«Изи лиймем годым изам мыйым кажне кечын физический шотышто индырен да мут дене сусыртен. Марлан лекмем деч вара мариемын ача ден аваже мыйым тыгак индыреныт да мый нунылан кул семын лийынам. Тунам шкем пуштмо нерген шонымаш ушыштем лийын» (Маду, a Индий).

 Тазалык аралыме тӱнямбалысе организаций пеҥгыдемда: «Ӱдырамаш-влакым виешлымашым уло тӱня мучко шуко вере ужаш лиеш». Ончалаш гын, каласаш лиеш кажне кумшо ӱдырамаш илышыште кунам гынат физический але сексуальный виешлымаш дене тӱкна.

 Теат тыгай дене тӱкненда гын, тыгай шижмашда лийын кертеш: кеч куш ода кай, тендан дене торжа лийын кертыт, тендам мыскылен але сексуальный шотышто виешлен кертыт. Ӱдырамаш-влак деке тыгай торжалыклан кӧра тендан шижмаш лийын кертеш, пуйто чыла еҥ-влак ӱдырамаш-влакым пагалаш кӱлдымылан шотлат. Но Юмо ӱдырамаш-влакым акла мо?

 Библийыште возымо: «Юмо... нуным пӧръеҥ ден ӱдырамашым ыштен» (Тӱҥалтыш 1:27).

 Мом тиде ончыкта: Юмо пӧръеҥ ден ӱдырамашым ыштен. Нуным когыньыштымат тудо пагала. Тыгак тудо марий-влак деч теве мом вуча: «Кажныже шкенжым йӧратыме семын тек ватыжым йӧрата» (Ефесян-влаклан 5:33). Но ватын кажне ыштымыжым тергаш да тудым торжа мут ден паша дене сусырташ Юмо марий-влаклан чара (Колоссян-влаклан 3:19). Раш коеш: ӱдырамаш-влакын безопасность Юмылан садиктак огыл.

 «Йоча лиймем годым родо-влак мыйым сексуальный шотышто виешленыт. А кунам мылам 17 ий лийын, пашаште начальник мый денем от мале гын, мый тыйым паша гыч луктын колтем манын лӱдыктен. Кушкын шуымеке, мый ужынам, кузе марием, тудын ача-аваже да пошкудына-влак мыйым нигӧланат шотлен огытыл. Но вара мый Иегова b Ыштышына нерген пален налынам. Тудо ӱдырамаш-влакым пагала. Тиде мыйым ӱшандарен: Юмо мыйым йӧрата да акла» (Мария, Аргентина).

 Библийыште возымо: «Уло тыгай йолташ, кудыжо иза-шольо деч чотрак йӧрата» (Притчи 18:24).

 Мом тиде ончыкта: Чын йолташ полшен кертеш. Лиеш гын, ӱшанаш лийше айдемылан шке шижмашда нерген каласкалыза.

 «Мыйым сексуальный шотышто виешленыт манын, 20 ий нигӧланат ойлен омыл. Тидлан кӧра мый эре ойгырышо да тургыжланыше лийынам. Но кунам мыйым колышташ ямде айдеме дене мутланенам, мылам вигак куштылго лие» (Элиф, Турций).

 Библийыште возымо: «Кеч-могай тургыжланымашдам Юмылан ӱшанен пуыза: Тудо тендан верч тырша» (1 Петрын 5:7).

 Мом тиде ончыкта: Кунам те кумалыда, Юмо чынжымак тендам колеш (Псалом 54:23; 64:3). Тудо тендан верч тырша, сандене тыланда умылаш полша, мыняр чот шергакан те улыда.

 «Мый эмоциональный шотышто чот сусыргышо лийынам. Но Иегова нерген пален налмеке, мый паремаш тӱҥалынам. Кызыт мый, Юмылан кумалын, тудлан чыла шижмашем нерген каласкален кертам. Тудо мыйын йолташем да чыла шижмашем тӱрыснек умыла» (Ана, Белиз).

 Библийыште возымо: «Иегова... мландыште илыше айдеме ынде тулык ден пызырыме-влакым ынже лӱдыктӧ манын, тый нунылан справедливостьым пӧртылтет» (Псалом 9:38, 39).

 Мом тиде ончыкта: Ӱдырамаш-влак шотышто кеч-могай чын огыл ыштымашым, торжалыкым да виешлымашым Юмо чот вашке кораҥда.

 «Ӱдырамаш ден ӱдыр-влак деке торжалыклан Иегова чот вашке мучашым пышта манын пален налынам. Тиде мыланем паремашлан эм семын лийын. Чонышто тыгай тынысым шижынам» (Роберта, Мексика).

 Иегован Таныкше-влак Библийым кучылтын, тыланда полшен кертыт, вет тушто ончыкылыклан ӱшан нерген возымо да тудын сӧрымыжлан ӱшанаш лиеш. Шукырак пален налашлан тыланда тиде статьям пуышо айдемым тендан дек толаш йодса.

 Тиде статьям печатлашлан версийым тулен налза.