ആരുടെയെങ്കിലും ഗുണങ്ങ​ളെ​ക്കു​റിച്ച്‌ കൂടു​ത​ലാ​യി പഠിക്കു​മ്പോൾ ആ വ്യക്തിയെ അടുത്ത്‌ അറിയാ​നും അങ്ങനെ അദ്ദേഹ​വു​മാ​യുള്ള നമ്മുടെ സുഹൃ​ദ്‌ബന്ധം ആഴമു​ള്ള​താ​ക്കാ​നും കഴിയും. ഇതു​പോ​ലെ യഹോ​വ​യു​ടെ ഗുണങ്ങ​ളെ​ക്കു​റിച്ച്‌ നമ്മൾ എത്രയ​ധി​കം പഠിക്കു​ന്നു​വോ അത്ര നന്നായി, യഹോവ എങ്ങനെ​യു​ള്ള​വ​നാ​ണെന്നു മനസ്സി​ലാ​ക്കാ​നും യഹോ​വ​യു​മാ​യുള്ള സുഹൃ​ദ്‌ബന്ധം ആഴമു​ള്ള​താ​ക്കാ​നും കഴിയും. ദൈവ​ത്തി​ന്റെ ശ്രേഷ്‌ഠ​മായ ഗുണങ്ങ​ളിൽ നാലെണ്ണം ഏറ്റവും മികച്ചു​നിൽക്കു​ന്നു. അവയാണു ശക്തി, ജ്ഞാനം, നീതി, സ്‌നേഹം.

“പരമാ​ധി​കാ​രി​യായ യഹോവേ, മഹാശ​ക്തി​കൊ​ണ്ടും നീട്ടിയ കരം​കൊ​ണ്ടും അങ്ങ്‌ ആകാശ​വും ഭൂമി​യും ഉണ്ടാക്കി​യ​ല്ലോ.”—യിരെമ്യ 32:17.

സൃഷ്ടി​ക​ളിൽ ദൈവ​ത്തി​ന്റെ ശക്തി കാണാം. ഉദാഹ​ര​ണ​ത്തിന്‌ നട്ടുച്ച നേരത്ത്‌ വെയി​ലത്തു നിന്നാൽ നിങ്ങൾക്ക്‌ നല്ല ചൂടു തോന്നി​ല്ലേ? വാസ്‌ത​വ​ത്തിൽ യഹോ​വ​യു​ടെ ശക്തി അപ്പോൾ നിങ്ങൾ അനുഭ​വിച്ച്‌ അറിയു​ക​യാണ്‌. സൂര്യന്‌ എത്ര​ത്തോ​ളം ശക്തിയുണ്ട്‌? സൂര്യന്റെ ഉൾക്കാ​മ്പി​ലെ ചൂട്‌ 1,50,00,000 ഡിഗ്രി സെൽഷ്യസ്‌ ആണെന്നു പറയ​പ്പെ​ടു​ന്നു. ഓരോ സെക്കന്റി​ലും സൂര്യൻ പുറത്തു വിടുന്ന ഊർജം ശതകോ​ടി​ക്ക​ണ​ക്കിന്‌ അണു​ബോം​ബു​കൾ പൊട്ടു​മ്പോ​ഴു​ണ്ടാ​കുന്ന ഊർജ​ത്തി​നു തുല്യ​മാണ്‌.

എന്നാൽ എണ്ണമറ്റ നക്ഷത്ര​ങ്ങ​ളിൽ പലതു​മാ​യി താരത​മ്യം ചെയ്യു​മ്പോൾ സൂര്യൻ തീരെ ചെറു​താണ്‌. ഭീമൻ നക്ഷത്ര​ങ്ങ​ളിൽ ഒന്നായ യുവൈ സ്‌കു​ട്ടി​യു​ടെ വ്യാസം സൂര്യ​ന്റേ​തി​നെ​ക്കാൾ 1,700 മടങ്ങാണ്‌. സൂര്യന്റെ സ്ഥാനത്ത്‌ യുവൈ സ്‌കു​ട്ടി​യെ വെച്ചാൽ അതു ഭൂമി​യും കഴിഞ്ഞ്‌ അങ്ങു വ്യാഴം വരെ എത്തിനിൽക്കും. യഹോവ തന്റെ മഹാശക്തി ഉപയോ​ഗിച്ച്‌ ആകാശ​വും ഭൂമി​യും, അതായതു പ്രപഞ്ചം, ഉണ്ടാക്കി എന്ന യിരെ​മ്യ​യു​ടെ വാക്കുകൾ കൂടുതൽ നന്നായി മനസ്സി​ലാ​ക്കാൻ ഒരുപക്ഷേ ഇതു സഹായി​ച്ചേ​ക്കും.

 ദൈവ​ത്തി​ന്റെ ശക്തിയിൽനിന്ന്‌ നമുക്ക്‌ എങ്ങനെ പ്രയോ​ജനം കിട്ടുന്നു? നമ്മുടെ ജീവൻ നിലനിൽക്ക​ണ​മെ​ങ്കിൽ ദൈവ​ത്തി​ന്റെ സൃഷ്ടി​ക​ളായ സൂര്യ​നും ഭൂമി​യി​ലെ മറ്റു പ്രകൃ​തി​വി​ഭ​വ​ങ്ങ​ളും ആവശ്യ​മാണ്‌. കൂടാതെ ദൈവം ഓരോ വ്യക്തി​ക​ളെ​യും സഹായി​ക്കു​ന്ന​തി​നു​വേണ്ടി തന്റെ ശക്തി ഉപയോ​ഗി​ക്കു​ന്നു. എങ്ങനെ? ഒന്നാം നൂറ്റാ​ണ്ടിൽ, അത്ഭുതം ചെയ്യാ​നുള്ള ശക്തി ദൈവം യേശു​വി​നു കൊടു​ത്തു. ബൈബി​ളിൽ ഇങ്ങനെ പറയുന്നു: “അന്ധർ കാണുന്നു, മുടന്തർ നടക്കുന്നു, കുഷ്‌ഠ​രോ​ഗി​കൾ ശുദ്ധരാ​കു​ന്നു, ബധിരർ കേൾക്കു​ന്നു, മരിച്ചവർ ഉയിർത്തെ​ഴു​ന്നേൽക്കു​ന്നു.” (മത്തായി 11:5) ഇന്നോ? ബൈബിൾ പറയുന്നു: “ക്ഷീണി​ച്ചി​രി​ക്കു​ന്ന​വനു ദൈവം ബലം കൊടു​ക്കു​ന്നു, . . . യഹോ​വ​യിൽ പ്രത്യാശ വെച്ചി​രി​ക്കു​ന്നവർ ശക്തി വീണ്ടെ​ടു​ക്കും.” (യശയ്യ 40:29, 31) നമ്മുടെ ജീവി​ത​ത്തി​ലു​ണ്ടാ​കുന്ന പരി​ശോ​ധ​ന​ക​ളും ബുദ്ധി​മു​ട്ടു​ക​ളും സഹിച്ചു​നിൽക്കാ​നോ നേരി​ടാ​നോ ആവശ്യ​മായ “അസാധാ​ര​ണ​ശക്തി” തരാൻ ദൈവ​ത്തി​നു കഴിയും. (2 കൊരി​ന്ത്യർ 4:7) പരിധി​ക​ളി​ല്ലാത്ത തന്റെ ശക്തി സ്‌നേ​ഹ​പൂർവം നമുക്കു​വേണ്ടി ഉപയോ​ഗി​ക്കുന്ന ദൈവ​ത്തോട്‌ അടുക്കാൻ നിങ്ങൾക്കു തോന്നു​ന്നി​ല്ലേ?

“യഹോവേ, അങ്ങയുടെ സൃഷ്ടികൾ എത്രയ​ധി​കം! അങ്ങ്‌ അവയെയെല്ലാം ജ്ഞാന​ത്തോ​ടെ ഉണ്ടാക്കി.”—സങ്കീർത്തനം 104:24.

ദൈവം ഉണ്ടാക്കി​യി​രി​ക്കുന്ന കാര്യ​ങ്ങ​ളെ​ക്കു​റിച്ച്‌ നമ്മൾ എത്രയ​ധി​കം പഠിക്കു​ന്നു​വോ, ദൈവ​ത്തി​ന്റെ ജ്ഞാനം അത്രയ​ധി​കം നമ്മളെ അത്ഭുത​പ്പെ​ടു​ത്തും. ശാസ്‌ത്ര​ജ്ഞ​ന്മാർ യഹോ​വ​യു​ടെ സൃഷ്ടി​ക​ളെ​ക്കു​റിച്ച്‌ സൂക്ഷ്‌മ​മാ​യി പഠിച്ചും പ്രകൃ​തി​യിൽ കാണുന്ന രൂപക​ല്‌പ​നകൾ പകർത്തി​യും അവരുടെ ഡി​സൈ​നു​കൾ മെച്ച​പ്പെ​ടു​ത്താൻ ശ്രമി​ക്കു​ന്നുണ്ട്‌. ക്യാമ​റ​യു​ടെ ലെൻസ്‌ മുതൽ വിമാനം വരെ ഇതിൽപ്പെ​ടും. ഈ പഠന​മേ​ഖ​ലയെ ബയോ​മി​മെ​റ്റി​ക്‌സ്‌ അഥവാ ബയോ​മി​മി​ക്രി എന്നാണു വിളി​ക്കു​ന്നത്‌.

ദൈവ​ത്തി​ന്റെ ജ്ഞാനം മനസ്സി​ലാ​ക്കാൻ മനുഷ്യ​ശ​രീ​ര​ത്തെ​ക്കാൾ പറ്റിയ വേറൊ​ന്നില്ല. ഉദാഹ​ര​ണ​ത്തിന്‌ ബീജസ​ങ്ക​ലനം നടന്ന കോശം ഒരു കുഞ്ഞായി മാറു​ന്ന​തി​നെ​ക്കു​റിച്ച്‌ ചിന്തിക്കൂ. ആ കോശ​ത്തിൽ, ആവശ്യ​മായ എല്ലാ ജനിത​ക​നിർദേ​ശ​ങ്ങ​ളും അടങ്ങി​യി​ട്ടുണ്ട്‌. ആ കോശം വിഭജിച്ച്‌ അതു​പോ​ലുള്ള മറ്റു കോശ​ങ്ങ​ളു​ണ്ടാ​കു​ന്നു. എന്നാൽ കൃത്യ​സ​മ​യത്ത്‌ ആ കോശങ്ങൾ രക്തകോ​ശങ്ങൾ, നാഡീ​കോ​ശങ്ങൾ, അസ്ഥി​കോ​ശങ്ങൾ എന്നിങ്ങനെ നൂറു​ക​ണ​ക്കി​നു വ്യത്യ​സ്‌ത​തരം കോശ​ങ്ങ​ളാ​യി രൂപ​പ്പെ​ടാൻ തുടങ്ങും. അധികം വൈകാ​തെ അവയവങ്ങൾ രൂപ​പ്പെ​ടു​ക​യും പ്രവർത്തി​ക്കാൻ തുടങ്ങു​ക​യും ചെയ്യും. വെറും ഒമ്പതു മാസം​കൊണ്ട്‌ ആ ആദ്യത്തെ കോശം വളർന്ന്‌ കോടി​ക്ക​ണ​ക്കി​നു കോശ​ങ്ങ​ളുള്ള ഒരു ശിശു​വാ​യി മാറും. ഇതു​പോ​ലുള്ള സൃഷ്ടി​ക്രി​യ​കൾക്കു പിന്നിലെ ജ്ഞാനം തിരി​ച്ച​റി​യുന്ന പലരും, “ഭയാദ​രവ്‌ തോന്നും​വി​ധം അതിശ​യ​ക​ര​മാ​യി എന്നെ ഉണ്ടാക്കി​യ​തി​നാൽ ഞാൻ അങ്ങയെ സ്‌തു​തി​ക്കു​ന്നു” എന്നു പറഞ്ഞ ബൈബി​ളെ​ഴു​ത്തു​കാ​രന്റെ വാക്കു​ക​ളോ​ടു യോജി​ക്കും.—സങ്കീർത്തനം 139:14.

ദൈവ​ത്തി​ന്റെ ജ്ഞാനത്തിൽനിന്ന്‌ നമുക്ക്‌ എങ്ങനെ പ്രയോ​ജനം കിട്ടുന്നു? നമ്മൾ സന്തോ​ഷ​മു​ള്ള​വ​രാ​യി​രി​ക്കാൻ എന്തു ചെയ്യണ​മെന്നു സ്രഷ്ടാ​വിന്‌ അറിയാം. തന്റെ അപാര​മായ അറിവിൽനിന്ന്‌ അടർത്തി​യെ​ടുത്ത ജ്ഞാനോ​പ​ദേ​ശങ്ങൾ തന്റെ വചനമായ ബൈബി​ളി​ലൂ​ടെ ദൈവം തരുന്നു. ഉദാഹ​ര​ണ​ത്തിന്‌, “അന്യോ​ന്യം ഉദാര​മാ​യി ക്ഷമിക്കുക” എന്നു ബൈബിൾ പറയുന്നു. (കൊ​ലോ​സ്യർ 3:13) ഇത്‌ ഒരു ജ്ഞാനോ​പ​ദേ​ശ​മാ​ണോ? അതെ. ക്ഷമിക്കു​ന്നതു നമ്മുടെ രക്തസമ്മർദം കുറയ്‌ക്കാ​നും നല്ല ഉറക്കം കിട്ടാ​നും സഹായി​ക്കു​മെ​ന്നാ​ണു പഠനങ്ങൾ കാണി​ക്കു​ന്നത്‌. കൂടാതെ, അതു വിഷാ​ദ​വും മറ്റ്‌ ആരോ​ഗ്യ​പ്ര​ശ്‌ന​ങ്ങ​ളും വരാനുള്ള സാധ്യ​ത​യും കുറ​ച്ചേ​ക്കാം. ദൈവം ജ്ഞാനി​യായ, കരുത​ലുള്ള ഒരു സുഹൃ​ത്തി​നെ​പ്പോ​ലെ​യാണ്‌. അതു​കൊണ്ട്‌, നമുക്കു പ്രയോ​ജനം ചെയ്യുന്ന, സഹായ​ക​മായ ഉപദേ​ശങ്ങൾ എപ്പോ​ഴും തന്നു​കൊ​ണ്ടി​രി​ക്കു​ന്നു. (2 തിമൊ​ഥെ​യൊസ്‌ 3:16, 17) ഇതു​പോ​ലൊ​രു സുഹൃ​ത്തു​ണ്ടാ​യി​രി​ക്കാൻ നിങ്ങൾ ആഗ്രഹി​ക്കു​ന്നി​ല്ലേ?

“യഹോവ നീതിയെ സ്‌നേ​ഹി​ക്കു​ന്നു.”—സങ്കീർത്തനം 37:28.

ദൈവം എപ്പോ​ഴും ശരിയാ​യതു ചെയ്യും. സത്യത്തിൽ, “ദുഷ്ടത പ്രവർത്തി​ക്കു​ന്ന​തി​നെ​ക്കു​റിച്ച്‌ ദൈവ​ത്തി​നു ചിന്തി​ക്കാ​നേ കഴിയില്ല; തെറ്റു ചെയ്യു​ന്ന​തി​നെ​ക്കു​റിച്ച്‌ സർവശ​ക്തന്‌ ആലോ​ചി​ക്കാൻപോ​ലും പറ്റില്ല.” (ഇയ്യോബ്‌ 34:10) ദൈവം നീതി​യോ​ടെയേ ന്യായം വിധിക്കൂ. യഹോ​വ​യെ​ക്കു​റിച്ച്‌ സങ്കീർത്ത​ന​ക്കാ​രൻ ഇങ്ങനെ പറഞ്ഞു: “അങ്ങ്‌ ജനതകളെ നീതി​യോ​ടെ വിധി​ക്കു​മ​ല്ലോ.” (സങ്കീർത്തനം 67:4) “ഹൃദയ​ത്തിന്‌ ഉള്ളിലു​ള്ളതു” കാണാൻ കഴിയു​ന്ന​തു​കൊണ്ട്‌ യഹോ​വയെ കബളി​പ്പി​ക്കാൻ കഴിയില്ല. സത്യാവസ്ഥ മനസ്സി​ലാ​ക്കാ​നും കൃത്യ​മാ​യി ന്യായം വിധി​ക്കാ​നും ദൈവ​ത്തിന്‌ എപ്പോ​ഴും കഴിയും. (1 ശമുവേൽ 16:7) കൂടാതെ, ഭൂമി​യിൽ നടക്കുന്ന എല്ലാ അഴിമ​തി​യും അനീതി​യും ദൈവ​ത്തിന്‌ അറിയാം. പെട്ടെ​ന്നു​തന്നെ “ദുഷ്ടന്മാ​രെ ഭൂമി​യിൽനിന്ന്‌ ഇല്ലാതാ​ക്കും” എന്നു ദൈവം പ്രതിജ്ഞ ചെയ്‌തി​രി​ക്കു​ന്നു.—സുഭാ​ഷി​തങ്ങൾ 2:22.

എന്നാൽ, എപ്പോ​ഴും ശിക്ഷി​ക്കാൻ നോക്കി​ന​ട​ക്കുന്ന ക്രൂര​നായ ഒരു ന്യായാ​ധി​പനല്ല ദൈവം. വേണ്ടി​ടത്തു കരുണ കാണി​ക്കാ​നും ദൈവ​ത്തിന്‌ അറിയാം. മാനസാ​ന്ത​ര​പ്പെ​ടുന്ന ദുഷ്ട​രോ​ടു​പോ​ലും ‘യഹോവ കരുണ​യും അനുക​മ്പ​യും’ കാണി​ക്കു​മെന്നു ബൈബിൾ പറയുന്നു. ഇതല്ലേ ശരിയായ നീതി?—സങ്കീർത്തനം 103:8; 2 പത്രോസ്‌ 3:9.

ദൈവ​ത്തി​ന്റെ നീതി​യിൽനിന്ന്‌ നമുക്ക്‌ എങ്ങനെ പ്രയോ​ജനം കിട്ടുന്നു? അപ്പോ​സ്‌ത​ല​നായ പത്രോസ്‌ ഇങ്ങനെ പറഞ്ഞു: ‘ദൈവം പക്ഷപാ​ത​മു​ള്ള​വനല്ല. ഏതു ജനതയിൽപ്പെട്ട ആളാ​ണെ​ങ്കി​ലും, ദൈവത്തെ ഭയപ്പെട്ട്‌ ശരിയാ​യതു പ്രവർത്തി​ക്കുന്ന മനുഷ്യ​നെ ദൈവം അംഗീ​ക​രി​ക്കു​ന്നു.’ (പ്രവൃ​ത്തി​കൾ 10:34, 35) ദൈവം പക്ഷപാതം കാണി​ക്കാ​ത്ത​തു​കൊണ്ട്‌ ദൈവ​ത്തി​ന്റെ നീതി​യിൽനിന്ന്‌ നമുക്ക്‌ പ്രയോ​ജനം കിട്ടുന്നു. നമ്മുടെ വംശമോ ദേശമോ വിദ്യാ​ഭ്യാ​സ​മോ സാമൂ​ഹി​ക​നി​ല​യോ എന്തായി​രു​ന്നാ​ലും നമുക്കു ദൈവ​ത്തി​ന്റെ അംഗീ​കാ​രം നേടാ​നും ദൈവത്തെ ആരാധി​ക്കാ​നും കഴിയും.

നമ്മൾ തന്റെ നീതി​യെ​ക്കു​റിച്ച്‌ മനസ്സി​ലാ​ക്കാ​നും അതിൽനിന്ന്‌ പ്രയോ​ജനം നേടാ​നും ദൈവം ആഗ്രഹി​ക്കു​ന്നു. അതിനു ദൈവം നമുക്കു മനസ്സാക്ഷി തന്നിരി​ക്കു​ന്നു. നമ്മുടെ പെരു​മാ​റ്റം ശരിയാ​ണോ തെറ്റാ​ണോ എന്നു ‘സാക്ഷി പറയുന്ന,’ ‘ഹൃദയ​ങ്ങ​ളിൽ എഴുത​പ്പെട്ട’ നിയമം എന്നാണു മനസ്സാ​ക്ഷി​യെ​ക്കു​റിച്ച്‌ ബൈബിൾ പറയു​ന്നത്‌. (റോമർ 2:15) ഇതു നമുക്കു പ്രയോ​ജ​ന​പ്പെ​ടു​ന്നത്‌ എങ്ങനെ​യാണ്‌? മനസ്സാ​ക്ഷി​യെ ശരിയാ​യി പരിശീ​ലി​പ്പി​ച്ചാൽ ഹാനി​ക​ര​മായ കാര്യ​ങ്ങ​ളും അനീതി​യും ഒഴിവാ​ക്കാൻ അതു നമ്മളെ സഹായി​ക്കും. നമ്മൾ ഒരു തെറ്റു ചെയ്‌താൽ പശ്ചാത്ത​പി​ക്കാ​നും ആ തെറ്റു തിരു​ത്താ​നും  അതു പ്രേരി​പ്പി​ക്കും. ദൈവ​ത്തി​ന്റെ നീതി​ബോ​ധ​ത്തെ​ക്കു​റിച്ച്‌ മനസ്സി​ലാ​ക്കു​ന്നതു ദൈവ​ത്തോട്‌ അടുക്കാൻ നമ്മളെ സഹായി​ക്കും.

“ദൈവം സ്‌നേ​ഹ​മാണ്‌.”—1 യോഹ​ന്നാൻ 4:8.

ദൈവ​ത്തി​നു ശക്തിയും ജ്ഞാനവും നീതി​യും ഉണ്ട്‌. എന്നാൽ ദൈവം ശക്തിയാണ്‌, ജ്ഞാനമാണ്‌, നീതി​യാണ്‌ എന്നൊ​ന്നും ബൈബിൾ പറയു​ന്നില്ല. പക്ഷേ ദൈവം സ്‌നേ​ഹ​മാണ്‌ എന്ന്‌ അതു പറയുന്നു. എന്തു​കൊണ്ട്‌? ദൈവ​ത്തി​ന്റെ ശക്തി ദൈവത്തെ പ്രവർത്തി​ക്കാൻ പ്രാപ്‌ത​നാ​ക്കു​ന്നു എന്നും നീതി​യും ജ്ഞാനവും ദൈവ​ത്തി​ന്റെ പ്രവൃ​ത്തി​കളെ നയിക്കു​ന്നു എന്നും ന്യായ​മാ​യും പറയാൻ കഴിയും. എന്നാൽ സ്‌നേ​ഹ​മാണ്‌ പ്രവർത്തി​ക്കാൻ യഹോ​വയെ പ്രേരി​പ്പി​ക്കു​ന്നത്‌. ദൈവ​ത്തി​ന്റെ എല്ലാ പ്രവൃ​ത്തി​ക​ളി​ലും സ്‌നേഹം കാണാം.

യഹോ​വ​യ്‌ക്ക്‌ ഒന്നിനും ഒരു കുറവില്ല. എങ്കിലും തന്റെ സ്‌നേ​ഹ​ത്തിൽനി​ന്നും പരിപാ​ല​ന​ത്തിൽനി​ന്നും പ്രയോ​ജനം നേടാൻ കഴിയുന്ന ബുദ്ധി​ശ​ക്തി​യുള്ള ജീവി​കളെ സ്വർഗ​ത്തി​ലും ഭൂമി​യി​ലും സൃഷ്ടി​ക്കാൻ സ്‌നേഹം ദൈവത്തെ പ്രേരി​പ്പി​ച്ചു. ഒരു സ്വാർഥ​ല​ക്ഷ്യ​വും കൂടാതെ, മനുഷ്യർക്കു താമസി​ക്കാൻ കഴിയുന്ന ഒരു നല്ല ഭവനമാ​യി ദൈവം ഭൂമിയെ ഒരുക്കി. “ദുഷ്ടന്മാ​രു​ടെ മേലും നല്ലവരു​ടെ മേലും സൂര്യനെ ഉദിപ്പി​ക്കു​ക​യും നീതി​മാ​ന്മാ​രു​ടെ മേലും നീതി​കെ​ട്ട​വ​രു​ടെ മേലും മഴ പെയ്യി​ക്കു​ക​യും” ചെയ്‌തു​കൊണ്ട്‌ ദൈവം എല്ലാ മനുഷ്യ​രെ​യും ഇപ്പോ​ഴും സ്‌നേ​ഹി​ക്കു​ന്നു.—മത്തായി 5:45.

കൂടാതെ, “യഹോവ വാത്സല്യ​വും കരുണ​യും നിറഞ്ഞ” ദൈവ​മാണ്‌. (യാക്കോബ്‌ 5:11) തന്നെക്കു​റിച്ച്‌ അറിയാ​നും തന്നോട്‌ അടുക്കാ​നും ആത്മാർഥ​മാ​യി ശ്രമി​ക്കു​ന്ന​വ​രോ​ടു ദൈവ​ത്തിന്‌ അടുപ്പം തോന്നും. അവരെ ഒരു കൂട്ടമാ​യി​ട്ടല്ല ദൈവം കാണു​ന്നത്‌, അവരെ ഓരോ​രു​ത്ത​രെ​യും സുഹൃ​ത്താ​ക്കാൻ ദൈവം ആഗ്രഹി​ക്കു​ന്നു. സത്യത്തിൽ, ‘ദൈവം നിങ്ങ​ളെ​ക്കു​റിച്ച്‌ ചിന്തയു​ള്ള​വ​നാണ്‌.’—1 പത്രോസ്‌ 5:7.

ദൈവ​ത്തി​ന്റെ സ്‌നേ​ഹ​ത്തിൽനിന്ന്‌ നമുക്ക്‌ എങ്ങനെ പ്രയോ​ജനം കിട്ടുന്നു? സൂര്യാ​സ്‌ത​മ​യ​ത്തി​ന്റെ ഭംഗി നമ്മൾ ആസ്വദി​ക്കു​ന്നു. ഒരു കുഞ്ഞിന്റെ ചിരി നമ്മളെ സന്തോ​ഷി​പ്പി​ക്കും. കുടും​ബാം​ഗ​ങ്ങ​ളു​ടെ സ്‌നേഹം നമ്മൾ വില​യേ​റി​യ​താ​യി കാണുന്നു. ജീവി​ക്കാൻ ഇതൊ​ന്നും വേണ്ടെ​ങ്കി​ലും നമ്മുടെ ജീവി​ത​ത്തി​നു നിറം നൽകുന്ന കാര്യ​ങ്ങ​ളാണ്‌ ഇവയെ​ല്ലാം.

പ്രാർഥ​ന​യിൽ ദൈവ​ത്തോ​ടു സംസാ​രി​ക്കാൻ നമ്മളെ അനുവ​ദി​ച്ചി​രി​ക്കു​ന്ന​തും ദൈവ​സ്‌നേ​ഹ​ത്തി​ന്റെ തെളി​വാണ്‌. ഇതു നമുക്ക്‌ എങ്ങനെ പ്രയോ​ജനം ചെയ്യും? ബൈബിൾ ഇങ്ങനെ പ്രോ​ത്സാ​ഹി​പ്പി​ക്കു​ന്നു: “ഒന്നി​നെ​ക്കു​റി​ച്ചും ഉത്‌ക​ണ്‌ഠ​പ്പെ​ടേണ്ടാ. കാര്യം എന്തായാ​ലും പ്രാർഥ​ന​യി​ലൂ​ടെ​യും ഉള്ളുരു​കി​യുള്ള യാചന​യി​ലൂ​ടെ​യും നിങ്ങളു​ടെ അപേക്ഷകൾ നന്ദിവാ​ക്കു​ക​ളോ​ടെ ദൈവത്തെ അറിയി​ക്കുക.” സ്‌നേ​ഹ​വാ​നായ ഒരു പിതാ​വി​നെ​പ്പോ​ലെ, തികച്ചും വ്യക്തി​പ​ര​മായ കാര്യ​ങ്ങ​ളിൽപ്പോ​ലും നമ്മൾ സഹായം ചോദി​ക്കാൻ ദൈവം ആഗ്രഹി​ക്കു​ന്നു. അപ്പോൾ, “മനുഷ്യ​ബു​ദ്ധിക്ക്‌ അതീത​മായ ദൈവ​സ​മാ​ധാ​നം” നമുക്കു തരു​മെന്ന്‌ യഹോവ ഉറപ്പു തന്നിട്ടുണ്ട്‌.—ഫിലി​പ്പി​യർ 4:6, 7.

ദൈവ​ത്തി​ന്റെ പ്രമു​ഖ​ഗു​ണ​ങ്ങ​ളായ ശക്തി, ജ്ഞാനം, നീതി, സ്‌നേഹം എന്നിവ​യെ​ക്കു​റിച്ച്‌ പരി​ശോ​ധി​ച്ച​പ്പോൾ ദൈവം എങ്ങനെ​യു​ള്ള​വ​നാ​ണെന്നു വ്യക്തമാ​യി മനസ്സി​ലാ​ക്കാൻ നിങ്ങൾക്കു കഴിഞ്ഞോ? ദൈവ​ത്തോ​ടുള്ള നിങ്ങളു​ടെ വിലമ​തി​പ്പു കൂട്ടാൻ, നിങ്ങളു​ടെ പ്രയോ​ജ​ന​ത്തി​നു​വേണ്ടി ദൈവം ഇതി​നോ​ടകം ചെയ്‌തി​ട്ടുള്ള കാര്യ​ങ്ങ​ളെ​ക്കു​റി​ച്ചും ഇനി ചെയ്യാൻ പോകുന്ന കാര്യ​ങ്ങ​ളെ​ക്കു​റി​ച്ചും മനസ്സി​ലാ​ക്കാൻ ഞങ്ങൾ നിങ്ങളെ ക്ഷണിക്കു​ന്നു.