ഒന്നാം നൂറ്റാ​ണ്ടിൽ യഹൂദ്യ​യി​ലെ ജൂത അധികാ​രി​കൾക്കു റോം എത്ര​ത്തോ​ളം സ്വാത​ന്ത്ര്യം അനുവ​ദി​ച്ചു?

ഈ സമയത്ത്‌, യഹൂദ്യ​യെ ഭരിച്ചി​രു​ന്നതു റോമാ​ക്കാ​രാ​യി​രു​ന്നു. റോമി​നെ പ്രതി​നി​ധീ​ക​രി​ച്ചു​കൊണ്ട് ഒരു ഗവർണ​റും അദ്ദേഹ​ത്തി​ന്‍റെ കീഴിൽ സൈനി​ക​രും അവി​ടെ​യു​ണ്ടാ​യി​രു​ന്നു. റോമി​നു​വേണ്ടി നികുതി പിരി​ക്കുക, സമാധാ​ന​വും അച്ചടക്ക​വും കാത്തു​സൂ​ക്ഷി​ക്കുക ഇവയൊ​ക്കെ​യാ​യി​രു​ന്നു ഒരു ഗവർണ​റു​ടെ ഉത്തരവാ​ദി​ത്വ​ങ്ങൾ. നിയമ​വി​രു​ദ്ധ​പ്ര​വർത്ത​ന​ങ്ങളെ റോം അടിച്ച​മർത്തി​യി​രു​ന്നു. പ്രശ്‌നങ്ങൾ ഉണ്ടാക്കു​ന്ന​വരെ നിയമ​ത്തി​നു മുമ്പിൽ കൊണ്ടു​വ​രു​മാ​യി​രു​ന്നു. ഇതെല്ലാം മാറ്റി​നി​റു​ത്തി​യാൽ പ്രവി​ശ്യ​യു​ടെ ദൈനം​ദിന ഭരണകാ​ര്യ​ങ്ങൾ റോം അവിടത്തെ പ്രാ​ദേ​ശിക നേതാ​ക്കൾക്ക് വിട്ടു​കൊ​ടു​ത്തു.

സൻഹെ​ദ്രി​നാ​യി​രു​ന്നു ജൂതന്മാ​രു​ടെ സുപ്രീം​കോ​ടതി. ജൂതനി​യ​മങ്ങൾ നടപ്പി​ലാ​ക്കി​യി​രു​ന്ന​തും സൻഹെ​ദ്രി​നാ​യി​രു​ന്നു. യഹൂദ്യ​യി​ലു​ട​നീ​ളം കീഴ്‌ക്കോ​ട​തി​കൾ വേറെ​യു​ണ്ടാ​യി​രു​ന്നു. ഒട്ടുമിക്ക ക്രിമി​നൽ കേസു​ക​ളും സിവിൽ കേസു​ക​ളും കൈകാ​ര്യം ചെയ്‌തി​രു​ന്നത്‌ ഇത്തരം കോട​തി​ക​ളാ​യി​രു​ന്നു. അതിൽ റോമാ​ക്കാർ ഇടപെ​ട്ടി​രു​ന്നില്ല. എന്നാൽ വധശിക്ഷ വിധി​ക്കാ​നുള്ള അധികാ​രം യഹൂദ്യ കോട​തി​കൾക്കി​ല്ലാ​യി​രു​ന്നു. അതു റോമാ​ക്കാർത​ന്നെ​യാ​യി​രു​ന്നു ചെയ്‌തി​രു​ന്നത്‌. ഇതിന്‌ ഒരു ശ്രദ്ധേ​യ​മായ മാറ്റം കാണു​ന്നതു സൻഹെ​ദ്രിൻ സ്‌തെ​ഫാ​നൊ​സി​നെ വിചാരണ ചെയ്‌ത കാര്യ​ത്തി​ലാണ്‌. വിചാ​ര​ണ​യെ​ത്തു​ടർന്ന് സ്‌തെ​ഫാ​നൊ​സി​നെ കല്ലെറി​ഞ്ഞു​കൊ​ന്നു.—പ്രവൃ. 6:8-15; 7:54-60.

അതു​കൊണ്ട് സൻഹെ​ദ്രി​ന്‍റെ അധികാ​ര​പ​രി​ധി വളരെ വലുതാ​യി​രു​ന്നു എന്നു​വേണം മനസ്സി​ലാ​ക്കാൻ. എന്നാൽ “റോമാ​ക്കാർ ഏതു നിമി​ഷ​വും അധികാ​രം കൈയി​ലെ​ടുത്ത്‌ അവരുടെ നിയമങ്ങൾ നടപ്പി​ലാ​ക്കു​മാ​യി​രു​ന്നു. അതുത​ന്നെ​യാ​യി​രു​ന്നു ഏറ്റവും വലിയ നിയ​ന്ത്ര​ണ​വും. ഒരു രാഷ്‌ട്രീയ നിയമ​ലം​ഘനം നടന്നെന്നു സംശയം തോന്നി​യ​പ്പോൾ അവർ ചെയ്‌തത്‌ അതാണ്‌” എന്നു പണ്ഡിത​നായ ഏമിൽ ഷ്യൂറർ പറയുന്നു. അങ്ങനെ​യൊ​രു കേസിന്‌ ഉദാഹ​ര​ണ​മാ​ണു സൈനിക ഉദ്യോ​ഗ​സ്ഥ​നാ​യി​രുന്ന ക്ലൗദ്യൊസ്‌ ലുസി​യാസ്‌ റോമൻ പൗരനാ​യി​രുന്ന അപ്പോ​സ്‌ത​ല​നായ പൗലോ​സി​നെ കസ്റ്റഡി​യി​ലെ​ടു​ത്തത്‌.—പ്രവൃ. 23:26-30.