പാ​ടി​യും ഈ മാസം നടക്കു​ന്നുണ്ട്‌. വീടു​തോ​റു​മുള്ള സാക്ഷീ​ക​രണം ചെയ്‌ത്‌ പരിച​യ​മു​ള്ള​വ​രാണ്‌ പല സഹോ​ദ​ര​ങ്ങ​ളും. അവർ അത്‌ ഒത്തിരി ഇഷ്ടപ്പെ​ടു​ന്നു. എന്നാൽ മറ്റു ചില സഹോ​ദ​രങ്ങൾ ആദ്യമാ​യി​ട്ടാണ്‌ ഇത്‌ ചെയ്യു​ന്നത്‌. പല ദേശങ്ങ​ളിൽനി​ന്നു​മുള്ള സഹോ​ദ​ര​ങ്ങൾക്ക്‌ 2023 സേവന​വർഷ​ത്തി​ന്റെ തുടക്ക​ത്തിൽ ലഭിച്ച ചില നല്ല അനുഭ​വങ്ങൾ നോക്കാം.

നോർത്ത്‌ റൈൻ-വെസ്റ്റ്‌ഫാ​ലി​യ​യി​ലെ പീറ്റസ്‌ ഹോഗൻ എന്ന സ്ഥലത്തെ രണ്ടു സഹോ​ദ​രി​മാ​രാണ്‌ നിക്കോ​ളും ടിനയും. അവർ 2022 സെപ്‌റ്റം​ബർ 2-ാം തീയതി അപ്പാർട്ടു​മെ​ന്റു​ക​ളിൽ സാക്ഷീ​ക​രി​ക്കാൻ പോയി. പക്ഷേ അവിടെ ആരെയും കണ്ടെത്താ​നാ​യില്ല. അവി​ടെ​നിന്ന്‌ പോകുന്ന സമയത്ത്‌ ഒരു ചെറു​പ്പ​ക്കാ​രി ഇവരെ തിരി​ച്ചു​വി​ളി​ച്ചു. സഹോ​ദ​രി​മാർ വിളി​ച്ച​പ്പോൾ വാതിൽ തുറക്കാൻ പറ്റിയി​ല്ലെന്ന്‌ ആ സ്‌ത്രീ പറഞ്ഞു. പക്ഷേ ബൈബി​ളി​നെ​ക്കു​റിച്ച്‌ അറിയാൻ താത്‌പ​ര്യ​മു​ണ്ടെന്നു പറഞ്ഞ്‌ ആ സ്‌ത്രീ ആവേശ​ത്തോ​ടെ തന്റെ വീട്ടി​ലേക്കു ക്ഷണിച്ചു. അകത്ത്‌ ചെന്ന​പ്പോൾ, അൽപ്പം ഉപയോ​ഗിച്ച്‌ പഴകിയ വിശുദ്ധ തിരു​വെ​ഴു​ത്തു​കൾ—പുതിയ ലോക ഭാഷാ​ന്ത​ര​ത്തി​ന്റെ ഒരു കോപ്പി മേശയിൽ ഇരിക്കു​ന്നത്‌ കണ്ടു. മൂന്നു വർഷം മുമ്പ്‌ ഇറ്റലി​യിൽ ആയിരു​ന്ന​പ്പോൾ ആ സ്‌ത്രീക്ക്‌ ലഭിച്ച​താ​യി​രു​ന്നു ഈ ബൈബിൾ. പിന്നീട്‌ മഹാമാ​രി​യു​ടെ സമയത്ത്‌ ജർമനി​യി​ലേക്കു വന്നു. അതു​കൊണ്ട്‌ അവർക്ക്‌ യഹോ​വ​യു​ടെ സാക്ഷി​കളെ പിന്നെ കണ്ടുമു​ട്ടാൻ കഴിഞ്ഞില്ല. അവർ ഫോൺ നമ്പറുകൾ കൈമാ​റി, മീറ്റി​ങ്ങി​നും ക്ഷണിച്ചു. രണ്ടു ദിവസം കഴിഞ്ഞുള്ള ഒരു മീറ്റി​ങ്ങിന്‌ ആ സ്‌ത്രീ​യും മക്കളും വന്നു. അവർക്ക്‌ ഒരു ബൈബിൾപ​ഠനം തുടങ്ങാ​നുള്ള ക്രമീ​ക​രണം ചെയ്‌തി​ട്ടുണ്ട്‌.

മാം ഭാഷാ​വ​യ​ലിൽ പ്രത്യേക മുൻനി​ര​സേ​വ​ക​രാ​യി പ്രവർത്തി​ക്കു​ക​യാണ്‌ മാനു​വ​ലും ക്യാരൾ ഗാസ്റ്റല​വും. അവർ വീടു​തോ​റും പ്രവർത്തി​ച്ചു​കൊ​ണ്ടി​രു​ന്ന​പ്പോൾ ഒരു സ്‌ത്രീ​യെ കണ്ടുമു​ട്ടി. അവർ കയറി​യി​രി​ക്കാൻ പറഞ്ഞു. ആ സ്‌ത്രീ​യു​ടെ കൈയിൽ ബൈബിൾ ഉണ്ടായി​രു​ന്നെ​ങ്കി​ലും ദൈവ​ത്തിന്‌ ഒരു പേരു​ണ്ടെന്ന്‌ അറിയി​ല്ലാ​യി​രു​ന്നു. ജീവിതം ആസ്വദി​ക്കാം പുസ്‌ത​ക​ത്തി​ലെ “ദൈവം ആരാണ്‌?” എന്ന 4-ാം പാഠം അവരു​മാ​യി ചർച്ച ചെയ്‌തു. അതിലുള്ള യശയ്യ 42:8 വായി​ച്ചു​കൊണ്ട്‌ ദൈവ​ത്തി​ന്റെ പേര്‌ യഹോവ എന്നാ​ണെന്ന്‌ കാണി​ച്ചു​കൊ​ടു​ത്തു. സ്വന്തം ബൈബി​ളിൽനിന്ന്‌ അതു കണ്ടപ്പോൾ അവർ കരഞ്ഞു​പോ​യി.

ബൈബിൾ കൈയി​ലു​ള്ള​തു​കൊ​ണ്ടു മാത്രം കാര്യ​മില്ല, അതു മനസ്സി​ലാ​ക്കി​യെ​ങ്കി​ലേ ദൈവത്തെ അനുസ​രി​ക്കാൻ പറ്റൂ എന്ന്‌ ആ സ്‌ത്രീ തിരി​ച്ച​റി​ഞ്ഞു. 4-ാം പാഠം പഠിച്ചു​ക​ഴി​ഞ്ഞ​പ്പോൾ മനസ്സി​ലാ​ക്കിയ കാര്യ​ങ്ങ​ളെ​ക്കു​റിച്ച്‌ അവർക്ക്‌ ഒത്തിരി വിലമ​തിപ്പ്‌ തോന്നി. ഭർത്താ​വി​നോ​ടും അതെക്കു​റിച്ച്‌ പറയാ​മെന്ന്‌ അവർ പറഞ്ഞു. ഗാസ്റ്റലം ആ ബൈബിൾപ​ഠനം തുടരാ​നുള്ള ക്രമീ​ക​ര​ണങ്ങൾ ചെയ്‌തി​ട്ടുണ്ട്‌.

യോക്ക​ഹാ​മ​യി​ലെ ന്യൂക്ക​മോ​രി സഹോ​ദ​ര​നും സഹോ​ദ​രി​യും ഇന്റർകോ​മി​ലൂ​ടെ ഒരു വീട്ടിൽ സംസാ​രി​ക്കു​ക​യാ​യി​രു​ന്നു. തിരിച്ച്‌ ഒരു സ്‌ത്രീ​യാണ്‌ സംസാ​രി​ച്ചത്‌. തങ്ങൾ യഹോ​വ​യു​ടെ സാക്ഷി​ക​ളാ​ണെന്ന്‌ പരിച​യ​പ്പെ​ടു​ത്തി​യ​പ്പോൾ വീടിന്റെ പുറ​ത്തേക്കു വരാ​മെന്ന്‌ അവർ പറഞ്ഞു. അൽപ്പസ​മയം കഴിഞ്ഞ​പ്പോൾ അവർ വാതിൽ തുറന്നു. എന്നിട്ട്‌ പറഞ്ഞു, “ഞാൻ യഹോ​വ​യു​ടെ സാക്ഷി​കളെ കാത്തി​രി​ക്കു​ക​യാ​യി​രു​ന്നു!”

ഈ സ്‌ത്രീ നാഗസാ​ക്കി​യിൽവെച്ച്‌ ബൈബിൾ പഠിക്കാൻ തുടങ്ങി​യി​രു​ന്നു. മഹാമാ​രി​യു​ടെ സമയത്ത്‌ യോക്ക​ഹാ​മ​യി​ലേക്ക്‌ മാറി​യ​പ്പോൾ ബൈബിൾപ​ഠനം സൂമി​ലൂ​ടെ തുടർന്നു. കഴിഞ്ഞ ദിവസം പഠിപ്പി​ക്കുന്ന വ്യക്തി ഇങ്ങനെ പറഞ്ഞി​രു​ന്നു: “സെപ്‌റ്റം​ബ​റിൽ ഒരു പ്രത്യേക പ്രചാ​ര​ണ​പ​രി​പാ​ടി​യുണ്ട്‌. അതു​കൊണ്ട്‌ യഹോ​വ​യു​ടെ സാക്ഷി​ക​ളിൽ ആരെങ്കി​ലും നിങ്ങളു​ടെ വീട്ടിൽ ഉറപ്പാ​യും എത്തും. അവരോട്‌ നേരി​ട്ടുള്ള ഒരു ബൈബിൾപ​ഠനം ആവശ്യ​പ്പെ​ടണം.” പറഞ്ഞതു​പോ​ലെ​തന്നെ യഹോ​വ​യു​ടെ സാക്ഷി​കളെ പെട്ടെന്നു കാണാ​നാ​യ​തിൽ ഈ വീട്ടു​കാ​രിക്ക്‌ ഒരുപാട്‌ സന്തോഷം തോന്നി. അവർ മീറ്റി​ങ്ങി​നു വരാ​മെന്ന്‌ പറഞ്ഞു. ബൈബിൾപ​ഠ​ന​ത്തി​നുള്ള ക്രമീ​ക​ര​ണ​വും ചെയ്‌തു.

ഒരു ദമ്പതികൾ ഒരു സ്‌ത്രീ​യോട്‌ ബൈബിൾപ​ഠ​ന​ത്തെ​ക്കു​റിച്ച്‌ പറഞ്ഞു. അങ്ങനെ പറഞ്ഞ​പ്പോൾ ആ സ്‌ത്രീ വർഷങ്ങൾക്കു മുമ്പ്‌ യഹോ​വ​യു​ടെ സാക്ഷി​ക​ളോ​ടൊ​പ്പം ബൈബിൾ പഠിച്ചി​ട്ടു​ണ്ടെ​ന്നും യോഗ​ങ്ങൾക്ക്‌ പോയി​ട്ടു​ണ്ടെ​ന്നും പറഞ്ഞു. പക്ഷേ പിന്നീട്‌ സാക്ഷി​ക​ളു​മാ​യുള്ള ബന്ധം നഷ്ടപ്പെട്ടു. ബൈബിൾ നിലവാ​ര​ങ്ങൾക്ക​നു​സ​രിച്ച്‌ ജീവി​ക്കാൻ കഴിയാ​ത്ത​തു​കൊണ്ട്‌ അവരെ അന്വേ​ഷിച്ച്‌ കണ്ടുപി​ടി​ക്കാ​നും ഈ സ്‌ത്രീക്ക്‌ മടി തോന്നി. അതു പറഞ്ഞിട്ട്‌ അവർ കരയാൻ തുടങ്ങി. അപ്പോൾ ഈ ദമ്പതികൾ സങ്കീർത്തനം 10:17 അവരെ കാണിച്ചു. എന്നിട്ട്‌ യഹോവ ഇപ്പോ​ഴും അവരെ മറന്നി​ട്ടി​ല്ലെന്ന്‌ പറഞ്ഞു. ദൈവ​ത്തി​ന്റെ നിലവാ​രങ്ങൾ അനുസ​രിച്ച്‌ ജീവി​ക്കാ​നുള്ള ആഗ്രഹം ഉണ്ടല്ലോ എന്നു പറഞ്ഞ്‌ അവരെ അഭിന​ന്ദി​ക്കു​ക​യും ചെയ്‌തു. അങ്ങനെ ആ സ്‌ത്രീ ബൈബിൾപ​ഠ​ന​ത്തിന്‌ സമ്മതിച്ചു. അവരുടെ 16 വയസ്സുള്ള മകനും ബൈബിൾ പഠിക്കാൻ താത്‌പ​ര്യ​മു​ണ്ടെന്ന്‌ അവർ പറഞ്ഞു.

അടുത്ത ദിവസം ചെന്ന​പ്പോൾ ഈ സ്‌ത്രീ​യും മകനും ദമ്പതി​കളെ കാത്തി​രി​ക്കു​ക​യാ​യി​രു​ന്നു. ജീവിതം ആസ്വദി​ക്കാം ലഘുപ​ത്രി​ക​യു​ടെ 1-ാം പാഠം പഠിപ്പി​ച്ച​തി​നു ശേഷം അവരെ വാരാ​ന്ത​യോ​ഗ​ത്തി​നു ക്ഷണിച്ചു. അവർ വന്നെന്നു മാത്രമല്ല, ഇനിയും ബൈബിൾ പഠിക്കാ​നും മീറ്റി​ങ്ങു​കൾക്ക്‌ പങ്കെടു​ക്കാ​നും ആഗ്രഹ​മു​ണ്ടെ​ന്നും പറഞ്ഞു.

വീടു​തോ​റു​മുള്ള പ്രവർത്തനം പുനരാ​രം​ഭിച്ച്‌ കഴിഞ്ഞ്‌ ആദ്യമാ​യി വീടു​ക​ളിൽ പോകാൻ തുടങ്ങു​ക​യാ​യി​രു​ന്നു റാമൺ. താത്‌പ​ര്യ​മുള്ള ഒരാളെ കണ്ടെത്താൻ സഹായി​ക്കണേ എന്ന്‌ അദ്ദേഹം യഹോ​വ​യോ​ടു പ്രാർഥി​ച്ചു. ആദ്യത്തെ വീട്ടിൽ ചെന്ന​പ്പോൾ ഒരു സ്‌ത്രീ ചെറു​താ​യി വാതിൽ തുറന്നിട്ട്‌, റാമണി​നെ ഒന്നു നോക്കി. അദ്ദേഹം തന്നെ പരിച​യ​പ്പെ​ടു​ത്തി. പക്ഷേ ബൈബിൾവി​ഷ​യ​ത്തി​ലേക്കു കടക്കു​ന്ന​തി​നു മുമ്പു​തന്നെ വീട്ടു​കാ​രി ഇങ്ങനെ പറഞ്ഞു: “യഹോ​വ​യു​ടെ സാക്ഷി​ക​ളിൽ ആരെങ്കി​ലും ഒരാൾ എന്റെ അടുത്തു​വ​രണേ എന്ന്‌ ഞാൻ എത്ര നാളായി പ്രാർഥി​ക്കു​ന്നെന്ന്‌ അറിയാ​മോ?”

പിന്നെ ആ സ്‌ത്രീ അവരെ​ക്കു​റിച്ച്‌ പറഞ്ഞു. അവർ കുറച്ചു വർഷങ്ങൾക്കു മുമ്പ്‌ സാക്ഷി​കളെ കണ്ടുമു​ട്ടി​യ​താണ്‌, മീറ്റി​ങ്ങു​കൾക്കും പോയി​ട്ടുണ്ട്‌. പക്ഷേ ഇങ്ങോട്ട്‌ മാറി​ത്താ​മ​സി​ച്ച​ശേഷം സാക്ഷി​കളെ ആരെയും കണ്ടെത്താ​നാ​യില്ല. മഹാമാ​രി കാരണം വീടു​തോ​റു​മുള്ള പ്രവർത്തനം നിറുത്തി വെച്ചി​രി​ക്കു​ക​യാ​യി​രു​ന്നെന്ന്‌ റാമൺ അവരോട്‌ പറഞ്ഞു. പിന്നെ സങ്കീർത്തനം 37:29 വായി​ച്ചു​കേൾപ്പി​ച്ചു. എന്നിട്ട്‌ ബൈബിൾപ​ഠ​ന​ത്തെ​ക്കു​റിച്ച്‌ അവരോട്‌ പറഞ്ഞു. ആ സ്‌ത്രീ അതു സന്തോ​ഷ​ത്തോ​ടെ സ്വീക​രി​ച്ചു. ആ ബൈബിൾപ​ഠനം റാമൺ ഒരു സഹോ​ദ​രി​യെ ഏൽപ്പി​ക്കു​ക​യും ചെയ്‌തു.

ആ സംഭവ​ത്തി​നു ശേഷം സഹോ​ദരൻ ഇങ്ങനെ പറഞ്ഞു: “കേൾക്കാൻ ആഗ്രഹി​ക്കു​ന്ന​വ​രു​ടെ അടു​ത്തേക്ക്‌ യഹോ​വ​യും ദൂതന്മാ​രും നമ്മളെ വഴി നയിക്കു​ന്നു​ണ്ടെന്ന്‌ എനിക്കു ഉറപ്പായി.”

ക്യാറ്റ​ലീൻ തോംസൺ സഹോ​ദരി കെന്റക്കി എന്ന പ്രദേ​ശത്ത്‌ വീടു​തോ​റും പ്രവർത്തി​ക്കു​ക​യാ​യി​രു​ന്നു. ഒരു വീട്ടി​ലേക്ക്‌ ചെന്ന​പ്പോൾ കത്തുകൾ ഇടാനുള്ള ബോക്‌സി​ന്റെ പുറത്ത്‌ ചില തിരു​വെ​ഴു​ത്തു​കൾ എഴുതി​വെ​ച്ചി​രി​ക്കു​ന്നത്‌ കണ്ടു. ഇനി, അവരുടെ പൂന്തോ​ട്ട​ത്തിൽ “യേശു നിങ്ങളെ സ്‌നേ​ഹി​ക്കു​ന്നു” എന്നൊരു ചെറിയ ബോർഡും കണ്ടു. പിന്നെ ക്യാറ്റ​ലീൻ വീട്ടി​ലേക്ക്‌ ചെന്ന്‌ വാതി​ലിൽ മുട്ടി. അപ്പോൾ ഒരു സ്‌ത്രീ പുറത്തു​വന്നു. ക്യാറ്റ​ലീൻ അവരോട്‌ താൻ ഒരു യഹോ​വ​യു​ടെ സാക്ഷി​യാ​ണെ​ന്നും മഹാമാ​രി കാരണം കുറച്ചു​നാ​ളാ​യി ഞങ്ങളുടെ അയൽക്കാ​രെ​യൊ​ന്നും നേരിട്ട്‌ കാണാൻ സാധി​ച്ചി​ല്ലെ​ന്നും പറഞ്ഞു. എങ്കിൽപ്പോ​ലും ഞങ്ങൾ വീട്ടിൽ ഇരുന്നു​കൊണ്ട്‌ മറ്റുള്ള​വരെ ആശ്വസി​പ്പി​ക്കാൻവേണ്ടി ഫോൺ വിളി​ക്കു​ക​യും കത്തുകൾ എഴുതു​ക​യും ചെയ്യു​മാ​യി​രു​ന്നു എന്നും പറഞ്ഞു. എന്നിട്ട്‌ വീട്ടി​ലു​ള്ള​വ​രൊ​ക്കെ സുഖമാ​യി​രി​ക്കു​ന്നോ എന്ന്‌ ചോദി​ച്ചു. അപ്പോ​ഴാണ്‌ മഹാമാ​രി​യു​ടെ സമയത്ത്‌ അവൾക്ക്‌ പിതാ​വി​നെ നഷ്ടപ്പെട്ട കാര്യം പറഞ്ഞത്‌. എന്നിട്ട്‌ അവൾ പറഞ്ഞു: “പക്ഷേ ആ സമയത്ത്‌ നിങ്ങൾ അയച്ച കത്തുക​ളൊ​ക്കെ കിട്ടി. ദൈവം വേണ്ട സമയത്ത്‌ വേണ്ട സഹായം എനിക്ക്‌ അതിലൂ​ടെ നൽകു​ക​യാ​യി​രു​ന്നു.” പിതാവ്‌ മരിച്ചെന്ന കാര്യം അറിഞ്ഞ​പ്പോൾ അതിൽ വളരെ വിഷമ​മു​ണ്ടെന്നു ക്യാറ്റ​ലീൻ പറഞ്ഞു, സഹാനു​ഭൂ​തി​യോ​ടെ ഇടപെട്ടു. എന്നിട്ട്‌ ജീവിതം ആസ്വദി​ക്കാം ലഘുപ​ത്രി​ക​യു​ടെ 2-ാം പാഠം കാണി​ച്ചു​കൊ​ടു​ത്തു. പുനരു​ത്ഥാ​ന​ത്തെ​ക്കു​റിച്ച്‌ ആ പാഠത്തിൽ പറയുന്ന വാക്യങ്ങൾ അവരെ വായി​ച്ചു​കേൾപ്പി​ച്ചു. അപ്പോൾ ആ സ്‌ത്രീ കരയാൻതു​ടങ്ങി. കാരണം കഴിഞ്ഞ വർഷം ഇതേ ദിവസം തന്നെയാണ്‌ അവളുടെ പിതാവ്‌ മരിച്ചു​പോ​യത്‌. ആ സ്‌ത്രീ ക്യാറ്റ​ലീന്‌ തന്റെ നമ്പർ കൊടു​ത്തു, വീണ്ടും കാണാ​മെ​ന്നും പറഞ്ഞു. പിന്നീട്‌ ക്യാറ്റ​ലീന്‌ ഇങ്ങനെ​യൊ​രു മെസേ​ജും അയച്ചു. “ഒരുപാട്‌ നന്ദി. ഞാൻ ആകെ വിഷമി​ച്ചി​രു​ന്ന​പ്പോ​ഴാണ്‌ നിങ്ങൾ വന്നത്‌. നിങ്ങളു​ടെ വാക്കുകൾ എന്നെ ശരിക്കും ആശ്വസി​പ്പി​ച്ചു!”

 വീടു​തോ​റു​മുള്ള പ്രവർത്തനം പുനരാ​രം​ഭി​ച്ച​തി​നെ​യും ബൈബിൾപ​ഠ​നങ്ങൾ ആരംഭി​ക്കാ​നുള്ള പ്രചാ​ര​ണ​പ​രി​പാ​ടി​യെ​യും യഹോവ അനു​ഗ്ര​ഹി​ക്കു​ന്നു​ണ്ടെന്ന കാര്യ​ത്തിൽ ഒരു സംശയ​വു​മില്ല. ഇനിയും അനു​ഗ്ര​ഹ​ങ്ങൾക്കാ​യി നമ്മൾ കാത്തി​രി​ക്കു​ന്നു!—യോഹ​ന്നാൻ 4:35.