Библийым шымлен, Иегован Таныкше-влак тӱрлӧ кусарымашым кучылтыт. Но поснак нуно Библийын «У тӱня» кусарымашым аклат (тудо нунын йылмышт дене уло гын), вет тиде чын, раш кусарымаш да тушто Юмын лӱмжым кучылтмо.

•   Юмын лӱмжым кучылтмаш. Библийым южо савыктыше-влак тудын Авторжым огыт пагале. Мутлан, Библийын ик кусарымашым савыктымаште 70 утла еҥ тыршен. Нуно тушан шке лӱмыштым возен коденыт, а теве Авторжын, Иегова Юмын, лӱмжым пуртымо огыл.

   Но «У тӱня» кусарымаште Юмын лӱмжӧ икмыняр тӱжем гана вашлиялтеш — чыла вере, кушто тудо оригинал текстыште шога. Тиде кусарымаште тудым кусарыше-влакын лӱмыштым палдарыме огыл.

•   Чын кусарымаш. Библийын чыла огыл кусарымашыже оригинал Библийын текстын смыслжым ончыкта. Мутлан, ик кусарымаште Матфейын 7:13 почеламутым тыге возымо: «Шыгыр капкаш пурыза, вет тамыкышке наҥгайыше капка лопка да тушко вӱдышӧ корно кумда». Но оригинал текстыште тиде почеламутышто «тамык» манме мут огыл, а «колымаш» манме мут шога. Очыни, кусарыше-влак ӱшаненыт, пуйто осал еҥ-влак тамык тулышто курымеш индыралташ тӱҥалыт, сандене нуно «тамык» манме мутым пуртеныт. Но Библий тидлан огеш туныкто. «У тӱня» кусарымаште тиде почеламутым чын кусарыме: «Шыгыр капкаш пурыза, вет лопка капка да кумда корно колымашке наҥгаят».

•   Раш кусарымаш. Сай кусарымаш чын гына огыл, тугак раш да умылашлан куштылго лийшаш. Примерым кондена. Римлян-влаклан 12:11 почеламутышто апостол Павел тыгай шомакым кучылтеш, кудыжо «шӱлыш дене шолаш» манмым буквально ончыкта. Тачысе лудшо еҥ тиде шомакым огеш умыло докан, сандене «У тӱня» кусарымаште тыште тыге возымо: «Святой шӱлыш таратыме почеш служитлымаште йӱлыза».

 «У тӱня» кусарымаш чын, раш, да тушто Юмын лӱмжым кучылтмо, но тылеч моло тиде кусарымашын эше ик ойыртемже уло: тудым оксам тӱлыде налаш лиеш. Тидлан кӧра миллионло еҥ Библийым шке шочмо йылме дене лудын кертеш, ты шотыштак тыгай еҥ-влак, кӧн Библийым налаш оксаже уке.